ತಾಂಡಾ ಹೆಂಗಸನ್ನು ಎಗ್ಗಿಲ್ಲದೆ ಚಚ್ಚಿದ ಪೊಲೀಸರ ಅಮಾನತು

ಹುಬ್ಬಳ್ಳಿ : ಪರಿಶಿಷ್ಟ ಜಾತಿಯ ಹೆಂಗಸನ್ನು ಪೊಲೀಸ್‌ ಠಾಣೆಯಲ್ಲಿ ಹಿಗ್ಗಾಮುಗ್ಗಾ ಥಳಿಸಿದ ಆರೋ-ಪ-ದ ಮೇಲೆ ಮೂವರು ಪೊಲೀಸ್‌ ಪೇದೆಗಳನ್ನು ನಗರ ಪೊಲೀಸ್‌ ಕಮಿಷನರ್‌ ಧರ್ಮಪಾಲ್‌ ನೇಗಿ ಅಮಾನತುಗೊಳಿಸಿದ್ದಾರೆ.

ತೀವ್ರ ಸ್ವರೂಪದ ಗಾಯಗಳಾಗಿರುವ ಹೆಂಗಸನ್ನು ಚಿಕಿತ್ಸೆಗಾಗಿ ಕರ್ನಾಟಕ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಗೆ ಸೇರಿಸಲಾಗಿದೆ. ಲಂಬಾಣಿ ತಾಂಡಾದ ಈ ಹೆಂಗಸು ಕೆಲ ಹುಡುಗರಿಂದ ಕಳ್ಳತನ ಮಾಡಿಸಿ, ವಸ್ತುಗಳನ್ನು ಸಂಗ್ರಹಿಸಿಟ್ಟುಕೊಂಡಿದ್ದಳು ಎಂಬ ಆರೋಪದ ಮೇಲೆ ಪೊಲೀಸರು ಠಾಣೆಗೆ ಕರೆ ತಂದು, ಯದ್ವಾತದ್ವಾ ಹೊಡೆದಿದ್ದಾರೆ ಎಂದು ಪೊಲೀಸ್‌ ಕಮಿಷನರ್‌ ತಿಳಿಸಿದ್ದಾರೆ.

(ಯುಎನ್‌ಐ)