ಡಾಟ್‌ ಕಾಮ್‌ಗಳ ಹಣೆಬರಹ ಓದುವುದು ಹೇಗೆ?- ವಿಚಾರ ಸಂಕಿರಣ

ಬೆಂಗಳೂರು: ಮಣಿಪಾಲದ ಟಿ. ಎ. ಪೈ ನಿರ್ವಹಣಾ ಸಂಸ್ಥೆಯು (ತಾಪ್‌ಮಿ) ಬೆಂಗಳೂರಿನ ತಾಜ್‌ ರೆಸಿಡೆನ್ಸಿಯಲ್ಲಿ ನವೆಂಬರ್‌ 11ರಂದು ಡಾಟ್‌ ಕಾಮ್‌ ಕಂಪೆನಿಗಳ ಮೌಲ್ಯಮಾಪನ ಕುರಿತು ವಿಚಾರ ಸಂಕಿರಣವನ್ನು ಹಮ್ಮಿಕೊಂಡಿದೆ.

ಡಾಟ್‌ ಕಾಮ್‌ಗಳ ನಿರ್ಧಾರಕ ಅಂಶಗಳ ಬಗ್ಗೆ ಕೆಲವು ಸಂಸ್ಥೆಗಳು ತೋರುತ್ತಿರುವ ಅವಸರದ ವರ್ತನೆಯನ್ನು ಹಿನ್ನೆಲೆಯಾಗಿಟ್ಟುಕೊಂಡು ಈ ಸಂಕಿರಣವನ್ನು ಆಯೋಜಿಸಲಾಗಿದೆ. ಮ್ಯೂಚುಯಲ್‌ ಫಂಡ್‌ ನಿರ್ವಹಣಾಧಿಕಾರಿಗಳಿಗೆ, ವೆಂಚರ್‌ ಬಂಡವಾಳದಾರರಿಗೆ, ಡಾಟ್‌ ಕಾಮ್‌ ಆರಂಭಿಕರಿಗೆ, ಭದ್ರತಾ ವಿಶ್ಲೇಷಕರಿಗೆ, ಹೂಡಿಕೆ ಬ್ಯಾಂಕರ್‌ಗಳಿಗೆ, ತಜ್ಞರಿಗೆ ಡಾಟ್‌ ಕಾಮ್‌ ರಂಗದ ಕುರಿತು ತಿಳಿದುಕೊಳ್ಳಲು, ನಿಖರವಾಗಿ ಅವುಗಳ ಮೌಲ್ಯ ಮಾಪನ ಮಾಡಲು ಈ ವಿಚಾರ ಸಂಕಿರಣ ಸಹಕಾರಿಯಾಗಲಿದೆ.

ಮೌಲ್ಯ ಮಾಪನದ ಮೂಲ ಅಂಶಗಳು, ವ್ಯವಹಾರ ಮಾದರಿಗಳು, ಅನುಭವ ಹಂಚಿಕೆಯಂತಹ ಗೋಷ್ಠಿಗಳು ವಿಚಾರ ಸಂಕಿರಣದಲ್ಲಿರುತ್ತವೆ. ಸ್ಕೂಲ್‌ ನೆಟ್‌ನ ಪ್ರೊ. ಪ್ರೇಮ್‌ ಚಂದರ್‌, ‘ಸೆಬಿ’ಯ ಪ್ರದೀಪ್‌ ಖಾರ್‌, ಎನ್‌.ವಿ.ಸಿ.ಎಫ್‌. ಫೈನಾನ್ಸ್‌ನ ಅಂಜನಾ ವಿವೇಕ್‌, ಕೆ.ಪಿ.ಎಂ.ಜಿಯ ರೇಣು ರಮಣಿ, ಫ್ಯಾಬ್‌ ಮಾರ್ಟ್‌ನ ವೈದೀಶ್ವರನ್‌ ವಿಚಾರ ಸಂಕಿರಣದಲ್ಲಿ ಉಪನ್ಯಾಸ ನೀಡಲಿದ್ದಾರೆ. ವಿಚಾರ ಸಂಕಿರಣದ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯಲು ಪ್ರೊ. ಪಿತಬಾಸ್‌ ಮೊಹಂತಿ ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಬಹುದು.

(ಮಣಿಪಾಲ) 08252- 71358, 73162 , ಫ್ಯಾಕ್ಸ್‌ - 70622.

(ಇನ್ಫೋ ವಾರ್ತೆ)