ಅಥ್ಲೆಟಿಕ್ಸ್‌ನಲ್ಲಿ ಪದಕ ಗೆಲ್ಲುವ ಬೀನಾಳ ಕನಸು ನುಚ್ಚು ನೂರು

ಸಿಡ್ನಿ : ಅಥ್ಲೆಟಿಕ್ಸ್‌ನಲ್ಲೂ ಭಾರತಕ್ಕೆ ಒಂದು ಪದಕ ದೊರಕಿಸಿಕೊಡುವ ಭರವಸೆ ಮೂಡಿಸಿದ್ದ ಬೀನಾ ಮೋಲ್‌ ಒಲಿಂಪಿಕ್ಸ್‌ನ ಮಹಿಳಾ 400 ಮೀಟರ್‌ ಓಟದ ಸ್ಪರ್ಧೆಯ ಫೈನಲ್‌ ತಲುಪಲು ವಿಫಲರಾಗಿದ್ದಾರೆ.

ಇದರಿಂದಾಗಿ ಒಲಿಂಪಿಕ್ಸ್‌ನಲ್ಲಿ ಪದಕ ಗೆಲ್ಲಬೇಕೆಂಬ ಬೀನಾನ ಕನಸೂ ನುಚ್ಚುನೂರಾಯಿತು. ಶನಿ-ವಾ-ರ ನಡೆ-ದ 400 ಮೀ ಕ್ವಾರ್ಟ-ರ್‌ ಫೈನ-ಲ್ಸ್‌ ನ-ಲ್ಲಿ ಕೆಟ್ಟ ಆರಂ-ಭ-ದ ನಡುವೆಯೂ ಅದ್ಭು-ತ ಪ್ರದ-ರ್ಶನ ನೀಡು-ವು-ದ-ರೊಂ-ದಿ-ಗೆ ಸೆಮಿ ಫೈನ-ಲ್ಸ್‌- ತಲು-ಪಿ-ದ ಬೀನಾ ಮೋಲ್‌ ಭಾರತಕ್ಕೆ ಮತ್ತೊಂದು ಪದಕದ ಆಸೆ ಚಿಗುರಿಸಿದ್ದರು.

ಮಳೆಯ ನಡುವೆಯೇ ನಡೆದ ಈ ಪಂದ್ಯದಲ್ಲಿ ಕೊರೆಯುವ ಚಳಿಯೂ ಬೀನಾರ ಉತ್ಸಾಹಕ್ಕೆ ತಣ್ಣೀರು ಎರಚಿತ್ತು. ಮಿಗಿಲಾಗಿ ಹೆಸರಾಂತ ಓಟಗಾರ್ತಿ ಕ್ಯಾಥಿ ಫ್ರೀಮನ್‌ ಕಣದಲ್ಲಿದ್ದರು. ಈ ಎಲ್ಲ ಪ್ರತಿಕೂಲ ಪರಿಸ್ಥಿಯಿಲ್ಲಿ ದೂರವನ್ನು 52.04 ಸೆಕೆಂಡುಗಳಲ್ಲಿ ಕ್ರಮಿಸಿದ ಬೀನಾ ಹದಿನಾರು ಓಟಗಾರ್ತಿಯರ ಪೈಕಿ 15ನೆಯವರಾಗಿ ಕಣದಿಂದ ಹೊರಗುಳಿದರು.

ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದ್ದ ಈ ಪಂದ್ಯದಲ್ಲಿ ಪ್ರತಿ ಗುಂಪಿನಲ್ಲಿ ಪ್ರಥಮ ನಾಲ್ಕು ಸ್ಥಾನ ಪಡೆದವರು, ಫೈನಲ್‌ ಪ್ರವೇಶಿಸಿದರು. 8ನೆಯ ಲೈನ್‌ನಲ್ಲಿ ಓಡಿದ ಬೀನಾ ದೂರವನ್ನು ಪ್ರಯಾಸದಿಂದ ಕ್ರಮಿಸಿದರು.