• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬಂದದ್ದೆಲ್ಲಾ ಬರಲಿ ಗೋವಿಂದನ ದಯೆ ಇರಲಿ: ಪಾರ್ವತಮ್ಮ

By Super
|

ಬೆಂಗಳೂರು : ಕೆಲದಿನಗಳಿಂದ ತಣ್ಣಗಾಗಿದ್ದ ರಾಜ್‌ಕುಮಾರ್‌ ಬಿಡುಗಡೆ ಪ್ರಕ್ರಿಯೆ ಮತ್ತೆ ಚುರುಕಾಗಿದೆ. 6ನೇ ಬಾರಿಯ ಸಂಧಾನ ಪ್ರಕ್ರಿಯೆಗೆ ಚಾಲನೆ ದೊರೆತಿದೆ. ನಾಡಿನಿಂದ ಕಾಡಿಗೆ ರಾಜ್‌ಕುಟುಂಬದವರ ಸಂದೇಶದ ರವಾನೆ ಆಗಿದೆ. ರಾಜ್ಯ ಗೃಹ ಸಚಿವ ಮಲ್ಲಿಕಾರ್ಜುನ ಖರ್ಗೆ ವೀರಪ್ಪನ್‌ ವಿರುದ್ಧದ ಕಾರ್ಯಾಚರಣೆ ಪಡೆಯ ಮಾಜಿ ಮುಖ್ಯಸ್ಥ ಶಂಕರ್‌ ಬಿದರಿ ಅವರೊಂದಿಗೆ ಸಮಾಲೋಚನೆ ನಡೆಸಿದ್ದಾರೆ. ಇವಿಷ್ಟೂ ನಾಲ್ಕು ಅಮಾವಾಸ್ಯೆ ಕಳೆದ ನಂತರದ ವಿದ್ಯಮಾನ.

ರಾಜ್‌ಕುಮಾರ್‌ ಅವರೇ ಬಿಡುಗಡೆ ಆಗುತ್ತಾರೆ ಎಂಬ ಭಾರಿ ವದಂತಿಯ ನಡುವೆ ಗೋವಿಂದ್‌ರಾಜ್‌ಬಿಡುಗಡೆ ಆದ ನಂತರ ಕಾಡು - ನಾಡಿನ ನಡುವಿನ ಸಂಪರ್ಕವೇ ಕಳಚಿ ಹೋಗಿತ್ತು. ಆದರೆ, ಬಲಿಪಾಡ್ಯಮಿಯ ಶನಿವಾರ ಮತ್ತೆ ಬೆಂಗಳೂರು ಆಕಾಶವಾಣಿ ಪಾರ್ವತಮ್ಮ ರಾಜ್‌ಕುಮಾರ್‌, ರಾಜ್‌ ಸ್ನೇಹಿತರಾದ ರಾಮಸ್ವಾಮಿ ಹಾಗೂ ಇತರರ ಸಂದೇಶವನ್ನು ಕಾಡಿಗೆ ಬಿತ್ತರಿಸಿತು.

ನಾವೆಲ್ಲಾ ಚೆನ್ನಾಗಿದ್ದೇವೆ. ನೀವೂ ಚೆನ್ನಾಗಿಯೇ ಇದ್ದೀರಿ ಎಂದು ಭಾವಿಸುತ್ತೇನೆ. ನಾವು ನಂಬಿರುವ ದೇವರು ನಮ್ಮ ಕೈಬಿಡುವುದಿಲ್ಲ ಎಂದು ಹೇಳಿದ ಪಾರ್ವತಮ್ಮ ರಾಜ್‌ಕುಮಾರ್‌, ಬಂದಿದ್ದೆಲ್ಲಾ ಬರಲಿ ಗೋವಿಂದನ ದಯೆ ನಮಗಿರಲಿ ಎಂದರು. ಮಕ್ಕಳು, ಮೊಮ್ಮಕ್ಕಳು ಎಲ್ಲರೂ ಚೆನ್ನಾಗಿದ್ದಾರೆ ಚಿಂತಿಸಬೇಡಿ ಎಂದು ರಾಜ್‌ಕುಮಾರ್‌ ಅವರಿಗೆ ಆಕಾಶವಾಣಿಯ ಮೂಲಕ ಸಂದೇಶ ಕಳುಹಿಸಿದರು.

ವೀರಪ್ಪನ್‌ಗೆ ಮತ್ತೊಮ್ಮೆ ತಮಿಳಿನಲ್ಲಿ ಮನವಿ ಮಾಡಿಕೊಂಡ ಅವರು, ಈಗಾಗಲೇ 3 ತಿಂಗಳಾಗಿದೆ. ಇಲ್ಲಿ ಮೊಮ್ಮಕ್ಕಳಿಗೆ ಉತ್ತರ ಹೇಳುವ ಸ್ಥಿತಿಯಲ್ಲಿ ನಾನಿಲ್ಲ, ಬೇಗ ರಾಜ್‌ ಅವರನ್ನು ಬಿಟ್ಟು ಬಿಡಿ ಎಂದು ಕೋರಿದರು. ರಾಮಸ್ವಾಮಿ ಅವರು, ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವಂತೆ ಹಾಗೂ ಔಷಧ ತೆಗೆದುಕೊಳ್ಳುವಂತೆ ರಾಜ್‌ ಅವರನ್ನು ಪ್ರಾರ್ಥಿಸಿದರು. ನೀವು ಮನೆಗೆ ಬಂದ ನಂತರವೇ ನಮಗೆ ನಾಡ ಹಬ್ಬ, ಬೆಳಕಿನ ಹಬ್ಬ ಎಂದರು.

ಸತ್ಯ ಪ್ರಕಟವಾಗುವುದು ಯಾವಾಗಲೂ ತಡವಾಗೇ ಹೀಗಾಗಿ ನೀವೇನೂ ಚಿಂತಿಸಬೇಡಿ, ದೈವಾನುಗ್ರಹ ತಮಗಿದೆ ಎಂದು ಹೇಳಿದರು.

ಖರ್ಗೆ - ಬಿದರಿ ಚರ್ಚೆ : ಈ ಮಧ್ಯೆ ಐಜಿಪಿ ಶಂಕರ್‌ಬಿದರಿ ಅವರೊಂದಿಗೆ ಮಾತುಕತೆ ನಡೆಸಿದ ಗೃಹ ಸಚಿವ ಮಲ್ಲಿಕಾರ್ಜುನ ಖರ್ಗೆ ಅವರು, ರಾಜ್‌ ಬಿಡುಗಡೆಗೆ ಪರ್ಯಾಯ ತಂತ್ರಗಳ ಬಗ್ಗೆ ಚರ್ಚಿಸಿದರು ಎಂದು ಉನ್ನತ ಮೂಲಗಳು ತಿಳಿಸಿವೆ. ಇನ್ನು ಒಂದೆರಡು ದಿನದಲ್ಲೇ (ವೀರಪ್ಪನ್‌ ಆಣತಿ ದೊರೆತ ನಂತರ) ನೆಡುಮಾರನ್‌ ಹಾಗೂ ನಕ್ಕೀರನ್‌ ಗೋಪಾಲ್‌ ಅವರು, ಕಾಡಿಗೆ ತೆರಳುತ್ತಾರೆ ಎಂದೂ ಮೂಲಗಳು ತಿಳಿಸಿವೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು sandalwood ಸುದ್ದಿಗಳುView All

English summary
Rajkumar abduction jinx unresolved

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more