-ಗು-ಮ್ಮ ಬಂದೇ ಬಂತು, ಪೆಟ್ರೋ-ಲಿ-ಯಂ ಉತ್ಪ-ನ್ನ-ಗಳು ಮತ್ತ-ಷ್ಟು ದುಬಾ-ರಿ

ನವದೆಹಲಿ : ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ಏರಿಸಲಾಗಿದೆ ಎಂದು ಪೆಟ್ರೋಲಿಯಂ ಖಾತೆ ಸಚಿವ ರಾಂ ನಾಯಕ್‌ ಶುಕ್ರವಾರ ರಾತ್ರಿ ಪ್ರಕಟಿಸಿದ್ದಾರೆ. ಪರಿಷ್ಕೃತ ದರಗಳು ಶುಕ್ರವಾರ ರಾತ್ರಿಯಿಂದಲೇ ಜಾರಿಗೆ ಬಂದಿವೆ.

ಪೆಟ್ರೋಲ್‌, ಡೀಸೆಲ್‌ ಮತ್ತು ಸೀಮೆಎಣ್ಣೆ ಬೆಲೆಗಳನ್ನು ಒಂದು ಲೀಟರ್‌ಗೆ ಸರಾಸರಿ 3 ರುಪಾಯಿಗಳಷ್ಟು ಹೆಚ್ಚಿಸಲಾಗಿದೆ. ಅಡುಗೆ ಅನಿಲದ ಬೆಲೆ ಪ್ರತಿ ಸಿಲಿಂಡರ್‌ಗೆ ಸರಾಸರಿ 40 ರುಪಾಯಿ ಏರಿಸಲಾಗಿದೆ.

ಪೆಟ್ರೋಲಿಯಂ ಬೆಲೆಗಳನ್ನು ಹೆಚ್ಚಿಸಿ, ಆಮದು ಸುಂಕದಲ್ಲಿ ಕಡಿತ ಮಾಡಲಾಗಿದೆ. ಪೆಟ್ರೋಲಿಯಂ ಉತ್ಪನ್ನಗಳ ಮೇಲಿನ ಆಮದು ಸುಂಕವನ್ನು ಶೇ. 25ರಿಂದ 20ಕ್ಕೆ ಕಡಿತಗೊಳಿಸಲಾಗಿದೆ. ಸೀಮೆಎಣ್ಣೆ ಆಮದು ಸುಂಕವನ್ನು ಶೇ. 15ರಿಂದ 10ಕ್ಕೆ ಇಳಿಸಲಾಗಿದೆ. ಪೆಟ್ರೋಲ್‌ ಮೇಲಿನ ಆಮದು ಸುಂಕವನ್ನು ಶೇ.32ರಿಂದ ಶೇ.16ಕ್ಕೆ ಇಳಿಸಲಾಗಿದ್ದು, ಡೀಸೆಲ್‌ ಮೇಲಿನ ಸುಂಕ ವನ್ನು ಶೇ. 16ರಿಂದ 12ಕ್ಕೆ ಕಡಿಮೆ ಮಾಡಲಾಗಿದೆ.

ದೇಶದ ಮಹಾನಗರಗಳಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ ಬೆಲೆಯಲ್ಲಿ ಆಗಿರುವ ಹೆಚ್ಚಳ ಇಂತಿದೆ : ದೆಹಲಿ- 2.38ರುಪಾಯಿ, ಮುಂಬೈ- 2.35, ಕಲ್ಕತ್ತ- 2.70, ಚೆನ್ನೈ- 2.35ರು.

ಎಲ್‌ಪಿಜಿ ಬೆಲೆಯಲ್ಲಿ ಆಗಿರುವ ಹೆಚ್ಚಳ : ದೆಹಲಿ- 36.11 ರುಪಾಯಿ, ಮುಂಬೈ- 36.20ರು., ಚೆನ್ನೈ- 36.20ರು. ಹಾಗೂ ಕಲ್ಕತ್ತ- 39.25ರು.

(ಇನ್ಫೋ ವಾರ್ತೆ)