ಬೆಂಗಳೂರು ವಿಶ್ವ ಎಟಿಪಿ ಡಬಲ್ಸ್ನಲ್ಲಿ ಪೇಸ್-ಭೂಪತಿ ಆಡೋದು ಖಚಿತ
ಬೆಂಗಳೂರು : ಕಬ್ಬನ್ ಪಾರ್ಕ್ನಲ್ಲಿರುವ ಕರ್ನಾಟಕ ರಾಜ್ಯ ಲಾನ್ ಟೆನಿಸ್ ಒಕ್ಕೂಟ (ಕೆಎಸ್ಎಲ್ಟಿಎ) ದ ಮೈದಾನದಲ್ಲಿ ಬರುವ ಡಿಸೆಂಬರ್ 13ರಿಂದ 17ರವರೆಗೆ ವಿಶ್ವ ಎಟಿಪಿ ಡಬಲ್ಸ್ ಟೆನಿಸ್ ಚಾಂಪಿಯನ್ಷಿಪ್ ನಡೆಯಲಿದೆ.
ವಿಶ್ವದ 8 ಪ್ರಮುಖ ಟೆನಿಸ್ ಜೋಡಿಗಳು ಚಾಂಪಿಯನ್ಷಿಪ್ನಲ್ಲಿ ಆಡಲಿವೆ. ಒಲಂಪಿಕ್ಸ್ನಲ್ಲಿ ಪದಕ ಗೆಲ್ಲಲಾರದ ಭಾರತದ ಜೋಡಿ ಪೇಸ್- ಭೂಪತಿ ಟೂರ್ನಿಯಲ್ಲಿ -ಆಡುವುದನ್ನು ಖಚಿತಪಡಿಸಿದ್ದಾರೆ. ಏಳೂವರೆ ಲಕ್ಷ ಡಾಲರ್ ಮೊತ್ತದ ಬಹುಮಾನವಿದ್ದು, ಅದನ್ನು ಗೆಲ್ಲಲು ಎಂಟೂ ಜೋಡಿಗಳು ಸೆಣೆಸಲಿವೆ ಎಂದು ಕೆಎಸ್ಎಲ್ಟಿಎ ಪ್ರಕಟಣೆ ತಿಳಿಸಿದೆ.
ಪ್ರಸಿದ್ಧ ಜೋಡಿಗಳಾದ ವುಡೀಸ್ ಹಾಗೂ ಹ್ಯಾರಿಸ್- ಎಸ್.ಸ್ಟೋಲೆ ಚಾಂಪಿಯನ್ಷಿಪ್ ಗೆಲ್ಲುವ ನೆಚ್ಚಿನ ಜೋಡಿಗಳು. ಕೆಎಸ್ಎಲ್ಟಿಎ ನವೆಂಬರ್ 9ರಿಂದ 12ರವರೆಗೆ ಹಳೆ ಟೆನಿಸ್ ಹುಲಿಗಳ ಹಣಾಹಣಿಯನ್ನೂ ಆಯೋಜಿಸಿದ್ದು, ಬಿಜೋನ್ ಬೋರ್ಗ್, ಪ್ಯಾಟ್ ಕ್ಯಾಷ್, ಜಿ.ವಿಲಾಸ್, ರಾಸ್ಕೂ ಟ್ಯಾನರ್, ವಿಜಯ್ ಅಮೃತ್ರಾಜ್, ಹೆನ್ರಿ ಲ್ಯಾಕೊಂಟೆ, ಮನ್ಸೂರ್ ಬಹಾರಾಹ್ಮಿ, ಅಶೋಕ್ ಅಮೃತ್ರಾಜ್ ಹಾಗೂ ರೋಸ್ ಕ್ಯಾಷ್ ಟೂರ್ನಿಯಲ್ಲಿ ಭಾಗವಹಿಸುವುದನ್ನು ಖಚಿತಪಡಿಸಿದ್ದಾರೆ.
(ಯುಎನ್ಐ)