ಐಸಿಸಿ ನಾಕ್ಔಟ್ : ದಕ್ಷಿಣ ಆಫ್ರಿಕಕ್ಕೆ 296 ರನ್ನುಗಳ ಸವಾಲು
ನೈರೋಬಿ : ಶುಕ್ರವಾರ ಇಲ್ಲಿ ನಡೆಯುತ್ತಿರುವ ಐಸಿಸಿ ನಾಕ್ಔಟ್ ಕ್ರಿಕೆಟ್ ಟೂರ್ನಿಯ 2ನೇ ಸೆಮಿಫೈನಲ್ಸ್ನಲ್ಲಿ ದಕ್ಷಿಣ ಆಫ್ರಿಕ ವಿರುದ್ಧ ಭಾರತ 6 ವಿಕೆಟ್ ನಷ್ಟಕ್ಕೆ 295 ರನ್ನುಗಳ ಭಾರೀ ಮೊತ್ತ ಗಳಿಸಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತದ ಆರಂಭಿಕ ಜೋಡಿ ಸಚಿನ್- ಗಂಗೂಲಿ ಮೊದಲ ವಿಕೆಟ್ಗೆ 14 ಓವರ್ಗಳಲ್ಲಿ 66 ರನ್ನುಗಳನ್ನು ಸೇರಿಸಿದರು. ಸಚಿನ್ 50 ಎಸೆತಗಳಲ್ಲಿ 39 ರನ್ ಗಳಿಸಿದರೆ, ಅಜೇಯರಾಗುಳಿದ ನಾಯಕ ಗಂಗೂಲಿ 142 ಎಸೆತಗಳಲ್ಲಿ 12 ಬೌಂಡರಿ ಹಾಗೂ 6 ಸಿಕ್ಸರ್ಗಳ 141 ರನ್ ಗಳಿಸಿದರು. ಉಪ ನಾಯಕ ರಾಹುಲ್ ದ್ರಾವಿಡ್ 71 ಎಸೆತಗಳಲ್ಲಿ 58 ರನ್ಗಳಿಸಿದರು. ಇದರಲ್ಲಿ 8 ಬೌಂಡರಿಗಳಿದ್ದವು. ಭರಸವಸೆ ಹುಟ್ಟಿಸಿರುವ ಯುವ ಪ್ರತಿಭೆ ಯುವರಾಜ್ ಸಿಂಗ್ ಕೇವಲ 35 ಎಸೆತಗಳಲ್ಲಿ 6 ಬೌಂಡರಿಗಳಿದ್ದ 41 ರನ್ ಚಚ್ಚಿದರು. ರೋಡ್ಸ್ ಹಿಡಿದ ಅದ್ಭುತ ಕ್ಯಾಚ್ಗೆ ಯುವರಾಜ್ ಬಲಿಯಾದರು. ಕೊನೆ ಓವರ್ನಲ್ಲಿ ಡೊನಾಲ್ಡ್ ಉತ್ತಮ ಬೌಲಿಂಗ್ಗೆ 3 ವಿಕೆಟ್ ಕಳೆದುಕೊಂಡ ಭಾರತ ಗಳಿಸಿದ್ದು 2 ರನ್ ಮಾತ್ರ.
(ಇನ್ಫೋ ವಾರ್ತೆ)