ಬೃಹನ್ಮಠ ಶರಣರಿಂದ ವೈದಿಕರ ‘ಸ್ವಾಮಿ’ ಪದ ತ್ಯಾಗ

ದಾವಣಗೆರೆ : ಸ್ವಾಮಿ ಎನ್ನುವ ಪದ ವೈದಿಕ ಹಿನ್ನೆಲೆಯಲ್ಲಿ ಬಂದಿರುವುದರಿಂದ ತಾವು ಮಹಾಸ್ವಾಮಿಗಳು ಎಂಬ ಪದವನ್ನು ತ್ಯಾಗ ಮಾಡಿದ್ದು, ಇನ್ನು ಮುಂದೆ ತಮ್ಮನ್ನು ಶರಣ ಎಂದು ಕರೆಸಿಕೊಳ್ಳುವುದಾಗಿ ಚಿತ್ರದುರ್ಗ ಬೃಹನ್ಮಠದ ಶಿವಮೂರ್ತಿ ಮುರುಘರಾಜೇಂದ್ರ ಶರಣ ಹೇಳಿದ್ದಾರೆ.

ಅವರು ಶಿವಯೋಗಾಶ್ರಮದಲ್ಲಿ ಭಾನುವಾರ ಆಯೋಜಿಸಿದ್ದ ಶರಣ ಸಂಗಮ ಕಾರ್ಯಕ್ರಮದಲ್ಲಿ ತಮ್ಮ ಈ ನಿರ್ಧಾರವನ್ನು ಪ್ರಕಟಿಸಿದರು. ವೈದಿಕ ಹಿನ್ನೆಲೆಯಿಂದ ಬಂದಿರುವ ಸ್ವಾಮಿ ಎನ್ನುವ ಪದ ಮೇಲರಿಮೆಯನ್ನು ಸೂಚಿಸುತ್ತದೆ. 12 ನೇ ಶತಮಾನದ ಶರಣರ ಚಿಂತನೆ ಆ ಶತಮಾನಕ್ಕೆ ಮಾತ್ರ ಮೀಸಲಾಗಿರಬಾರದು. ಅದು 21ನೇ ಶತಮಾನದವರೆಗೂ ಬೆಳಗಬೇಕು ಎಂದು ಚಿತ್ರದುರ್ಗ ಬೃಹನ್ಮಠದ ಶರಣರು ಹೇಳಿದ್ದಾರೆ.

(ಇನ್ಫೋ ವಾರ್ತೆ)