Kitchen Cleaning Tips: ಒಗ್ಗರಣೆಗೆ ಮಾತ್ರವಲ್ಲ ಅಡುಗೆ ಮನೆ ಸ್ವಚ್ಚತೆಗೂ ಬಳಸಿ ಕರಿಬೇವಿನ ಎಲೆ...

ಕರಿಬೇವಿನ ಎಲೆಗಳನ್ನು ದೈನಂದಿನ ಅಡುಗೆಯಲ್ಲಿ ನಾವು ಬಳಕೆ ಮಾಡುತ್ತೇವೆ. ಈ ಕರಿಬೇವಿನ ಎಲೆ ಅಡುಗೆಗೆ ಉತ್ತಮ ಪರಿಮಳವನ್ನು ನೀಡುತ್ತದೆ. ಅಲ್ಲದೆ ಇದು ಹಲವಾರು ಔಷಧೀಯ ಗುಣಗಳನ್ನು ಹೊಂದಿದೆ. ಇಷ್ಟೆಲ್ಲಾ ಲಾಭವಿರುವ ಕರಿಬೇವಿನ ಸೊಪ್ಪನ್ನು ಅಂಗಡಿಗಳಲ್ಲಿ ಅತ್ಯಂತ ಕಡಿಮೆ ಬೆಲೆಗೆ ನೀಡಲಾಗುತ್ತದೆ. ಇದು ಕಡಿಮೆ ಬೆಲೆಯಲ್ಲಿ ಲಭ್ಯವಾಗುವುದರಿಂದ ಅನೇಕ ಜನರು ತಮ್ಮ ಮನೆಗಳಲ್ಲಿ ಹೆಚ್ಚಾಗಿ ಕರಿಬೇವಿನ ಎಲೆಗಳನ್ನು ಹೊಂದಿರುತ್ತಾರೆ.

ಹಲವರು ಕರಿಬೇವಿನ ಸೊಪ್ಪನ್ನು ಬೇಕಾದಷ್ಟು ಮಾತ್ರ ಇಟ್ಟುಕೊಂಡು ಉಳಿದದ್ದನ್ನು ಬಿಸಾಡುತ್ತಾರೆ. ಆದರೆ ಮನೆಯಲ್ಲಿ ಸಾಮಾನ್ಯವಾಗಿ ಕಾಣಸಿಗುವ ಕರಿಬೇವಿನ ಎಲೆಗಳನ್ನು ಸುಮ್ಮನೆ ಬಿಸಾಡುವ ಬದಲು ನಿಮ್ಮ ಅಡುಗೆ ಮನೆಯನ್ನು ಸ್ವಚ್ಛಗೊಳಿಸಲು ಉಪಯೋಗಿಸಬಹುದು.

ಹೌದು... ಕರಿಬೇವಿನ ಸೊಪ್ಪನ್ನು ಅಡುಗೆಗೆ ಮಾತ್ರವಲ್ಲದೆ ಅಡುಗೆ ಮನೆಯನ್ನು ಸ್ವಚ್ಛಗೊಳಿಸಲು ಕೂಡ ಬಳಸಬಹುದು. ಅಡುಗೆ ಮನೆಯನ್ನು ಸ್ವಚ್ಛವಾಗಿಡಲು ಕರಿಬೇವಿನ ಎಲೆಗಳನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಕೆಲವು ಸಲಹೆಗಳನ್ನು ಕೆಳಗೆ ನೀಡಲಾಗಿದೆ.

ಅಡುಗೆ ಮನೆಯ ವಾಸನೆ ಚೆನ್ನಾಗಿರಲು ಕರಿಬೇವಿನ ಎಲೆ...

ನಿಮ್ಮ ಅಡಿಗೆ ಮನೆಯಲ್ಲಿ ಕೆಟ್ಟ ವಾಸನೆ ಆವರಿಸಿದ್ದರೆ, ಅಡುಗೆಮನೆಯು ಉತ್ತಮವಾದ ತಾಜಾ ಪರಿಮಳದಿಂದ ತುಂಬಿರಲು ನೀವು ಒಂದು ಹಿಡಿ ಕರಿಬೇವಿನ ಎಲೆಗಳನ್ನು ನೀರಿನಲ್ಲಿ ಕುದಿಸಿ, ಅದಕ್ಕೆ ಪಾತ್ರೆಯನ್ನು ಮುಚ್ಚಬೇಡಿ. ಈ ರೀತಿ ಮಾಡುವುದರಿಂದ ಅಡುಗೆಮನೆಯಲ್ಲಿನ ಮೀನು ಅಥವಾ ಮಾಂಸದ ವಾಸನೆ ಮಾಯವಾಗಿ ಅಡುಗೆ ಮನೆಯಲ್ಲಿ ಉತ್ತಮ ವಾಸನೆಯನ್ನು ಇದು ಹರಡುತ್ತದೆ.

ಅಡುಗೆ ಮನೆಯ ಕಲೆಗಳನ್ನು ಸ್ವಚ್ಛಗೊಳಿಸಲು ಕರಿಬೇವಿನ ಎಲೆ...

ಕೆಲವೊಮ್ಮೆ ಅಡುಗೆ ಮಾಡುವ ಆತುರದಲ್ಲಿರುವಾಗ ಅಡುಗೆ ಮನೆಯಲ್ಲಿ ಬೆಳ್ಳುಳ್ಳಿ ಎಸಳು, ಒಂದಿಷ್ಟು ತರಕಾರಿ, ಚಪಾತಿ ಹಿಟ್ಟು ಅಲ್ಲಲ್ಲಿ ಬಿದ್ದಿರುತ್ತದೆ. ಆದ್ದರಿಂದ ಈ ಅಡಿಗೆಮನೆಯನ್ನು ಸ್ವಚ್ಛವಾಗಿರಿಸಿಕೊಳ್ಳುವುದು ಬಹಳ ಮುಖ್ಯ. ಕರಿಬೇವಿನ ಎಲೆಗಳು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿವೆ.

ಆದ್ದರಿಂದ ಈ ಕರಿಬೇವಿನ ಎಲೆಗಳನ್ನು ಒಂದು ಹಿಡಿ ತೆಗೆದುಕೊಳ್ಳಿ. ಅದನ್ನು ಪೇಸ್ಟ್ ಮಾಡಿ, ಅದನ್ನು ಅಡಿಗೆಮನೆಯ ಸ್ವಚ್ವಿಲ್ಲದ ಸ್ಥಳದಲ್ಲಿ ಅನ್ವಯಿಸಿ, ಕೆಲವು ನಿಮಿಷಗಳ ಕಾಲ ಅದನ್ನು ನೆನೆಸಿ ನಂತರ ಒದ್ದೆಯಾದ ಬಟ್ಟೆಯಿಂದ ಒರೆಸಿ. ಇದು ಅಡುಗೆಮನೆಯ ಕಲೆಗಳನ್ನು ಸ್ವಚ್ಛಗೊಳಿಸುತ್ತದೆ ಮತ್ತು ಕಲೆಗಳಲ್ಲಿರುವ ಸೂಕ್ಷ್ಮಜೀವಿಗಳನ್ನು ಕೊಲ್ಲುತ್ತದೆ.

ಪಾತ್ರಗಳು ಹೊಳೆಯಲು ಕರಿಬೇವಿನ ಎಲೆ...

ಪಾತ್ರೆಗಳ ಹೊಳಪನ್ನು ಪುನಃಪಡೆಯಲು ಮನೆಯಲ್ಲಿ ಕರಿಬೇವಿನ ಎಲೆಗಳನ್ನು ಬಳಸುವುದು ತುಂಬಾ ಸುಲಭ. ಹೌದು, ಕರಿಬೇವಿನ ಎಲೆಗಳನ್ನು ಪುಡಿಮಾಡಿ ಸ್ವಲ್ಪ ತೆಂಗಿನೆಣ್ಣೆಯೊಂದಿಗೆ ಮಿಶ್ರಣ ಮಾಡಿ, ಸ್ಟೇನ್‌ಲೆಸ್ ಸ್ಟೀಲ್ ಪಾತ್ರೆಗಳ ಮೇಲೆ ಹಚ್ಚಿ ಮತ್ತು 15 ನಿಮಿಷಗಳ ಕಾಲ ನೆನೆಯಲು ಬಿಡಿ, ನಂತರ ಅದನ್ನು ಒದ್ದೆಯಾದ ಬಟ್ಟೆಯಿಂದ ಒರೆಸಿ. ಹೀಗೆ ಮಾಡುವುದರಿಂದ ಪಾತ್ರೆಗಳು ಸದಾ ಹೊಳೆಯುತ್ತವೆ.

ಗ್ಯಾಸ್ ಸ್ಟೌವ್‌ಗಳಲ್ಲಿನ ಜಿಗುಟುತನವನ್ನು ತೊಡೆದುಹಾಕಲು..

ಗ್ಯಾಸ್ ಸ್ಟೌವ್‌ನಲ್ಲಿ ಅಡುಗೆ ಮಾಡುವಾಗ ಎಣ್ಣೆಯ ಜಿಗುಟು ಅಂಟಿಕೊಂಡಿರುತ್ತದೆ. ಹೀಗಿರುವಾಗ ಮನೆಯಲ್ಲಿ ಕರಿಬೇವಿನ ಸೊಪ್ಪು ಜಾಸ್ತಿ ಇದ್ದು, ಕರಿಬೇವಿನ ಸೊಪ್ಪನ್ನು ರುಬ್ಬಿ ಅದಕ್ಕೆ ಸ್ವಲ್ಪ ಅಡುಗೆ ಸೋಡಾ ಬೆರೆಸಿ ಒಲೆಯ ಮೇಲೆ ಸ್ವಲ್ಪ ಹೊತ್ತು ಉಜ್ಜಿದರೆ ಜಿಗುಟುತನ ಬೇಗ ಮಾಯವಾಗಿ ಗ್ಯಾಸ್ ಕಟ್ಟೆ ಕಾಂತಿಯುತವಾಗಿ ಹೊಳೆಯುತ್ತದೆ.

ದ್ವಿದಳ ಧಾನ್ಯಗಳಲ್ಲಿ ಹುಳ ಬೀಳದಂತೆ ತಡೆಯಲು...

ಧಾನ್ಯಗಳು, ಬೇಳೆಕಾಳುಗಳು ಮತ್ತು ಮಸಾಲೆಗಳು ಕೀಟಗಳಿಗೆ ಗುರಿಯಾಗುತ್ತವೆ. ಆದರೆ ಕೆಲವು ಕರಿಬೇವಿನ ಎಲೆಗಳನ್ನು ಒಣಗಿಸಿ ಅದಕ್ಕೆ ಸೇರಿಸಿದರೆ ಅದರ ವಾಸನೆಯು ಕೀಟಗಳನ್ನು ದೂರವಿಡುತ್ತದೆ. ಹೀಗೆ ನೀವು ನಿಮ್ಮ ಅಡುಗೆ ಮನೆಯನ್ನು ಸ್ವಚ್ಚವಾಗಿಡಲು ಬಳಸಬಹುದು.

English summary

Clever ways to use curry leaves for kitchen cleaning in kannada.