ಗಾಯಕ ಪುರಾಣಿಕ ಮಠರಿಗೆ ಪಂಚಾಕ್ಷರ ಪ್ರಶಸ್ತಿ

ಬೆಂಗಳೂರು : ಗಾನಯೋಗಿ ಪಂಚಾಕ್ಷರ ಪ್ರತಿಷ್ಠಾನ ನೀಡುವ ಪ್ರತಿಷ್ಠಿತ ಪಂಚಾಕ್ಷರ ಪ್ರಶಸ್ತಿಗೆ ಈ ಬಾರಿ ಸುಪ್ರಸಿದ್ಧ ಗಾಯಕ ಮೃಂತ್ಯುಂಜಯ ಬುವಾ ಪುರಾಣಿಕ ಮಠ ಅವರನ್ನು ಆಯ್ಕೆ ಮಾಡಲಾಗಿದೆ.

ಕರ್ನಾಟಕ ಗಾನ ಕಲಾ ಪರಿಷತ್ತು, ಕರ್ನಾಟಕ ಸಂಗೀತ ನೃತ್ಯ ಅಕಾಡಮಿ ಪ್ರಶಸ್ತಿಗಳನ್ನು ಪಡೆದಿರುವ ಮೂಲತಃ ಶಿಕ್ಷಕರಾದ ಎಂ.ಬಿ. ಪುರಾಣಿಕ ಮಠ ಅವರು, 1961ರಲ್ಲಿ ಅಖಿಲ ಭಾರತ ಗಾಂಧರ್ವ ವಿ.ವಿ.ಯಲ್ಲಿ ಸಂಗೀತ ಅಲಂಕಾರ ಪದವಿ ಪಡೆದಿದ್ದರು.

ಬುವಾ ಅವರಿಗೆ ನವೆಂಬರ್‌ 12ರಂದು ಬೆಂಗಳೂರಿನ ಗಾಯನ ಸಮಾಜದಲ್ಲಿ ನಡೆಯಲಿರುವ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು. ಈ ಪ್ರಶಸ್ತಿಯು 50 ಸಾವಿರ ರುಪಾಯಿ ನಗದು ಹಾಗೂ ಪ್ರಶಸ್ತಿ ಪತ್ರವನ್ನು ಒಳಗೊಂಡಿದೆ.