ರಾಜ್‌ರನ್ನು ಹುಡುಕುತ್ತಾ ಅರಣ್ಯಕ್ಕೆ ನುಗ್ಗಿದ ಮಹಾರಾಜಾ ಕಾಲೇಜಿನ ಹುಡುಗರು

ಚಾಮರಾಜ ನಗರ : ವೀರಪ್ಪನ್‌ ಅಪಹರಿಸಿರುವ ರಾಜ್‌ ಕುಮಾರ್‌ ಅವರನ್ನು ಹುಡುಕಿ ತರುತ್ತೇವೆ ಎಂದು ಮೈಸೂರು ಮಹಾರಾಜಾ ಕಾಲೇಜಿನ 19 ಮಂದಿ ವಿದ್ಯಾರ್ಥಿಗಳು ಕಾಡಿಗೆ ನುಗ್ಗಿದ್ದಾರೆ.

ರಾಜ್‌ಕುಮಾರ್‌ ಅಪಹರಣವಾಗಿ 14 ದಿನಗಳಾದರೂ ಅವರು ಬರದೇ ಇರುವುದರಿಂದ ವೀರಪ್ಪನ್‌ನ ಅಡಗುದಾಣವನ್ನು ಪತ್ತೆ ಹಚ್ಚಿ, ರಾಜ್‌ಕುಮಾರ್‌ ಅವರನ್ನು ಕರೆತರುವುದಾಗಿ ವಿದ್ಯಾರ್ಥಿಗಳ ತಂಡ ಪಣತೊಟ್ಟು ಗುರುವಾರದಂದು ಅರಣ್ಯ ಪ್ರವೇಶಿಸಿದೆ. ರಾಜ್‌ಕುಮಾರ್‌ ಅವರನ್ನು ಹುಡುಕಿ ತರಲು ಹೊರಟಿರುವ ಸಾಹಸ ತಂಡದ ನಾಯಕತ್ವವನ್ನು ವಿಶ್ವನಾಥ್‌(ವಿಶ್ವಶ್ರೀ) ಮತ್ತು ನಾಗರಾಜು ವಹಿಸಿದ್ದಾರೆ. ಗುರುವಾರದಂದು ಈ ತಂಡವು ತಾಳವಾಡಿ ಬಳಿಯ ಇಗ್ಗಲೂರು-ಬಾಲಪಡಗ ಅರಣ್ಯದಲ್ಲಿ ರಾಜ್‌ಕುಮಾರ್‌ ಅವರಿಗಾಗಿ ಶೋಧನೆ ಆರಂಭಿಸಿದೆ.