ಕಾಪಿರೈಟ್‌ ಉಲ್ಲಂಘನೆ ವಿರುದ್ಧ ಕಲ್ಕತ್ತಾ ಕೋರ್ಟ್‌ ತೀರ್ಪು

* ವಿನೀತಾ ಮಿಶ್ರ

ನವದೆಹಲಿ : ಅಂತಾರಾಷ್ಟ್ರೀಯ ಕಂಪೆನಿಯ ಲಾಂಛನಗಳು ಮತ್ತು ಕಾಪಿರೈಟ್‌ಗಳನ್ನು ಅಕ್ರಮವಾಗಿ ಉಹಯೋಗಿಸಿಕೊಳ್ಳುವ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಕೇವಲ ಕಾನೂನು ಕ್ರಮಗಳನ್ನಷ್ಟೇ ಅಲ್ಲದೆ ಕ್ರಿಮಿನಲ್‌ ಮೊಕದ್ದಮೆ ಹೂಡಬಹುದೆಂದು ಕಲ್ಕತ್ತಾ ಹೈಕೋರ್ಟ್‌ ತೀರ್ಪು ನೀಡಿದೆ.

ಈ ತೀರ್ಪಿನಂತೆ ಅಂತಾರಾಷ್ಟ್ರೀಯ ಕಂಪನಿಗಳು ಮತ್ತು ವಿದೇಶಿ ಹೂಡಿಕೆದಾರರ ಲಾಂಛನ ಮತ್ತು ಇತರೆ ಹಕ್ಕುಗಳನ್ನು ಬೇರೆಯವರು ಉಪಯೋಗಿಸುವುದ ಕಾನೂನು ಬಾಹಿರ. ಈ ತೀರ್ಪಿನಿಂದ ವಿದೇಶಿ ಹೂಡಿಕೆದಾರರು ಮತ್ತು ಕಂಪನಿಗಳಿಗೆ ಇದ್ದ ಆತಂಕಗಳು ದೂರವಾದಂತಾಗಿದೆ ಎಂದು ಉದ್ಯಮಿಗಳು ತಿಳಿಸಿದ್ದಾರೆ.

ಕಲ್ಕತ್ತಾದ ಪಹಾರ್‌ಪೂರ್‌ ಕೂಲಿಂಗ್‌ ಟವರ್‌ (ಪಿಸಿಟಿ) ಕಂಪನಿಯ ತಮ್ಮ ಕಂಪನಿಯ ಲಾಂಛನ (ಲೋಗೊ) ಉಪಯೋಗಿಸಿಕೊಳ್ಳುತ್ತಿದ್ದು, ಅದನ್ನು ನಿರ್ಬಂಧಿಸಬೇಕೆಂದು ಅಮೆರಿಕ ಮೂಲದ ಮಾರ್ಲೆ ಕೂಲಿಂಗ್‌ ಟವರ್‌ ಕಂಪನಿ (ಎಂಸಿಟಿ) ಕೋರ್ಟ್‌ ಮೆಟ್ಟಿಲು ಹತ್ತಿತ್ತು.

ಈ ಸಂಬಂಧ ವಿಚಾರಣೆ ನಡೆಸಿದ ಕಲ್ಕತ್ತಾದ ಕಾಪಿರೈಟ್‌ ಬೋರ್ಡ್‌, ಕಾಪಿರೈಟ್‌ ಉಲ್ಲಂಘನೆ ಆಧಾರದ ಮೇಲೆ ಕಲ್ಕತ್ತಾದ ಪಹಾರ್‌ಪೂರ್‌ ಕೂಲಿಂಗ್‌ ಟವರ್‌ (ಪಿಸಿಟಿ) ಕಂಪನಿಯ ವಿರುದ್ಧ ಕೇವಲ ಕಾನೂನು ಕ್ರಮ ಅಷ್ಟೇ ಅಲ್ಲದೆ ಕ್ರಿಮಿನಲ್‌ ಮೊಕದ್ದಮೆ ಹೂಡಬಹುದೆಂದು ತೀರ್ಪು ನೀಡಿದೆ.

ಇಂಡಸ್ಟ್ರಿಯಲ್‌ ಕೂಲಿಂಗ್‌ ಟವರ್‌ಗಳ ಉತ್ಪಾದನೆಯಲ್ಲಿ ಅಂತಾರಾಷ್ಟ್ರೀಯ ಮನ್ನಣೆ ಗಳಿಸಿರುವ ಎಂಸಿಟಿ, 1999ರ ಏಪ್ರಿಲ್‌ನಲ್ಲಿ ಮೊಕದ್ದಮೆ ಹೂಡಿತ್ತು. ತೀರ್ಪು ಸೆಪ್ಟಂಬರ್‌ 29, 2000ದಂದು ಹೊರಬಿದ್ದಿದೆ.

(ಐಎಎನ್‌ಎಸ್‌)