ಜರ್ಮನಿ- ಬೆಂಗಳೂರು ಬೆಸೆವ ಐಟಿ

ಬೆಂಗಳೂರು : ಬವಾರಿಯನ್‌ ಮಾಹಿತಿ ಮತ್ತು ಬಾನುಲಿ ಪ್ರಸಾರ ಖಾತೆ ಸಚಿವ ಜರ್ಮನಿಯ ಎಡ್ವಿನ್‌ ಹ್ಯೂಬರ್‌ 15 ಜನರ ಉನ್ನತ ನಿಯೋಗದೊಂದಿಗೆ ಶನಿವಾರ ಬೆಂಗಳೂರು ಐಟಿ.ಕಾಂ ಮೇಳಕ್ಕೆ ಭೇಟಿ ಕೊಟ್ಟರು. ಕಳೆದ ಬೇಸಗೆಯಲ್ಲಿ ತಮ್ಮ ಸರ್ಕಾರ, ಪ್ರವೇಶ ನೀತಿಯನ್ನು ಸರಳಗೊಳಿಸಿದ ನಂತರ 300 ಕ್ಕೂ ಹೆಚ್ಚು ಐಟಿ ತಜ್ಞರು ಭಾರತದಿಂದ ಜರ್ಮನಿಗೆ ಬಂದಿದ್ದಾರೆಂದು ಅವರು ಹೇಳಿದರು.

ಐಟಿ ಕ್ಷೇತ್ರದಲ್ಲಿ ನಾವು ಅದ್ವೀತಿಯರು ಎಂದು ಹೇಳಿಕೊಂಡ ಎಡ್ವಿನ್‌, ಮುಂದಿನ ದಿನಗಳಲ್ಲಿ ಬವಾರಿಯ ಮತ್ತು ಬೆಂಗಳೂರಿನ ನಡುವಣ ಐಟಿ ಸಂಬಂಧ ಉತ್ತಮವಾಗಲಿದೆ ಎಂದರು. ಸುಮಾರು 2000ಕ್ಕೂ ಹೆಚ್ಚು ಸಾಫ್ಟ್‌ವೇರ್‌ ಕಂಪನಿಗಳನ್ನು ಹೊಂದಿರುವ ಮ್ಯೂನಿಚ್‌, ಜರ್ಮನಿಯ ಸಿಲಿಕಾನ್‌ ವ್ಯಾಲಿ ಎಂದು ಬಣ್ಣಿಸಿದ ಅವರು, ಮುಂದಿನ ವರ್ಷ ಭಾರತದೊಂದಿಗೆ ಜಂಟಿ ಸಹಯೋಗದಲ್ಲಿ ಕೆಲವು ಯೋಜನೆಗಳಿಗೆ ಚಾಲನೆ ಸಿಗುವ ವಿಶ್ವಾಸ ವ್ಯಕ್ತ ಪಡಿಸಿದರು. ರಾಜ್ಯ ಕೈಗಾರಿಕಾ ಸಚಿವ ದೇಶಪಾಂಡೆ ಅವರೊಂದಿಗೆ ವಿವಿಧ ಮಳಿಗೆಗಳಿಗೆ ಎಡ್ವಿನ್‌ ಭೇಟಿ ಕೊಟ್ಟರು.

(ಯುಎನ್‌ಐ)

ವಾರ್ತಾ ಸಂಚಯ
ಮುಖಪುಟ / ಬೆಂಗಳೂರು ಐಟಿ.ಕಾಂ