• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅಧಿಕಾರಕ್ಕಾಗಿ ಪಕ್ಷಗಳ ವಿಲೀನ ಕ್ಷುಲ್ಲಕ ರಾಜಕೀಯ : ಹೆಗಡೆ

By Staff
|

ಬೆಂಗಳೂರು : ಅಧಿಕಾರಕ್ಕಾಗಿ ಮತ್ತೆ ಒಂದುಗೂಡುವುದು ಕ್ಷುಲ್ಲಕ ರಾಜಕೀಯ ಎಂದು ಹೇಳುವ ಮೂಲಕ ಜನತಾದಳ (ಯು) ನಾಯಕ ರಾಮಕೃಷ್ಣ ಹೆಗಡೆ ಅವರು, ದಳ ಬಣಗಳು ಒಂದುಗೂಡುವ ಸಾಧ್ಯತೆಯನ್ನು ತಳ್ಳಿಹಾಕಿದ್ದಾರೆ. ಇತ್ತ ಜೆ.ಎಚ್‌. ಪಟೇಲ್‌ ಅವರು, ಎರಡೂ ಬಣಗಳನ್ನು ಒಂದುಗೂಡಿಸಲು ಯತ್ನಿಸುತ್ತಿರುವಾಗ ಹೆಗಡೆಯವರ ಈ ಬಿರು ನುಡಿಗಳು ದಳ ಬಣಗಳ ವಿಲೀನದ ಕನಸು ನುಚ್ಚು ನೂರು ಮಾಡಿವೆ.

ಗುರುವಾರ ಮಧ್ಯಾಹ್ನ ಬೆಂಗಳೂರಿನಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಿದ್ದ ಅವರು, ಮಾಜಿ ಪ್ರಧಾನಿ ದೇವೇಗೌಡರ ನೇತೃತ್ವದ ಜಾತ್ಯತೀತ ಜನತಾದಳದಲ್ಲಿ ಸಂಯುಕ್ತ ಜನತಾದಳ ವಿಲೀನವಾಗುವ ಸಾಧ್ಯತೆಯನ್ನು ಅಲ್ಲಗಳೆದರು. ಸಮಾಜದ ಒಳಿತಿಗಾಗಿ ಅಥವಾ ಜನತೆಯ ಹಿತಾಸಕ್ತಿಯ ರಕ್ಷಣೆಗೆ ಪಕ್ಷ ಒಂದಾಗುವುದರಲ್ಲಿ ಅರ್ಥವಿದೆ ಆದರೆ, ಸ್ವಾರ್ಥಕ್ಕಾಗಿ - ಅಧಿಕಾರಕ್ಕಾಗಿ ವಿಲೀನವಾಗುವುದು ಹೇಯ ರಾಜಕೀಯ ಎಂದರು.

ಎರಡೂ ಪಕ್ಷಗಳು ಒಂದಾಗುವ ಸಂದರ್ಭ ಈಗ ಬಂದಿಲ್ಲ. ಜನತಾದಳವನ್ನು ಕಟ್ಟಿ ಬೆಳೆಸಲು ನಾವು ಪಟ್ಟ ಕಷ್ಟ ಅಷ್ಟಿಷ್ಟಲ್ಲ. ಅದನ್ನು ಕೆಲವರು ಒಡೆದರು ಎಂದ ಅವರು, ತಾವು ಮುಖ್ಯಮಂತ್ರಿಯಾಗಿದ್ದಾಗ ಪಕ್ಷ ಕಟ್ಟಲು ಪಟ್ಟ ಶ್ರಮವನ್ನು ವಿವರಿಸಿದರು.

ಜನತಾದಳವನ್ನು ಆಗ ಒಡೆಯಲು ಯಾವುದೇ ಕಾರಣ ಇರಲಿಲ್ಲ. ಸ್ವಪ್ರತಿಷ್ಠೆಗಾಗಿ ಜಾತ್ಯತೀತ ಜನತಾದಳದ ಕೆಲವು ನಾಯಕರು ಈ ಕಾರ್ಯ ಮಾಡಿದರು ಎಂದು ತಮ್ಮ ನೆನಪುಗಳನ್ನು ಮೆಲುಕು ಹಾಕಿದರು. ಇಂದು ಜಾತ್ಯತೀತ ಜನತಾದಳದಲ್ಲಿರುವ ಶೇ.90 ಕಾರ್ಯಕರ್ತರು ಅವಿಭಜಿತ ಜನತಾದಳಕ್ಕೆ ಸೇರಿದವರಾಗಿದ್ದು, ಅವರು ತಮ್ಮ ಪಕ್ಷಕ್ಕೆ ಬರುವುದಾದರೆ, ಪಕ್ಷದ ಬಾಗಿಲು ತೆರೆದಿರುತ್ತದೆ ಎಂದರು.

ಪ್ರಸಕ್ತ ರಾಜಕೀಯ ಸನ್ನಿವೇಶದಲ್ಲಿ ತಮ್ಮ ಪಕ್ಷ ಎನ್‌.ಡಿ.ಎ. ಯಾಂದಿಗೆ ಸಖ್ಯ ಕಳೆದುಕೊಳ್ಳುವುದಿಲ್ಲ ಎಂದು ಸ್ಪಷ್ಟಪಡಿಸಿದರು. ಎನ್‌ಡಿಎ ಸಂಬಂಧ ಕಡಿದುಕೊಂಡು ಬರುವಂತೆ ಜಾತ್ಯತೀತ ಜನತಾದಳ ನಾಯಕರು ಮಾಡುತ್ತಿರುವ ಸಲಹೆಗೆ ಉತ್ತರಿಸಿದ ಹೆಗಡೆ, ಅವರ ನಿಲುವು ಹಾಗಿದ್ದಲ್ಲಿ ವಿಲೀನದ ಬಗ್ಗೆ ಅವರು ಮಾತನಾಡುವ ಅಗತ್ಯವೇ ಇಲ್ಲ ಎಂದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more