• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಚೆನ್ನೈಗೆ ಬರುವಂತೆ ರಾಜ್‌ ಕುಟುಂಬದವರಿಗೆಕರುಣಾನಿಧಿ ಸೂಚನೆ

By Staff
|

ಚೆನ್ನೈ : ರಾಜ್‌ಕುಮಾರ್‌, ಗೋವಿಂದರಾಜು ಹಾಗೂ ನಾಗೇಶ್‌ ಅವರು ಯಾವುದೇ ಕ್ಷಣದಲ್ಲಿ ಬಿಡುಗಡೆಯಾಗುವ ಸಂಭವ ಇದ್ದು, ಕೂಡಲೇ ಚೆನ್ನೈಗೆ ಹೊರಡಲು ಸಿದ್ಧವಾಗಿರುವಂತೆ ತಮಿಳುನಾಡು ಮುಖ್ಯಮಂತ್ರಿ ಕರುಣಾನಿಧಿ ಅವರು ಸೂಚನೆ ನೀಡಿದ್ದಾರೆ.

ಈ ವಿಷಯವನ್ನು ಕರುಣಾನಿಧಿ ಅವರ ಕಚೇರಿ ಮೂಲಗಳು ದೃಢಪಡಿಸಿಲ್ಲವಾದರೂ, ಕರುಣಾನಿಧಿ ಅವರು ವೈಯಕ್ತಿಕವಾಗಿ ಡಾ. ರಾಜ್‌ಕುಮಾರ್‌ ಕುಟುಂಬದವರಿಗೆ ದೂರವಾಣಿಯ ಮೂಲಕ ತಿಳಿಸಿದ್ದಾರೆ ಎನ್ನಲಾಗಿದೆ. ಮುಂಬರುವ ಚುನಾವಣೆಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ರಾಜ್‌ಕುಮಾರ್‌ ಬಿಡುಗಡೆಯನ್ನೇ ತಮ್ಮ ಸರಕಾರದ ಸಾಧನೆ ಎಂದು ಬಿಂಬಿಸಲು ತವಕಿಸುತ್ತಿರುವ ಕರುಣಾನಿಧಿ ಅವರ ನೇತೃತ್ವದ ಸರಕಾರ ಸೋಮವಾರ ಯಾವುದೇ ಕ್ಷಣದಲ್ಲಿ ರಾಜ್‌ಕುಮಾರ್‌ ಬಿಡುಗಡೆ ಮಾಡಿಸುವ ಪ್ರಯತ್ನ ನಡೆಸಿದೆ.

ರಾಜ್‌ಕುಮಾರ್‌ ಅವರೊಂದಿಗೆ ತಾವು ಟಿ.ವಿ. ಚಾನೆಲ್‌ಗಳ ಕ್ಯಾಮಾರಾ ಮುಂದೆ ಹಾಜರಾದಾಗ, ತಮ್ಮ ಜತೆಯಲ್ಲಿ ಡಾ. ರಾಜ್‌ಕುಮಾರ್‌ ಅವರ ಪತ್ನಿ ಪಾರ್ವತಮ್ಮ ರಾಜ್‌ಕುಮಾರ್‌ ಹಾಗೂ ಪುತ್ರರಾದ ಶಿವರಾಜ್‌, ರಾಘವೇಂದ್ರ ಹಾಗೂ ಪುನೀತ್‌ ಇರಬೇಕು ಎಂದು ಕರುಣಾನಿಧಿ ಬಯಸಿದ್ದಾರೆ ಎಂದು ಚೆನ್ನೈನ ಮೂಲಗಳು ತಿಳಿಸಿವೆ.

ಡಾ. ರಾಜ್‌ಕುಮಾರ್‌ ಭಾನುವಾರ ರಾತ್ರಿಯೇ ಬಿಡುಗಡೆ ಆಗುತ್ತಾರೆ. ನೆಡುಮಾರನ್‌ ತಮ್ಮ ಸಂಧಾನದಲ್ಲಿ ಯಶಸ್ವಿಯಾಗಿದ್ದಾರೆ ಎನ್ನುವ ಗಾಳಿಸುದ್ದಿಗಳು ರೆಕ್ಕೆ ಪುಕ್ಕ ಕಟ್ಟಿಕೊಂಡು ಬಾನೆತ್ತರದಲ್ಲಿ ಹಾರುತ್ತಿರುವ ಹಿನ್ನೆಲೆಯಲ್ಲಿ ಎಲ್ಲರ ಕಣ್ಣೂ ಈಗ ಚೆನ್ನೈನತ್ತ ವಾಲಿದೆ. ಟಾಡಾ ಬಂದಿಗಳ ಬಿಡುಗಡೆ ಎಂದು ಆಗುತ್ತದೆಂದು ದೆಹಲಿಯತ್ತ ಕೇಂದ್ರೀಕೃತವಾಗಿದ್ದ ಎಲ್ಲ ಪತ್ರಕರ್ತರ ಮೈ - ಮನಗಳ ಈಗ ಚೆನ್ನೈ ಸಚಿವಾಲಯ ಕಟ್ಟಡಗಳಲ್ಲಿ ಸುಳಿದಾಡುತ್ತಿವೆ.

ಈರೋಡ್‌, ಕೊಯಮತ್ತೂರು ಅರಣ್ಯದ ಬಳಿ ರಾಜ್‌ಕುಮಾರ್‌ ಬಿಡುಗಡೆ ಯಾಗುತ್ತದೆ ಎಂಬ ವದಂತಿಗಳೂ ಇದ್ದು, ಪತ್ರಕರ್ತರು ಹಾಗೂ ಅಭಿಮಾನಿಗಳು ತಾಳಮಲೈ ಕಾನನ ಪ್ರದೇಶದಲ್ಲೂ ಬೀಡು ಬಿಟ್ಟಿದ್ದಾರೆ.

ಬೆಂಗಳೂರು ವರದಿ : ಕರುಣಾನಿಧಿ ಅವರಿಂದ ಡಾ. ರಾಜ್‌ಕುಮಾರ್‌ ಕುಟುಂಬದವರಿಗೆ ಸಂದೇಶ ಬಂದಿದೆ ಎಂಬ ಸುದ್ದಿಗಳ ಹಿನ್ನೆಲೆಯಲ್ಲಿ ಡಾ. ರಾಜ್‌ಕುಮಾರ್‌ ಅವರ ಕುಟುಂಬದವರನ್ನು ಸಂಪರ್ಕಿಸಲು ನಮ್ಮ ಪ್ರತಿನಿಧಿಗಳು ಸಂಪರ್ಕಿಸಿದಾಗ ಶಿವರಾಜ್‌, ರಾಘವೇಂದ್ರ ಅಥವಾ ಪುನೀತ್‌ ಅವರ್ಯಾರೂ ದೂರವಾಣಿಯಲ್ಲಿ ಸಿಕ್ಕಿಲ್ಲ. ಆದರೆ, ರಾಜ್‌ಕುಮಾರ್‌ ಕುಟುಂಬದವರು ಇನ್ನು ಕೆಲವೇ ಗಂಟೆಗಳಲ್ಲಿ ಚೆನ್ನೈಗೆ ತೆರಳಲಿದ್ದಾರೆ ಎಂದು ಡಾ. ರಾಜ್‌ಕುಮಾರ್‌ ಕುಟುಂಬದ ಆಪ್ತ ವಲಯಗಳು ತಿಳಿಸಿವೆ.

ಮುಖಪುಟ / ರಾಜ್‌ ಅಪಹರಣ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more