Keep House Cool without AC: ಎಸಿ ಇಲ್ಲದೆ ಮನೆ ತಂಪಾಗಿಡಲು ಬಯಸುವಿರಾ? ಈ ಸುಲಭ ಮಾರ್ಗಗಳನ್ನು ಅನುಸರಿಸಿ!

ಎಲ್ಲ ಮನೆಗಳಲ್ಲೂ ಎಸಿ ಇರುವುದು ಅಸಾಧ್ಯ. ಎಸಿ ಇದ್ದಲ್ಲಿ ವಿದ್ಯುತ್ ಬಿಲ್ ಕಟ್ಟಲು ಗಟ್ಟಿಯಾಗಿರಬೇಕು. ಹೀಗಾಗಿ ಎಸಿಯನ್ನು ಅಳವಡಿಸುವುದು ಹೆಚ್ಚು ಸವಾಲಿನ ಕೆಲಸ. ಈ ಪರಿಸ್ಥಿತಿಯಲ್ಲಿ ಮನೆಯನ್ನು ನೈಸರ್ಗಿಕವಾಗಿ ತಂಪಾಗಿಡುವ ಮಾರ್ಗಗಳಿಗೆ ಹೋಗುವುದು ಅನಿವಾರ್ಯವಾಗುತ್ತದೆ. ಇದು ಮನೆಯಲ್ಲಿ ಎಸಿ ಇಲ್ಲದವರಿಗೆ ಮಾತ್ರವಲ್ಲ ಎಸಿ ಇರುವವರಿಗೂ ತುಂಬಾ ಉಪಯುಕ್ತವಾಗಿದೆ. ಹಾಗಾದರೆ ಎಸಿ ಇಲ್ಲದೆ ಮನೆಯನ್ನು ತಂಪಾಗಿಡುವುದು ಹೇಗೆ ಎಂದು ತಿಳಿಯೋಣ.

*ಮನೆ ತಂಪಾಗಿಡಲು ಸಹಾಯಕವಾದ ಕಿಟಕಿ

ಬೇಸಿಗೆಯಲ್ಲಿ ಎಸಿ ಇಲ್ಲದೆ ಕೋಣೆಯನ್ನು ತಂಪಾಗಿರಿಸಲು ನೀವು ಮಾಡಬಹುದಾದ ಸರಳವಾದ ಕೆಲಸವೆಂದರೆ ಕಿಟಕಿಗಳು ಮುಚ್ಚದಿರುವುದು. ಇದು ಮನೆಯನ್ನು ತಂಪಾಗಿಡಲು ನಿಜವಾಗಿಯೂ ಚೆನ್ನಾಗಿ ಕೆಲಸ ಮಾಡುತ್ತದೆ. ಆದರೆ ಹೊರಗಿನ ಗಾಳಿಯು ಒಳಗಿನ ಗಾಳಿಗಿಂತ ಬೆಚ್ಚಗಾಗಿದ್ದರೆ, ಕಿಟಕಿಗಳನ್ನು ಮುಚ್ಚುವುದು ನಿಮ್ಮ ಮನೆಯ ಒಳಭಾಗವನ್ನು ಸ್ವಲ್ಪ ತಂಪಾಗಿರಿಸಲು ಸಹಾಯ ಮಾಡುತ್ತದೆ.

ಕಿಟಕಿಗಳ ಮೂಲಕ ನಿಮ್ಮ ಮನೆಗೆ ಪ್ರವೇಶಿಸುವ 76% ಸೂರ್ಯನ ಬೆಳಕು ಶಾಖವನ್ನು ಹೆಚ್ಚಿಸುವುದರಿಂದ ನಿಮ್ಮ ಕಿಟಕಿಗಳನ್ನು ಪರದೆಗಳಿಂದ ಮುಚ್ಚುವುದು ಒಳ್ಳೆಯದು. ಶಾಖವನ್ನು ಕಡಿಮೆ ಮಾಡಲು ಬಿಳಿ ಪರದೆಗಳನ್ನು ಸಾಮಾನ್ಯವಾಗಿ ಶಿಫಾರಸು ಮಾಡಲಾಗುತ್ತದೆ. ಕೆಲವರು ಕಿಟಕಿಗಳನ್ನು ಮುಚ್ಚಲು ಮತ್ತು ಸೂರ್ಯನ ಬೆಳಕನ್ನು ಸಂಪೂರ್ಣವಾಗಿ ನಿರ್ಬಂಧಿಸಲು ಬ್ಲ್ಯಾಕೌಟ್ ಪರದೆಗಳನ್ನು ಆಯ್ಕೆ ಮಾಡುತ್ತಾರೆ.

ಬೆಳಿಗ್ಗೆ 6 ರಿಂದ 9ರವರೆಗೆ ಹಾಗೂ ಸಂಜೆ 5 ರಿಂದ ರಾತ್ರಿ 9ರವರೆಗೆ ಕಿಟಕಿ ಬಾಗಿಲನ್ನು ತೆರೆದಿರುವುದು ಉತ್ತಮ. ಈ ಸಮಯದಲ್ಲಿ ಬಿಸಿಲ ಬಿಸಿ ಹೆಚ್ಚಾಗಿರುವುದಿಲ್ಲ. ಇದರಿಂದ ಮನೆ ತಂಪಾಗಿರುತ್ತದೆ.

*ಬಾಗಿಲುಗಳನ್ನು ಮುಚ್ಚಬೇಡಿ

ಮನೆಯಲ್ಲಿ ನೀವು ಹೆಚ್ಚಾಗಿ ಬಳಸದ ಕೋಣೆಗಳಾದ ಮಲಗುವ ಕೋಣೆಗಳು ಹಾಗೂ ಸ್ನಾನಗೃಹದ ಬಾಗಿಲುಗಳನ್ನು ಮುಚ್ಚಿ. ಮನೆಯ ಭಾಗಗಳನ್ನು ಮುಚ್ಚುವುದು ತಂಪಾದ ಗಾಳಿಯನ್ನು ಒಂದೇ ಸ್ಥಳದಲ್ಲಿ ಕೇಂದ್ರೀಕರಿಸುತ್ತದೆ. ನೀವು ಹೆಚ್ಚಾಗಿ ಬಳಸುವ ಕೋಣೆಯಲ್ಲಿ ವೇಗವಾಗಿ ತಾಪಮಾನ ಹೆಚ್ಚಾಗುತ್ತದೆ.

ಹೀಗಾಗಿ ನಿಮ್ಮ ಹೆಚ್ಚಿನ ಸಮಯವನ್ನು ನೀವು ಒಂದೇ ಕೋಣೆಯಲ್ಲಿ ಕಳೆಯುತ್ತಿದ್ದರೆ ಆ ಕೋಣೆಯ ಬಿಸಿ ಹೆಚ್ಚಿರುತ್ತದೆ. ಹೀಗಾಗಿ ಮಧ್ಯಾಹ್ನ ಸಮಯದಲ್ಲಿ ಹೆಚ್ಚು ಬಳಕೆ ಮಾಡದ ಕೋಣೆಗಳನ್ನು ಮುಚ್ಚಿ ಬಿಡಿ. ಆದರೆ ಬೆಳಿಗ್ಗೆ ಹಾಗೂ ಸಂಜೆ ಎಲ್ಲಾ ಬಾಗಿಲು ಕಿಟಕಿಗಳನ್ನು ತೆರೆದಿಡಿ.

*ಮಧ್ಯಾಹ್ನ ಅಡುಗೆ ಮಾಡುವುದನ್ನು ತಪ್ಪಿಸಿ

ಅಡುಗೆ ಮಾಡುವಾಗ ಬಾಗಿಲು ಕಿಟಕಿಗಳನ್ನು ತೆರೆದಿಡಿ. ಸಾಧ್ಯವಾದಷ್ಟು ಮಧ್ಯಾಹ್ನದ ವೇಳೆ ಅಡುಗೆ ಮಾಡುವುದನ್ನು ತಪ್ಪಿಸಿ. ಬೆಳಿಗ್ಗೆ ಅಥವಾ ಸಂಜೆ ನಂತರ ಅಡುಗೆ ಮಾಡುವುದನ್ನು ರೂಢಿಸಿಕೊಳ್ಳಿ. ಇದರಿಂದ ಮಧ್ಯಾಹ್ನದ ಬಿಸಿಲಿಗೆ ನಿಮ್ಮ ಮನೆ ಹೆಚ್ಚು ಬಿಸಿಯಾಗುವುದನ್ನು ತಪ್ಪಿಸಬಹುದು.

*ಸರಿಯಾದ ಬೆಳಕನ್ನು ಬಳಸಿ

ಬೇಸಿಗೆಯಲ್ಲಿ ಅನಗತ್ಯ ಬೆಳಕಿನ ಅವಶ್ಯಕತೆ ಇಲ್ಲ. ಇದರಿಂದ ಮನೆಯಲ್ಲಿ ಶಾಕ ಹೆಚ್ಚಾಗುತ್ತದೆ. ಅಡುಗೆ ಮಾಡುವುದು, ಬಿಸಿ ನೀರಿನಲ್ಲಿ ಸ್ನಾನ ಮಾಡುವುದು, ಹಗಲಿನಲ್ಲಿ ಲೈಟ್‌ಗಳನ್ನು ಹಚ್ಚುವುದು ಇವುಗಳನ್ನು ತಪ್ಪಿಸಬೇಕು. ಕೆಲವರು ಹಗಲಲ್ಲಿ ಬಲ್ಬಗಳನ್ನು ಉರಿಸುತ್ತಾರೆ. LED ಬಲ್ಬ್‌ಗಳು ನಿಮ್ಮ ಮನೆಯನ್ನು ತಂಪಾಗಿಡಲು ಸಹಾಯ ಮಾಡುತ್ತವೆ. ಅಲ್ಲದೆ ಬಲ್ಬ್‌ಗಳು ನಿಮ್ಮ ವಿದ್ಯುತ್ ಬಿಲ್‌ಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

*ಫ್ಯಾನ್‌ಗಳನ್ನು ಸರಿಯಾಗಿ ಬಳಸಿ

ನೀವು ಹವಾನಿಯಂತ್ರಣವಿಲ್ಲದ ಮನೆಯಲ್ಲಿ ವಾಸಿಸುತ್ತಿದ್ದರೆ, ಫ್ಯಾನ್ ನಿಮ್ಮ ಉತ್ತಮ ಸ್ನೇಹಿತ ಮತ್ತು ನೀವು ಅದನ್ನು ಸರಿಯಾದ ರೀತಿಯಲ್ಲಿ ಬಳಸಬೇಕಾಗುತ್ತದೆ. ಆದರೆ ಫ್ಯಾನ್‌ ಎಲ್ಲಿ ಇರಿಸುತ್ತೀರಿ ಎಂಬುದು ಮುಖ್ಯ. ನಿಮ್ಮ ಮನೆಯಲ್ಲಿ ಟೇಬಲ್ ಫ್ಯಾನ್ ಇದ್ದರೆ ತಂಪಾದ ಗಾಳಿಯನ್ನು ಪಡೆಯಲು ಮತ್ತು ಬಿಸಿ ಗಾಳಿಯನ್ನು ಹೊರಹಾಕಲು ಬಾಗಿಲಲ್ಲಿ ಅದನ್ನು ಇಡುವುದು ಉತ್ತಮ ಮಾರ್ಗವಾಗಿದೆ. ಇದು ಮನೆಗೆ ತಂಪಾದ ಗಾಳಿಯನ್ನು ಸೆಳೆದು ಮತ್ತು ಬಿಸಿ ಗಾಳಿಯನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ಸೀಲಿಂಗ್ ಫ್ಯಾನ್ ಇದ್ದರೆ ಫ್ಯಾನ್ ಮುಂದೆ ದೊಡ್ಡ ಐಸ್ ಕ್ಯೂಬ್ ಅನ್ನು ಇರಿಸಲು ಪ್ರಯತ್ನಿಸಿ. ಈ ಸುಲಭವಾದ ಟ್ರಿಕ್ ಐಸ್ ಕ್ಯೂಬ್‌ನಿಂದ ತಂಪಾದ ಗಾಳಿಯನ್ನು ಕೋಣೆಯೊಳಗೆ ಪಡೆಯಬಹುದು.

* ಎಕ್ಸಾಸ್ಟ್ ಫ್ಯಾನ್ ಬಳಸಿ

ನಿಮ್ಮ ಅಡುಗೆಮನೆ ಮತ್ತು ಸ್ನಾನಗೃಹಗಳಲ್ಲಿನ ಎಕ್ಸಾಸ್ಟ್ ಫ್ಯಾನ್‌ಗಳು ಬಿಸಿ ಗಾಳಿಯನ್ನು ಹೊರಹಾಕಿ ನಿಮ್ಮ ಒಳಾಂಗಣ ಗಾಳಿಯನ್ನು ಹಿಡಿದಿಟ್ಟುಕೊಳ್ಳುತ್ತವೆ. ಇದು ನಿಮ್ಮ ಮನೆಯನ್ನು ತಂಪಾಗಿಡಲು ಸುಲಭ ಮಾರ್ಗವಾಗಿದೆ. ಮಳೆ ಬಂದಾಗ ಅಥವಾ ಮನೆಯೊಳಗೆ ಅಡುಗೆ ಮಾಡುವಾಗ ನಿಮ್ಮ ಎಕ್ಸಾಸ್ಟ್ ಫ್ಯಾನ್‌ಗಳನ್ನು ಆನ್ ಮಾಡಿ.

*ನೆಲದ ಮೇಲೆ ಮಲಗುವುದು

ಬೇಸಿಗೆಯಲ್ಲಿ ನೆಲ ತುಂಬಾ ತಂಪಾಗಿರುತ್ತದೆ. ಹೀಗಾಗಿ ನೆಲದ ಮೇಲೆ ಕುಳಿತುಕೊಳ್ಳಲು, ಚಪ್ಪಲಿ ಹಾಕದಂತೆ ನಡೆಯಲು ಮನಸ್ಸಾಗುತ್ತದೆ. ಮಾತ್ರವಲ್ಲದೆ ಮನೆಯಲ್ಲಿ ಬರಿ ನಲೆದ ಮೇಲೆ ಮಲಗುವುದು ಕೂಡ ಉತ್ತಮ ಮಾರ್ಗ. ಇದರಿಂದ ನೀವು ಶಾಖದಿಂದ ಕೊಂಚ ಮುಕ್ತಿ ಪಡೆಯಬಹುದು.

English summary

summer care tips to keep house cool without air conditioning in Kannada. Read more in kannada.