ಮತ್ತೆ ಚುರುಕಾಗಿದೆ ಮುಂಗಾರು

ಬೆಂಗಳೂರು : ರಾಜ್ಯದ ಒಳನಾಡಿನಲ್ಲಿ ಮುಂಗಾರು ಮತ್ತೆ ಚುರುಕಾಗಿದೆ. ಕರಾವಳಿ ಕರ್ನಾಟಕದ ಅನೇಕ ಕಡೆಗಳಲ್ಲಿ ಮಳೆ ಆಗಿದೆ. ಹಾವೇರಿಯಲ್ಲಿ 9 ಸೆಂಟಿ ಮೀಟರ್‌, ಹೊಸನಗರದಲ್ಲಿ 8 ಸೆಂಟಿ ಮೀಟರ್‌ ಮಳೆ ಬಿದ್ದಿದೆ.

ಚಿಕ್ಕಮಗಳೂರಿನಲ್ಲಿ 6, ಭಟ್ಕಳ ಮತ್ತು ಕಮ್ಮರಡಿಗಳಲ್ಲಿ ತಲಾ 5, ಸಿದ್ದಾಪುರ, ಬಾದಾಮಿ, ಬೀಳಗಿ, ಮಹಾಲಿಂಗಪುರ, ರಬಕವಿ, ಹಿಡಕಲ್‌ ಡ್ಯಾಮ್‌, ಬಿಡಾಪುರ, ಗದಗ್‌, ನರಗುಂದ, ಹಡಗಲಿ, ಬಾಗಮಂಡಲ, ಹಾರಂಗಿ, ಕುಶಾಲನಗರ, ಗೋಕಾಕ್‌, ಜಮಖಂಡಿ, ಬಾಳೆ ಹೊನ್ನೂರುಗಳಲ್ಲಿ ತಲಾ 4 ಸೆಂಟಿ ಮೀಟರ್‌ ಮಳೆ ಬಿದ್ದಿದೆ.

ಶನಿವಾರದವರೆಗಿನ ಮುನ್ಸೂಚನೆಯಂತೆ ಕರಾವಳಿ ಕರ್ನಾಟಕದ ಅನೇಕ ಕಡೆಗಳಲ್ಲಿ ಮತ್ತು ಒಳನಾಡಿನ ಕೆಲವೆಡೆ ಮಳೆ ಅಥವಾ ಗುಡುಗು ಸಹಿತ ಸುರಿಮಳೆ ಬೀಳುವ ನಿರೀಕ್ಷೆ ಇದೆ.

ಸ್ಥಳೀಯ ಹವಾಮಾನ ಮುನ್ಸೂಚನೆಯಂತೆ ಸಾಮಾನ್ಯವಾಗಿ ಮೋಡ ಕವಿದ ವಾತಾವರಣ ಇದ್ದು, ಸಂಜೆ ಅಥವಾ ರಾತ್ರಿ ಒಂದೆರಡು ಬಾರಿ ಮಳೆ ಆಗುತ್ತದೆ ಎನ್ನುತ್ತದೆ ಹವಾಮಾನ ಇಲಾಖೆ.