ಎಐಟಿ ಫುಟ್‌ಬಾಲ್‌ : ಕರ್ನಾಟಕಕ್ಕೆ 7-0 ಭಾರೀ ವಿಜಯ

ಬೆಂಗಳೂರು : ಶುಕ್ರವಾರ ಪ್ರಾರಂಭವಾದ 16ನೇ ಅಖಿಲ ಭಾರತ ಟೆಲಿಕಾಂ ಫುಟ್‌ಬಾಲ್‌ ಟೂರ್ನಿಯಲ್ಲಿ ಉತ್ತರ ಪ್ರದೇಶ ತಂಡವನ್ನು 7-0 ಗೋಲುಗಳಿಂದ ಸೋಲಿಸುವ ಮೂಲಕ ಕರ್ನಾಟಕ ತಂಡ ಶುಭಾರಂಭ ಮಾಡಿದೆ.

‘ಎ’ ವಿಭಾಗದ ಈ ಪಂದ್ಯದ 10ನೇ ನಿಮಿಷದಲ್ಲಿ ರಾಜ್‌ಕುಮಾರ್‌ ಹೊಡೆದ ಗೋಲಿನಿಂದ ಖಾತೆ ತೆರೆದ ಕರ್ನಾಟಕ ಮೊದಲಾರ್ಧದಲ್ಲಿ 4-0 ಮುನ್ನಡೆ ಪಡೆಯಿತು. ಮೊದಲಾರ್ಧದ ಎರಡೂ ಗೋಲು-ಗ-ಳ-ನ್ನು ಕರ್ನಾಟಕ ತಂಡದ ಮಾಜಿ ನಾಯಕ ಕಾದಿವರನ್‌ ಗಳಿಸಿ-ದರು. ದ್ವಿತೀಯಾರ್ಧದಲ್ಲಿ ರಾಜ್‌ಕುಮಾರ್‌ ಇನ್ನೊಂದು ಗೋಲು ಹೊಡೆದರೆ, ಇಫ್ತಿಕರ್‌ ಅಹ್ಮದ್‌ ಮತ್ತು ರಾಜನ್‌ ಮೂರ್ತಿ ಒಂದೊಂದು ಗೋಲು ಹೊಡೆದರು.

‘ಬಿ’ ಗುಂಪಿನ ಪಂದ್ಯದಲ್ಲಿ ಕೇರಳ ತಂಡ ಒರಿಸ್ಸಾ ವಿರುದ್ಧ 2-0 ಗೋಲುಗಳ ಜಯ ಪಡೆಯಿತು. ‘ಸಿ’ ಗುಂಪಿನಲ್ಲಿ ಹರ್ಯಾಣ ವಿರುದ್ಧ ದೆಹಲಿ 1-0 ಗೋಲುಗಳಿಂದ ಗೆದ್ದರೆ, ‘ಡಿ’ ಗುಂಪಿನ ಪಂಜಾಬ್‌- ಪಶ್ಚಿಮ ಬಂಗಾಳ ಪಂದ್ಯದಲ್ಲಿ ಪಶ್ಚಿಮ ಬಂಗಾಳ 8-0 ಗೋಲುಗಳ ಭಾರಿ ಜಯ ಸಾಧಿಸಿತು.

(ಯುಎನ್‌ಐ)