ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
9,378 ರನ್ ಗಡಿ ದಾಟಿ ವಿಶ್ವ ವಿಕ್ರಮ ಮೆರೆದ ಸಚಿನ್ ತೆಂಡೂಲ್ಕರ್
ನೈರೋಬಿ : ಸಿಡಿಲ ಹೊಡೆತಗಳ ಆಟಗಾರ ಸಚಿನ್ ರಮೇಶ್ ತೆಂಡೂಲ್ಕರ್ ಭಾನುವಾರ ಇಲ್ಲಿ ನಡೆಯುತ್ತಿರುವ ಐಸಿಸಿ ಕ್ರಿಕೆಟ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಮತ್ತೊಂದು ವಿಶ್ವ ವಿಕ್ರಮ ಮೆರೆದರು. ಒಂದು ದಿನದ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಕೀರ್ತಿ ಈಗ ಸಚಿನ್ ಪಾಲಾಗಿದೆ.
ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲಿ ಷೇನ್ ಓ ಕಾನರ್ ಅವರ ಚೆಂಡನ್ನು ಬೌಂಡರಿಗಟ್ಟುವ ಮೂಲಕ ಸಚಿನ್ ಈ ವರೆಗೆ ಅಜರುದ್ದೀನ್ ಅವರ ಹೆಸರಿನಲ್ಲಿದ್ದ ದಾಖಲೆಯನ್ನು ಅಳಿಸಿಹಾಕಿದರು. ಭಾರತ ಮಾಜಿ ನಾಯಕ ಅಜರುದ್ದೀನ್ ಅವರು ಗಳಿಸಿರುವ 9,378ರನ್ಗಳು ಈವರೆಗಿನ ವಿಶ್ವ ದಾಖಲೆಯಾಗಿತ್ತು.
ಸಚಿನ್ ತಂಡೂಲ್ಕರ್ ಅವರು ತಮ್ಮ 253ನೇ ಒಂದು ದಿನದ ಅಂತಾರಾಷ್ಟ್ರೀಯ ಪಂದ್ಯದ 246ನೇ ಇನ್ನಿಂಗ್ಸ್ನಲ್ಲಿ ಈ ದಾಖಲೆ ಮಾಡಿದರು. ಸಚಿನ್ ಅವರು ಪಂದ್ಯವೊಂದರಲ್ಲಿ ಗಳಿಸಿರುವ ಅತಿ ಹೆಚ್ಚು ವೈಯಕ್ತಿಕ ಸ್ಕೋರ್ 186ರನ್. 1999ರ ನವೆಂಬರ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧವೇ ಈ ದಾಖಲೆಯೂ ಬಂದಿದೆ.
Story first published: Sunday, October 15, 2000, 5:30 [IST]