ಹಾಕಿ : ಖಾತೆ ತೆರೆದ ಭಾರತ

ಸಿಡ್ನಿ : -ಒಲಿಂಪಿಕ್ಸ್‌ನ ಮೊದಲ ಸುತ್ತಿನ ಹಾಕಿ ಸ್ಪರ್ಧೆಯಲ್ಲಿ ಭಾರತ ಅರ್ಜೈಂಟಿನಾವನ್ನು 3-0 ಗೋಲುಗಳಿಂದ ಸೋಲಿಸಿದೆ.

ಒಲಿಂಪಿಕ್ಸ್‌ನ 1980ರಿಂದೀಚೆಗೆ ಭಾರತಕ್ಕೆ ಚಿನ್ನದ ಪದಕ ದಕ್ಕಿಲ್ಲ. 200ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಆಡಿರುವ ಮುಖೇಶ್‌ ಕುಮಾರ್‌, ರಿಯಾಝ್‌ ಮಹ್ಮದ್‌, ಧನರಾಜ್‌ ಪಿಳ್ಳೈ ಮತ್ತು ಬಲಜಿತ್‌ ಧಿಲ್ಲಾನ್‌ ಸಿಂಗ್‌ ಭಾರತದ ಪಂದ್ಯವನ್ನು ಗೆಲುವಿನತ್ತ ಕೊಂಡೊಯ್ದರು.

ಆರಂಭಿಕ ಪಂದ್ಯದಲ್ಲಿ ಅರ್ಜೈಂಟೀನಾದ ಯುವ ಆಟಗಾರರ ಮುಂದೆ ಭಾರತೀಯರು ಚೇತರಿಸಿಕೊಳ್ಳುವುದಕ್ಕೆ ತುಸು ಸಮಯ ತೆಗೆದುಕೊಂಡರೂ ಪ್ರಥಮಾರ್ಧದಲ್ಲಿ ಎರಡು ಗೋಲ್‌ಗಳನ್ನು ಪಡೆಯುವಲ್ಲಿ ಯಶಸ್ವಿಯಾದರು. ಪ್ರಥಮಾರ್ಧದಲ್ಲಿ ಸಮೀರ್‌ ದಾದ್‌ ಮತ್ತು ಹಿರಿಯ ಹಾಕಿ ಆಟಗಾರ ಮುಖೇಶ್‌ ಭಾರತೀಯ ತಂಡ 2-0 ಗೋಲ್‌ಗಳನ್ನು ತಲುಪುವುದಕ್ಕೆ ಸಹಕರಿಸಿ, ಭಾರತದ ಮುನ್ನಡೆಗೆ ಕಾರಣರಾದರು. ಸೋಲಿನ ಅಂತರ ತಗ್ಗಿಸಿಕೊಳ್ಳಲು ಅರ್ಜೈಂಟೈನಾ ತಂಡಕ್ಕೆ ಪೆನಾಲ್ಟಿ ಕಾರ್ನರ್‌ನಲ್ಲಿ ಅವಕಾಶ ಸಿಕ್ಕಿತ್ತಾದರೂ ಭಾರತದ ಬಲಜಿತ್‌ ಸಿಂಗ್‌ ಅವಕಾಶ ನೀಡಲಿಲ್ಲ.