ನಾಕ್‌ಔಟ್‌ ಹಂತಕ್ಕೆ ಅದ್ವಾನಿ, ಮಾನನ್‌ ನಾಟ್‌ಔಟ್‌

ಬೆಂಗಳೂರು : ಭಾರತದ ಪಂಕಜ್‌ ಅದ್ವಾನಿ 21 ವರ್ಷದೊಳಗಿನವರ 12ನೇ ಖಿಲಾಡಿ ಡಾಟ್‌ ಕಾಂ ವಿಶ್ವ ಸ್ನೂಕರ್‌ ಟೂರ್ನಿಯ ಭಾನುವಾರದ ಲೀಗ್‌ ಪಂದ್ಯದಲ್ಲಿ ಸೋತರೂ ಒಟ್ಟಾರೆ ಗಳಿಸಿರುವ 10 ಪಾಯಿಂಟ್‌ಗಳಿಂದ ನಾಕ್‌ಔಟ್‌ ತಲುಪಿದ್ದಾರೆ.

ನ್ಯೂಜಿಲೆಂಡ್‌ನ ಸ್ಕಾಟ್‌ ಫರ್ಮ್‌ವರ್ತ್‌ 4- 2 ಫ್ರೇಂಗಳಿಂದ ಪಂಕಜ್‌ ವಿರುದ್ಧ ಜಯ ಸಾಧಿಸಿದರು. ಈಗಾಗಲೇ ನಾಕ್‌ಔಟ್‌ ತಲುಪಿರುವ ಭಾರತದ ಮಾನನ್‌ ಚಂದ್ರ ಅವರ ವಿಜಯೋತ್ಸವ ಮುಂದುವರೆದಿದೆ. ಅವರು ಫಿನ್‌ಲೆಂಡ್‌ನ ಪಾಸಿ ಜಾಂಟಿ ಅವರನ್ನು 4- 0 ಫ್ರೇಂಗಳಲ್ಲಿ ಸುಲಭವಾಗಿ ಸೋಲಿಸಿದರು.

ಐರ್ಲೆಂಡ್‌ನ ಅಲಿಸ್ಟರ್‌ ವಿಲ್ಸನ್‌ ವಿರುದ್ಧ ಪಾಕಿಸ್ತಾನದ ಅತೀಖ್‌ 4- 3 ಫ್ರೇಂಗಳಿಂದ ಜಯಗಳಿಸಿದರು. ವೇಲ್ಸ್‌ನ ಸ್ಕಾಟ್‌ ನಿಕೊಲ್ಸನ್‌ 4- 1 ಫ್ರೇಂಗಳಿಂದ ಮಲೇಷಿಯಾದ ಮಿನ್‌ ಟೂನ್‌ ಅವರನ್ನು ಸೋಲಿಸಿದರು. ಹಾಲೆಂಡ್‌ನ ರಾಯ್‌ ಸ್ಟೇಲ್ಕ್‌ 4- 1ರಿಂದ ಸಿಂಗಪುರದ ಟ್ಯಾಂಗ್‌ ವಿರುದ್ಧ ಗೆದ್ದರು.