ಸಾರಾಯಿ ಅಂಗಡಿ ವಿವಾದ: ಘರ್ಷಣೆಗೆ ಒಬ್ಬ ಬಲಿ

ಧಾರವಾಡ : ಸಾರಾಯಿ ಅಂಗಡಿಯಾಂದನ್ನು ಮುಚ್ಚುವ ವಿಷಯಕ್ಕೆ ಸಂಬಂಧಿಸಿದಂತೆ ನಡೆದ ಘರ್ಷಣೆಗೆ ಮುದುಕನೊಬ್ಬ ಬಲಿಯಾಗಿದ್ದು, ಬಾಲಕನೊಬ್ಬ ಗಾಯಗೊಂಡ ಘಟನೆ ಧಾರವಾಡ ಜಿಲ್ಲೆಯ ಚಂದನಮಟ್ಟಿ ಹಳ್ಳಿಯಲ್ಲಿ ಭಾನುವಾರ ರಾತ್ರಿ ನಡೆದಿದೆ.

ಸಮೀಪದ ಕಾವಲಗೇರಿ ಹಳ್ಳಿಯಿಂದ ಬಂದ ಸುಮಾರು 20 ಜನರ ಗುಂಪೊಂದು ವಾರದ ಹಿಂದೆ ಚಂದನಮಟ್ಟಿ ಹಳ್ಳಿಯಲ್ಲಿರುವ ಸಾರಾಯಿ ಅಂಗಡಿಯನ್ನು ಮುಚ್ಚುವಂತೆ ಎಚ್ಚರಿಕೆ ನೀಡಿತ್ತು. ಇದೇ ಗುಂಪು ಭಾನುವಾರ ರಾತ್ರಿ ಸ್ಥಳಕ್ಕೆ ಭೇಟಿ ನೀಡಿದಾಗ ಅಂಗಡಿ ಇನ್ನೂ ತೆರದಿದ್ದನ್ನು ಕಂಡು ಆಕ್ರೋಶಗೊಂಡು ದಾಳಿ ನಡೆಸಿತು. ಆಗ ಸಾರಾಯಿ ಅಂಗಡಿ ಮಾಲೀಕನ ಬೆಂಬಲಿಗರು ಮತ್ತು ಗುಂಪಿನ ನಡುವೆ ನಡೆದ ಘರ್ಷಣೆಯಲ್ಲಿ ಯಲ್ಲಪ್ಪ ಗುಂಡಣ್ಣನವರ್‌ (80) ಮೃತಪಟ್ಟ, 12 ವರ್ಷದ ಬಾಲಕನೊಬ್ಬ ಗಾಯಗೊಂಡ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಒಬ್ಬನನ್ನು ಬಂಧಿಸಲಾಗಿದೆ. ಜಿಲ್ಲಾ ಪೊಲೀಸ್‌ ಅಧಿಕಾರಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.