ಐತಿಹಾಸಿಕ ಟೆಸ್ಟ್‌ : ಭಾರತಕ್ಕೆ ಜಯ, ಜೋಷಿ ಪಂದ್ಯ ಪುರುಷೋತ್ತಮ

ಢಾಕಾ : ಬಾಂಗ್ಲಾ ವಿರುದ್ಧದ ಐತಿಹಾಸಿಕ ಕ್ರಿಕೆಟ್‌ ಟೆಸ್ಟ್‌ ಪಂದ್ಯದಲ್ಲಿ ಪಂದ್ಯ ಮುಗಿಯಲು ಇನ್ನೊಂದು ದಿನ ಇರುವಂತೆಯೇ ಭಾರತ 9 ವಿಕೆಟ್‌ಗಳ ಬೃಹತ್‌ ಜಯ ದಾಖಲಿಸಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ 400 ರನ್‌ ಗಳಿಸಿ ಭರವಸೆ ಹುಟ್ಟಿಸಿದ್ದ ಬಾಂಗ್ಲಾ ಎರಡನೇ ಇನ್ನಿಂಗ್ಸ್‌ನಲ್ಲಿ ತನ್ನ ಟೆಸ್ಟ್‌ ಅನನುಭವವನ್ನು ವ್ಯಕ್ತಪಡಿಸಿತು. ಭಾರತದ ಪರ ರಮೇಶ್‌ (1) ಅಗ್ಗವಾಗಿ ಔಟಾದರೂ, ಕಲೆಗಾರ ದ್ರಾವಿಡ್‌ ತಮ್ಮ ಸಂಪ್ರದಾಯ ಮುರಿದು ಕೇವಲ 49 ಎಸೆತಗಳಲ್ಲಿ 41 ರನ್‌ ಗಳಿಸಿ ಅಜೇಯರಾದರು. ಅವರ ಹೊಡೆತಗಳಲ್ಲಿ ಒಂದು ಸಿಕ್ಸರ್‌ ಸಹ ಇತ್ತು, ಅದು ಪಂದ್ಯದ ಏಕ ಮಾತ್ರ ಸಿಕ್ಸರ್‌.

ಹೊಸಬ ಶಿವ ದಾಸ್‌ 22 ರನ್‌ ಗಳಿಸಿ ಅವರಿಗೆ ಬೆಂಬಲ ಕೊಟ್ಟರು. ಕೇವಲ 15 ಓವರ್‌ಗಳಲ್ಲಿ ಭಾರತ ಗೆಲುವಿನ 63 ರನ್‌ ಗುರಿ ಮುಟ್ಟಿತು. ಪಂದ್ಯದಲ್ಲಿ ಒಟ್ಟು 8 ವಿಕೆಟ್‌ ಕಿತ್ತು, ಮೊದಲ ಇ್ನನಿಂಗ್ಸ್‌ನಲ್ಲಿ 92 ರನ್‌ ಗಳಿಸಿದ್ದ ಗೆಲುವಿನ ರೂವಾರಿ ಸುನಿಲ್‌ ಜೋಷಿ ಪಂದ್ಯ ಪುರುಷೋತ್ತಮ ಪ್ರಶಸ್ತಿಗೆ ಪಾತ್ರರಾದರು.

(ಇನ್ಫೋ ವಾರ್ತೆ)

ಮುಖಪುಟ / ಆಟದ ಅಂಗಳ