ಐಸ್‌, ಸಲ್ಲು, ಊರ್ಮಿಳಾ, ರಾಣಿ ಮನೆಗಳ ಮೇಲೆ ಐಟಿ ದಾಳಿ

ಮುಂಬೈ : ವರಮಾನ ತೆರಿಗೆ ಇಲಾಖೆಯವರು ಹಿಂದಿ ಚಿತ್ರ ತಾರೆಗಳಾದ ಸಲ್ಮಾನ್‌ ಖಾನ್‌, ಐಶ್ವರ್ಯ ರೈ, ರಾಣಿ ಮುಖರ್ಜಿ, ಊರ್ಮಿಳಾ ಮಾತೋಂಡ್ಕರ್‌ ಹಾಗೂ ಖಳನಟ ಅಮರೀಶ್‌ ಪುರಿ ಮನೆಗಳ ಮೇಲೆ ಮಂಗಳವಾರ ದಾಳಿ ನಡೆಸಿದ್ದಾರೆ.

ಮುಂಜಾನೆ 8.30 ಗಂಟೆಗೆ ಶುರುವಾದ ದಾಳಿ ಪ್ರಕ್ರಿಯೆ ಇನ್ನೂ ನಡೆದಿದೆ. ಹಿಂದಿ ಚಿತ್ರ ನಿರ್ದೇಶಕ/ನಿರ್ಮಾಪಕರಾದ ಯಶ್‌ ಚೋಪ್ರ, ಕರಣ್‌ ಜೋಹರ್‌ ಹಾಗೂ ಯಶ್‌ ಜೋಹರ್‌ ಅವರ ಆಸ್ತಿ ಪರಿಶೀಲನೆಯೂ ನಡೆದಿದೆ ಎಂದು ವರಮಾನ ತೆರಿಗೆ ಇಲಾಖೆ (ತನಿಖಾ ವಿಭಾಗ)ಯ ಡೈರೆಕ್ಟರ್‌ ಜನರಲ್‌ ಪಿ.ಕೆ. ಶರ್ಮ ತಿಳಿಸಿದ್ದಾರೆ.

ಚಿತ್ರೋದ್ಯಮದಲ್ಲಿ ವ್ಯವಹಾರ ನಡೆಸುತ್ತಿರುವ ಮಹಾ ಲೆಕ್ಕಾಧಿಕಾರಿಯಾಬ್ಬರ ಮನೆಗೂ ದಾಳಿ ನಡೆಸಲಾಗಿದೆ. 33 ಕಡೆಗಳಲ್ಲಿ 150 ವರಮಾನ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದು, 60 ಪೊಲೀಸರು ಅವರಿಗೆ ನೆರವು ನೀಡುತ್ತಿದ್ದಾರೆ. ದಾಳಿಯ ಪರಿಣಾಮ ಇನ್ನೂ ಹೊರಬಿದ್ದಿಲ್ಲ ಎಂದು ಶರ್ಮ ಹೇಳಿದ್ದಾರೆ.

(ಯುಎನ್‌ಐ)