ಕೈಗಾ ಸ್ಥಾವರದ ಒಂದನೇ ಘಟಕ ಶೀಘ್ರ ಕಾರ್ಯಾರಂಭ

ಕಾರವಾರ: ಕೈಗಾ ಅಣುವಿದ್ಯುತ್‌ ಸ್ಥಾವರ ಶೀಘ್ರವೇ ಕಾರ್ಯಾರಂಭ ಮಾಡಲಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಇದೇ ತಿಂಗಳ 25 ಅಥವಾ 26ರಂದು ಉತ್ಪಾದನೆಗೆ ಸಿದ್ಧಗೊಳ್ಳಲಿರುವ ಸ್ಥಾವರದ ಕಾರ್ಯಕ್ರಮಕ್ಕ ಅಣುಶಕ್ತಿ ಆಯೋಗದ ಅಧ್ಯಕ್ಷ ಡಾ. ಆರ್‌. ಚಿದಂಬರಂ, ಎನ್‌ಪಿಸಿಎಲ್‌ನ ಛೇರ್ಮನ್‌ ಮತ್ತು ಮ್ಯಾನೇಜಿಂಗ್‌ ಡೈರೆಕ್ಟರ್‌ ಚಥುರ್ವೇದಿ ಸೇರಿದಂತೆ ಅನೇಕ ಗಣ್ಯರು ಭಾಗವಹಿಸುವ ನಿರೀಕ್ಷೆ ಇದೆ.

ಒಂದನೇ ಘಟಕವು 1995ರ ಡಿಸೆಂಬರ್‌ನಲ್ಲೇ ಕಾರ್ಯಾರಂಭ ಮಾಡಬೇಕಿತ್ತು. ಆದರೆ 1994ರ ಮೇ ತಿಂಗಳಲ್ಲಿ ಒಂದನೇ ಘಟಕದ ಗುಮ್ಮಟ ಕುಸಿದಿದ್ದರಿಂದ ನಿರ್ಮಾಣ ತಡವಾಗಿತ್ತು. ಈ ನಡುವೆ ಮೊದಲ ಗುಮ್ಮಟದ ಕೆಲಸ ನಿಲ್ಲಿ ಸಿ ಎರಡನೇ ಗುಮ್ಮಟದ ಕಾರ್ಯವನ್ನು ಕೈಗೆತ್ತಿಕೊಳ್ಳಲಾಗಿತ್ತು. ಕಳೆದ ಮಾರ್ಚ್‌ 5ರಂದು ಪ್ರಧಾನಿ ವಾಜಪೇಯಿ ಅವರು ಕೈಗಾದ ಎರಡನೇ ಘಟಕವನ್ನು ರಾಷ್ಟ್ರಕ್ಕೆ ಸಮರ್ಪಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.