ಕಾರವಾರದಲ್ಲಿ ಕಪ್ಪೆ ಚಿಪ್ಪು ಸಾಗಿಸುತ್ತಿದ್ದ 5 ಟ್ರಕ್‌ಗಳ ವಶ

ಕಾರವಾರ : ಉತ್ತರ ಕನ್ನಡ ಜಿಲ್ಲಾ ಭೂ ಮತ್ತು ಗಣಿ ಇಲಾಖೆಯ ನಿರ್ದೇಶನದಂತೆ ಕುಮಟಾ ಠಾಣೆಯ ಪೊಲೀಸರು ಅಕ್ರಮ ಕಪ್ಪೆ ಚಿಪ್ಪು ಸಾಗಾಣಿಕೆದಾರರ ವಸತಿಗಳ ಮೇಲೆ ದಾಳಿ ನಡೆಸಿ, ಕಪ್ಪೆ ಚಿಪ್ಪನ್ನು ಸಾಗಿಸುತ್ತಿದ್ದ ಐದು ಟ್ರಕ್‌ಗಳನ್ನು ಮಿಡ್ಲ ಗಜನಿಯಲ್ಲಿ ವಶಪಡಿಸಿಕೊಂದ್ದಾರೆ.

ಈ ಭಾಗದಲ್ಲಿ ಸತತವಾಗಿ ಕಪ್ಪೆ ಚಿಪ್ಪುಗಳ ಕಳ್ಳ ಸಾಗಾಣಿಕೆಯಾಗುತ್ತಿದೆ ಎಂದು ಮೀನುಗಾರರು ಹಾಗೂ ಪತ್ರಿಕಾ ಮಾಧ್ಯಮಗಳು ಪೊಲೀಸರ ಗಮನ ಸೆಳೆದಿರುವ ಹಿನ್ನೆಲೆಯಲ್ಲಿ ಈ ದಾಳಿ ನಡೆಸಲಾಯಿತು. ಪೊಲೀಸರು ವಶ ಪಡಿಸಿಕೊಂಡ ಪ್ರತಿ ಲಾರಿಗೂ 20 ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ.

(ಕಾರವಾರ ಪ್ರತಿನಿಧಿಯಿಂದ).