ಸಿಬಿಐನಿಂದ ಇನ್ನೆರಡು ವಾರಗಳಲ್ಲಿ ಪ್ರಾಥಮಿಕ ವರದಿ

ನವದೆಹಲಿ : ಮ್ಯಾಚ್‌ಫಿಕ್ಸಿಂಗ್‌ ತನಿಖೆ ನಡೆಸುತ್ತಿರುವ ಸಿಬಿಐ ಇನ್ನೆರಡು ವಾರಗಳಲ್ಲಿ ಪ್ರಾಥಮಿಕ ವರದಿ ಸಲ್ಲಿಸಲಿದೆ.

ಯಾವ ಯಾವ ಮೊಕದ್ದಮೆಗಳನ್ನು ಹೂಡಬಹುದು ಎಂಬುದನ್ನು ಮೊದಲ ಹಂತದ ತನಿಖೆಯಿಂದ ದೊರೆತಿರುವ ಸಾಕ್ಷ್ಯಾಧಾರಗಳಿಂದ ನಿರ್ಧರಿಸಲಾಗುತ್ತದೆ. ಜುಲೈ 20ರಂದು ದಾಳಿ ನಡೆಸಿ ಆಪಾದಿತ ಕ್ರಿಕೆಟಿಗರ ಬ್ಯಾಂಕ್‌ ಲಾಕರ್‌ ಮತ್ತಿತರ ವಿವರಗಳನ್ನು ದಾಖಲಿಸಿಕೊಂಡಿರುವ ವರಮಾನ ತೆರಿಗೆ ಇಲಾಖೆಯವರಿಂದ ಕೆಲವು ಮಾಹಿತಿಗಳು ದೊರೆತಿವೆ. ಈಗ ಇಲಾಖೆಯು ಅಸಹಜ ವ್ಯವಹಾರಗಳ ಬಗೆಗೆ ಗಮನ ಹರಿಸಿದ್ದು, ಮತ್ತಷ್ಟು ದಾಖಲೆಗಳು ದೊರೆಯುವ ನಿರೀಕ್ಷೆಯಿದೆ ಎಂದು ಸಿಬಿಐ ತಿಳಿಸಿದೆ.