ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಹದಗೆಟ್ಟ ರಸ್ತೆ ವ್ಯವಸ್ಥೆಗೆ ನ್ಯೂಯಾರ್ಕ್ ಹೊರತಲ್ಲ
ನ್ಯೂಯಾರ್ಕ್ : ರಸ್ತೆ ಅಪಘಾತದಲ್ಲಿ ನಾಲ್ವರು ಯುವಕರು ಮರಣ ಹೊಂದಿದ ಹಿನ್ನಲೆಯಲ್ಲಿ , ಅಮೆರಿಕದ ಭಾರತೀಯ ಸಂಜಾತರು ನಗರದ ಹದಗೆಟ್ಟ ರಸ್ತೆ ವ್ಯವಸ್ಥೆ ವಿರುದ್ಧ ಅಕ್ಟೋಬರ್ 22ರ ಭಾನುವಾರ ಪ್ರತಿಭಟನೆ ನಡೆಸಲಿದ್ದಾರೆ.
ರಾಹುಲ್ ಪಟೇಲ್, ಧಾವಲ್ ಪಟೇಲ್, ಚಿರಾಗ್ ಪಟೇಲ್ ಮತ್ತು ಅಂಕಿತ್ ಪಾಂಡೆ ಎಂಬ ನ್ಯೂಜೆರ್ಸಿ ನಿವಾಸಿಗಳಾದ ಭಾರತೀಯರು ರಸ್ತೆ ಅಪಘಾತದಲ್ಲಿ ಅಕ್ಟೋಬರ್ 9ರಂದು ನಿಧನಹೊಂದಿದರು. ಸತ್ತವರೆಲ್ಲರೂ ಹದಿಹರೆಯದವರು. ತೀವ್ರವಾಗಿ ಗಾಯಗೊಂಡು ಉಳಿದವಳೆಂದರೆ ಪಲ್ಲವಿ ಜಾಲವಾಡಿಯಾ. ನತದೃಷ್ಟರು ಪ್ರಯಾಣಿಸುತ್ತಿದ್ದ ಕಾರು ಟ್ರಾಕ್ಟರ್ ಟ್ರೆೃಲರ್ಗೆ ಡಿಕ್ಕಿ ಹೊಡೆದುದರಿಂದ ಈ ಅಪಘಾತ ಸಂಭವಿಸಿತ್ತು.
ಪ್ರತಿಭಟನಾ ಮೆರವಣಿಗೆ ಉದ್ದೇಶಿಸಿ ಅಪಘಾತದಲ್ಲಿ ಮೃತಪಟ್ಟಿರುವ ಅಂಕಿತನ ತಂದೆ ಸತೀಶ್ ಪಾಂಡೆ ಮಾತನಾಡಲಿದ್ದಾರೆ. ಸೂಕ್ತ ಜಾಗದಲ್ಲಿ ರಸ್ತೆ ತಡೆ, ಟ್ರಾಫಿಕ್ ಜಾಸ್ತಿಯಿರುವಾಗ ಇತರ ವಾಹನಗಳು ರಸ್ತೆಗೆ ಬರದಂತೆ ನಿರ್ಬಂಧ ಮುಂತಾದ ಬೇಡಿಕೆಗಳು ಈಡೇರುವವರೆಗೂ ಪ್ರತಿಭಟನೆ ಮುಂದುವರಿಸಲು ನಿರ್ಧರಿಸಿದ್ದಾರೆ.
Story first published: Sunday, October 22, 2000, 5:30 [IST]