ಸಂಜೆ ಐದರ ಮಳೆಯಿಲ್ಲದ ಮೋಡಗಳ ಒಂದು ಬೈಗು

ಬೆಂಗಳೂರು : ಬೆಂಗಳೂರಿನಲ್ಲಿ ಶನಿವಾರ ಸಂಜೆ ಸಣ್ಣಗೆ ಮಳೆ ಸುರಿಯುತ್ತಿತ್ತು. ಮೋಡಕವಿದಿತ್ತು. ವಾತಾವರಣವೇನೋ ಭಾನುವಾರವೂ ಹಾಗೆಯೇ ಮುಂದುವರಿದಿದೆ ಆದರೆ ಮಳೆಯಿಲ್ಲ.

ಹೊರಗೆ ತಿರುಗಾಡಲು ವೇಳೆ, ಹಣ ಇರುವ ಜನರಿಗೆ ಹೇಳಿ ಮಾಡಿಸಿದ ಒಂದು ಸುಂದರ ಸಂಜೆ.

10 ಗಂಟೆ ಕಳೆಯುವ ಹೊತ್ತಿಗೆ ಸ್ವಲ್ಪ ಬಿಸಿಲಿತ್ತು. ಮಧ್ಯಾಹ್ನ ಬಿಸಿಲು ಪ್ರಖರವಾಗಿತ್ತು. ಸಣ್ಣಗೆ ಗಾಳಿಯೂ ಬೀಸುತ್ತಿತ್ತು. ಸಂಜೆ ಐದು ಗಂಟೆಯ ಹೊತ್ತಿಗೆ ಮೋಡಗಳೆಲ್ಲಾ ಚದುರಿ ಬೆಚ್ಚನೆಯ ಆಹ್ಲಾದಕರ ವಾತಾವರಣ ಉಂಟಾಗಿದೆ.

ರಾಜ್ಯದಲ್ಲಿ ಕರಾವಳಿ, ಉತ್ತರ ಹಾಗೂ ದಕ್ಷಿಣ ಒಳನಾಡಿನ ಅನೇಕ ಕಡೆಗಳಲ್ಲಿ ಮುಂಗಾರು ಕ್ಷೀಣಿಸಿದೆ.

ಕಳೆದ 48 ಗಂಟೆಗಳಲ್ಲಿ ರಾಜ್ಯದ ಒಂದೆರಡು ಕಡೆ ಮಳೆಯಾಗಿರುವ ವರದಿಯಾಗಿದೆ. ತಿಪಟೂರು, ಬಾದಾಮಿಯಲ್ಲಿ ತಲಾ 5 ಸೆಂಟಿಮೀಟರ್‌, ಲೋಕಾಪುರ, ಚಿತ್ರದುರ್ಗದಲ್ಲಿ ತಲಾ 4 ಸೆ. ಮೀ, ಚಿಕ್ಕಬಳ್ಳಾಪುರ, ಅರಕಲಗೂಡು , ಎನ್‌. ಆರ್‌. ಪುರ, ಯರಗಟ್ಟಿಯಲ್ಲಿ ತಲಾ 2 ಸೆಂ.ಮೀ, ಗದಗ, ಯಲಹಂಕ ವಾಯುಪಡೆ ಕೇಂದ್ರ, ಚಿಕ್ಕನಾಯಕನಹಳ್ಳಿ, ಕೆರೂರು, ಸಿಆರ್‌ ನಗರ, ಟಿ. ನರಸೀಪುರಗಳಲ್ಲಿ, ತಲಾ ಒಂದು ಸೆಂ.ಮೀಟರ್‌ ಮಳೆಯಾಗಿದೆ.

ಹವಾ ಮನ್ಸೂಚನೆ ಪ್ರಕಾರ ಮುಂದಿನ 48 ಗಂಟೆಗಳಲ್ಲಿ ದಕ್ಷಿಣ ಒಳನಾಡು ಮತ್ತು ಕರಾವಳಿಯಲ್ಲಿ ಮಳೆಯ ಪ್ರಮಾಣ ಹೆಚ್ಚಾಗಬಹುದು .