ವಿದ್ಯು-ತ್‌ ಕೇಂದ್ರಗ-ಳ-ಲ್ಲಿ ಪ್ರಾಣಿ-ವ-ಧೆ ನಿಷೇ-ಧ: ಅಹಿಂ-ಸೆ-ಗೆ ಶರ-ಣೆಂ-ದ -ಕೆಪಿ-ಟಿ-ಸಿ-ಎ-ಲ್‌

ಬೆಂಗಳೂರು : ವಿದ್ಯುತ್‌ ಕೇಂದ್ರಗಳಲ್ಲಿ ಪ್ರಾಣಿ ವಧೆಯನ್ನು ನಿಷೇಧಿಸಿ ಕರ್ನಾಟಕ ವಿದ್ಯುತ್‌ ಪ್ರಸರಣ ನಿಗಮ ಆದೇಶ ಹೊರಡಿಸಿದೆ.

ಆಯುಧ ಪೂಜೆಯ ಸಂದರ್ಭದಲ್ಲಿ ಕಚೇರಿಗಳಲ್ಲಿ ಪ್ರಾಣಿ ಬಲಿ ಕೊಡುವುದು ಒಂದು ಸಂಪ್ರದಾಯವಾಗಿದ್ದು, ಇನ್ನು ಮುಂದೆ ಯಾವುದೇ ಕಚೇರಿಗಳಲ್ಲಿ ಈ ರೀತಿ ಪ್ರಾಣಿ ಬಲಿ ನೀಡಿದಲ್ಲಿ ಅದನ್ನು ಕ್ರಿಮಿನಲ್‌ ಅಪರಾಧವನ್ನಾಗಿ ಪರಿಗಣಿಸಲಾಗುವುದು, ಪ್ರಾಣಿ ಬಲಿ ಕೊಡಲು ಮುಂದೆ ಬರುವ ನೌಕರನ ವಿರುದ್ಧ ಕ್ರಿಮಿನಲ್‌ ಮೊಕದ್ದಮೆ ದಾಖಲಿಸಲಾಗುವುದು ಎಂದು ಕರ್ನಾಟಕ ವಿದ್ಯುತ್‌ ಪ್ರಸರಣ ನಿಗಮದ ವಿ.ಪಿ. ಬಳಿಗಾರ್‌ ಮಂಗಳವಾರ ಹೇಳಿದ್ದಾರೆ.

ಅವರು ಕೆಪಿಟಿಸಿಎಲ್‌ ಆಯೋಜಿಸಿದ್ದ ವಿದ್ಯುತ್‌ ಕೇಂದ್ರಗಳ ನಿರ್ವಹಣಾ ಅಧಿಕಾರಿಗಳ ತರಬೇತಿ ಶಿಬಿರ ಉದ್ಘಾಟಿಸಿ ಮಾತನಾಡುತ್ತಿದ್ದರು. ಪ್ರಾಣಿ ಬಲಿ ನೀಡುವುದರಿಂದ ವಿದ್ಯುತ್‌ ಅಪಘಾತಗಳನ್ನು ತಪ್ಪಿಸಲು ಸಾಧ್ಯವಿಲ್ಲ. ಇಂತಹ ಅಮಾನವೀಯ ಘಟನೆಗಳಿಂದ ಕೆಟ್ಟ ಸಂದೇಶ ಹರಡುತ್ತದೆ ಎಂದ ಅವರು, ಪ್ರಾಣಿ ಬಲಿಯನ್ನು ನಿಲ್ಲಿಸುವ ನಿಟ್ಟಿನಲ್ಲಿ ಈ ಬಾರಿ ಆಯುಧ ಪೂಜೆ ಸಂದರ್ಭದಲ್ಲಿ ಪ್ರಾಣಿ ಬಲಿ ನೀಡಿದ ನಿಗಮದ ನೌಕರರ ಹೆಸರನ್ನು ದಾಖಲಿಸಿಕೊಳ್ಳಲಾಗಿದೆ ಎಂದು ಹೇಳಿದರು.

(ಇನ್ಫೋ ವಾರ್ತೆ)