Linganamakki Dam Water Level Today | ಲಿಂಗನಮಕ್ಕಿ ಅಣೆಕಟ್ಟು ಇಂದಿನ ನೀರಿನ ಮಟ್ಟ

ಕರ್ನಾಟಕಕ್ಕೆ ಬೆಳಕು ನೀಡುವ ಲಿಂಗನಮಕ್ಕಿ ಜಲಾಶಯ

ಲಿಂಗನಮಕ್ಕಿ ಜಲಾಶಯ ಇತಿಹಾಸ

1964ರಲ್ಲಿ ಸಾಗರ ಸಮೀಪದ ಕಾರ್ಗಲ್‌ನಲ್ಲಿ ಲಿಂಗನಮಕ್ಕಿ ಜಲಾಶಯ ನಿರ್ಮಾಣ ಮಾಡಲಾಯಿತು. ಅಣೆಕಟ್ಟು ಸುಮಾರು 2.4 ಕಿಲೋ ಮೀಟರ್ ಉದ್ದವಿದೆ. ಜಲಾಶಯದಲ್ಲಿ 1,819 ಅಡಿ ನೀರನ್ನು ಸಂಗ್ರಹ ಮಾಡಬಹುದಾಗಿದೆ. ಜಲವಿದ್ಯುತ್ ಉತ್ಪಾದನೆಗೆ ಮಾತ್ರ ನೀರನ್ನು ಬಳಕೆ ಮಾಡಲಾಗುತ್ತದೆ.

ಲಿಂಗನಮಕ್ಕಿ ಜಲಾಶಯ ಎಲ್ಲಿದೆ?
ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನಲ್ಲಿ ಶರಾವತಿ ನದಿಗೆ ಅಡ್ಡವಾಗಿ ಲಿಂಗನಮಕ್ಕಿ ಜಲಾಶಯವನ್ನು ನಿರ್ಮಾಣ ಮಾಡಲಾಗಿದೆ. ಕಾರ್ಗಲ್‌ನಲ್ಲಿ ಲಿಂಗನಮಕ್ಕಿ ಜಲಾಶಯವಿದೆ.

ಲಿಂಗನಮಕ್ಕಿ ಸಾಮರ್ಥ್ಯ:
ಪಶ್ಚಿಮ ಘಟ್ಟದ ಹಚ್ಚ ಹಸಿರಿನ ಪರಿಸರದ ನಡುವೆ ಇರುವ ಲಿಂಗನಮಕ್ಕಿ ಜಲಾಶಯಕ್ಕೆ ಮಲೆನಾಡು ಭಾಗದಲ್ಲಿ ಸುರಿಯುವ ಮಳೆಯೇ ಆಧಾರ. ಮಳೆ ಕಡಿಮೆ ಜಲಾಶಯ ಭರ್ತಿ ಆಗುವುದಿಲ್ಲ. 151.75 ಟಿಎಂಸಿ ಅಡಿ ನೀರು ಸಂಗ್ರವಾದರೆ ಬೇಸಿಗೆಯಲ್ಲಿ ರಾಜ್ಯವನ್ನು ವಿದ್ಯುತ್ ಸಮಸ್ಯೆ ಕಾಡುವುದಿಲ್ಲ. ಕಳೆದ 55 ವರ್ಷಗಳಲ್ಲಿ ಜಲಾಶಯ 21 ಬಾರಿ ಭರ್ತಿಯಾಗಿದೆ. ಜಲಾಶಯ ತುಂಬುತ್ತಿದ್ದಂತೆ ಶರಾವತಿ ನದಿಗೆ ನೀರನ್ನು ಹರಿಬಿಡಲಾಗುತ್ತದೆ.

ಲಿಂಗನಮಕ್ಕಿ ಜಲಾಶಯದ ಉದ್ದೇಶ:
ಜಲವಿದ್ಯುತ್ ಉತ್ಪಾದನೆಯನ್ನು ಗುರಿಯಾಗಿಸಿಕೊಂಡು ನಿರ್ಮಾಣವಾದ ಜಲಾಶಯ ಲಿಂಗನಮಕ್ಕಿ. ಕರ್ನಾಟಕದ ವಿದ್ಯುತ್ ಬೇಡಿಕೆಯನ್ನು ಪೂರೈಸುವ ಜಲ ವಿದ್ಯುತ್ ಘಟಕದಲ್ಲಿ ಈ ಜಲಾಶಯ ಮೊದಲ ಸ್ಥಾನದಲ್ಲಿ ನಿಲ್ಲುತ್ತದೆ. ಲಿಂಗನಮಕ್ಕಿ ಜಲಾಶಯ ಭರ್ತಿಯಾಗಿ ನದಿಗೆ ನೀರನ್ನು ಬಿಟ್ಟರೆ ವಿಶ್ವವಿಖ್ಯಾತ ಜೋಗ ಜಲಪಾತ ಮೈದುಂಬಿರುತ್ತದೆ, ಪ್ರವಾಸಿಗರನ್ನು ಸೆಳೆಯುತ್ತದೆ.

ಜಲವಿದ್ಯುತ್ ಉತ್ಪಾದನೆಯನ್ನು ಗುರಿಯಾಗಿಸಿಕೊಂಡು ನಿರ್ಮಾಣವಾದ ಜಲಾಶಯ ಲಿಂಗನಮಕ್ಕಿ. ಕರ್ನಾಟಕದ ವಿದ್ಯುತ್ ಬೇಡಿಕೆಯನ್ನು ಪೂರೈಸುವ ಜಲ ವಿದ್ಯುತ್ ಘಟಕದಲ್ಲಿ ಈ ಜಲಾಶಯ ಮೊದಲ ಸ್ಥಾನದಲ್ಲಿ ನಿಲ್ಲುತ್ತದೆ.

ಲಿಂಗನಮಕ್ಕಿ ಜಲಾಶಯ ಸಮೀಪದ ಪ್ರವಾಸಿ ತಾಣಗಳು

ಲಿಂಗನಮಕ್ಕಿ ಜಲಾಶಯ ನಿರ್ಮಾಣವಾದ ಬಳಿಕ ಲಕ್ಷಾಂತರ ಎಕರೆ ಜಾಗ ನೀರಿನಲ್ಲಿ ಮುಳುಗಡೆಯಾಗಿದೆ. ಈ ಕುರಿತು ಕಾದಂಬರಿ, ಸಿನಿಮಾ ಸಹ ನಿರ್ಮಾಣವಾಗಿದೆ. ಲಿಂಗನಮಕ್ಕಿ ಜಲಾಶಯದ ಹಿನ್ನೀರಿನಲ್ಲಿ ವಿವಿಧ ಪ್ರವಾಸಿ ಚಟುವಟಿಕೆಗಳು ನಡೆಯುತ್ತದೆ.

ಶಿವಮೊಗ್ಗ ಜಿಲ್ಲೆಯಲ್ಲು ಹಲವಾರು ಪ್ರವಾಸಿತಾಣಗಳು, ನದಿಗಳು ಇವೆ. ಲಿಂಗನಮಕ್ಕಿ ಜಲಾಶಯ ನೋಡಲು ಆಗಮಿಸಿದರೆ ಕೊಡಚಾದ್ರಿ, ಜೋಗ ಜಲಪಾತ, ಸಿಗಂಧೂರು ದೇವಾಲಯ, ವರದಹಳ್ಳಿ, ತುಂಗಾ ಜಲಾಶಯ ಸೇರಿದಂತೆ ವಿವಿಧ ಪ್ರವಾಸಿ ತಾಣಗಳಿಗೆ ಜನರು ಭೇಟಿ ನೀಡಬಹುದಾಗಿದೆ.

ಲಿಂಗನಮಕ್ಕಿ ಜಲಾಶಯದ ಹಿನ್ನೀರಿನ ಮೂಲಕ ಸಿಂಗಧೂರು ದೇವಾಲಯಕ್ಕೆ ಹೋಗಬೇಕು. ಲಾಂಚ್ ವ್ಯವಸ್ಥೆ ಇದ್ದು ಅಗಾಧವಾದ ಜಲರಾಶಿಯ ನಡುವೆ ಲಾಂಚ್‌ನಲ್ಲಿ ಸಾಗುವ ಅನುಭವ ಜನರಿಗೆ ಆನಂದವನ್ನು ನೀಡುತ್ತದೆ. ಸಾಗರ ಉತ್ತರ ಕನ್ನಡ ಜಿಲ್ಲೆಯೊಂದಿಗೆ ಗಡಿಯನ್ನು ಹಂಚಿಕೊಂಡಿದೆ. ರಾಜಧಾನಿ ಬೆಂಗಳೂರಿನಿಂದ ಸಾಗರದ ತಾಳಗುಪ್ಪದ ತನಕ ರೈಲಿನ ವ್ಯವಸ್ಥೆ ಇದೆ. ಸರ್ಕಾರಿ ಬಸ್‌ ಸಹ ಇದೆ.

English summary

Linganamakki Dam Water Level Today: Check complete details on Linganamakki dam water level, history, weather, visit timings, nearby places to visit and more interesting facts on linganamakki dam.