ಅಮೆರಿಕ ಅಧ್ಯಕ್ಷೀಯ ಚುನಾವಣೆ : ಬುಷ್‌- 246, ಗೊರ್‌- 242

ವಾಷಿಂಗ್ಟನ್‌ ಡಿಸಿ : ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ಮತ ಎಣಿಕೆ ಪ್ರಾರಂಭವಾಗಿದ್ದು, ಜಾರ್ಜ್‌ ಡಬ್ಲ್ಯು ಬುಷ್‌ 246 ಎಲೆಕ್ಟರಲ್‌ ಕಾಲೇಜ್‌ ಮತಗಳನ್ನು ಗೆದ್ದಿದ್ದರೆ, ಗೊರ್‌ 242 ಮತಗಳನ್ನು ಗೆದ್ದಿದ್ದು ಟಂಗಾಟುಂಗಿ ಸ್ಪರ್ಧೆ ನಡೆದಿದೆ.

ಅರ್ಕಾನ್ಸಾಸ್‌, ಅಲಸ್ಕ, ಅರಿಜೋನ, ಗೊರ್‌ ತಾಯ್ನಾಡಾದ ಟೆನೆಸ್ಸೆ, ಕೊಲಾರ್ಡೋ, ನೆವಾಡ, ಇದಾಹೋ, ಉತಾ, ಒಹಿಯೋ, ಮೋಂಟ್ಯಾನ, ನ್ಯೂ ಹ್ಯಾಂಷೈರ್‌, ನೆಬ್ರಾಸ್ಕ, ಯೋಮಿಂಗ್‌, ಲೂಸಿಯಾನ, ಉತ್ತರ ಮತ್ತು ದಕ್ಷಿಣ ಡಕೋಟ, ಅಲಾಬಮ, ಮಿಸಿಸಿಪ್ಪಿ, ಕನ್ಸಾಸ್‌, ಟೆಕ್ಸಾಸ್‌, ಉತ್ತರ ಕೆರೋಲಿನಾ, ಮಿಸ್ಸೌರಿ, ಒಕ್ಲಾಹೋಮ, ವರ್ಜಿನಿಯಾ ಮತ್ತು ಪಶ್ಚಿಮ ವರ್ಜೀನಿಯಾ ರಾಜ್ಯಗಳಲ್ಲಿ ಬುಷ್‌ ಜಯ ಸಾಧಿಸಿದ್ದಾರೆ.

ವಾಷಿಂಗ್ಟನ್‌, ಕ್ಯಾಲಿಫೋರ್ನಿಯಾ, ಹವಾಯಿ, ನ್ಯೂ ಮೆಕ್ಸಿಕೋ, ಮಿನ್ನೆಸೋಟ, ಮೇರಿಲ್ಯಾಂಡ್‌, ಕನೆಕ್ಟಿಕಟ್‌, ದೆಲಾವೇರ್‌ ಡಿಸ್ಟ್ರಿಕ್ಟ್‌ ಆಫ್‌ ಕೊಲಂಬಿಯಾ (ವಾಷಿಂಗ್ಟನ್‌ ಡಿಸಿ) ಹಾಗೂ ವೆರ್ಮಾಂಟ್‌ಗಳಲ್ಲಿ ಡೆಮಕ್ರಾಟಿಕ್‌ ಪಕ್ಷದ ಅಲ್‌ ಗೊರ್‌ ಗೆಲುವು ಸಾಧಿಸಿದ್ದು, ಅಮೆರಿಕ ಅಧ್ಯಕ್ಷ ಪದವಿ ಹುದ್ದೆಯ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನದಲ್ಲಿದ್ದಾರೆ.

ನ್ಯೂಯಾರ್ಕ್‌ನಲ್ಲಿ ಹಿಲೆರಿ ಕ್ಲಿಂಟನ್‌ ಸೆನೆಟ್‌ ಸ್ಥಾನ ಗೆದ್ದಿದ್ದಾರೆ. ಒಟ್ಟಾರೆ ಅಲ್‌ ಗೊರ್‌ 242 ಎಲೆಕ್ಟರಲ್‌ ಕಾಲೇಜ್‌ ಮತಗಳನ್ನು ಗಳಿಸಿದ್ದರೆ, ಬುಷ್‌ 246 ಮತಗಳನ್ನು ಗೆದ್ದಿದ್ದಾರೆ. ಗೊರ್‌ ಒಟ್ಟು 17 ರಾಜ್ಯಗಳಲ್ಲಿ ಗೆಲುವು ಸಾಧಿಸಿದ್ದರೆ, ಬುಷ್‌ 29 ರಾಜ್ಯಗಳಲ್ಲಿ ಜಯ ಗಳಿಸಿದ್ದಾರೆ. ಫ್ಲೋರಿಡಾ ಕ್ಷೇತ್ರದ ಫಲಿತಾಂಶ ಇನ್ನೂ ಹೊರಬ್ದಿದಿಲ್ಲ. 25 ಎಲೆಕ್ಟರಲ್‌ ಕಾಲೇಜ್‌ ಮತಗಳಿರುವ ಈ ಕ್ಷೇತ್ರದ ಫಲಿತಾಂಶ ನಿರ್ಣಾಯಕವಾಗಲಿದೆ.

ಗವರ್ನರ್‌ ಬುಷ್‌ ಆಸ್ಟಿನ್‌ ಮತ್ತು ಟೆಕ್ಸಾಸ್‌ನಲ್ಲಿ ತಮ್ಮ ಮತ ಚಲಾಯಿಸಿದರೆ, ಅಲ್‌ ಗೊರ್‌ ಎಲ್ಮ್‌ವುಡ್‌ ಮತ್ತು ಟೆನೆಸ್ಸೆಗಳಲ್ಲಿ ತಮ್ಮ ಮತ ಚಲಾಯಿಸಿದರು. ಸದನಗಳ ಎಲ್ಲಾ 435 ಸ್ಥಾನ ಹಾಗೂ ಸೆನೆಟ್‌ನ 100 ಸ್ಥಾನಗಳ್ಲಲಿ 34 ಸ್ಥಾನಗಳ ಎಣಿಕೆ ಮುಗಿದಿದ್ದು, ರಿಪಬ್ಲಿಕನ್‌ ಪಕ್ಷ ಕೂದಲೆಳೆಯಷ್ಟು ಅಂತರದಲ್ಲಿ ಮುನ್ನಡೆ ಸಾಧಿಸುವ ಭಯವನ್ನು ಡೆಮಾಕ್ರಟಿಕ್‌ ಪಕ್ಷ ಎದುರಿಸುತ್ತಿದೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...