ಅಂತರ್ಜಾಲ ಪರಿಜ್ಞಾನವುಳ್ಳ ನುರಿತ ಪತ್ರಕರ್ತರು ಬೇಕಾಗಿದ್ದಾರೆ

By Prasad

Updated: Friday, November 4, 2016, 12:36 [IST]

ಕಳೆದ ಹದಿನಾರುವರೆ ವರ್ಷಗಳಿಂದ ಅಂತರ್ಜಾಲದಲ್ಲಿ ಅಗ್ರಸ್ಥಾನ ಕಾಪಾಡಿಕೊಂಡು ಬಂದಿರುವ ವಿಶ್ವ ಕನ್ನಡಿಗರ ನೆಚ್ಚಿನ ಪೋರ್ಟಲ್ ಒನ್ಇಂಡಿಯಾ ಕನ್ನಡ ತಂಡವನ್ನು ಸೇರಿಕೊಳ್ಳಲು, ಇಂಟರ್ನೆಟ್ಟಿನಲ್ಲಿ ಅಭಿರುಚಿಯುಳ್ಳ ಯುವ ಪತ್ರಕರ್ತರಿಗೆ ಸುವರ್ಣ ಅವಕಾಶ ಇಲ್ಲಿದೆ.

ಅಂತರ್ಜಾಲದ ಬಗ್ಗೆ ಜ್ಞಾನವಿದ್ದು, ಇನ್ನಷ್ಟು ನೈಪುಣ್ಯತೆಗಳನ್ನು ಕಲಿಯುವ ಇಚ್ಛೆಯುಳ್ಳವರು ಕೆಳಗೆ ನಮೂದಿಸಿರುವ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು. ಇಂಟರ್ನೆಟ್ ಬಗೆಗಿರುವ ಆಸಕ್ತಿ, ಮಾಹಿತಿ, ಪತ್ರಿಕೋದ್ಯಮದಲ್ಲಿರುವ ಅನುಭವ ಕುರಿತು ಬಯೋಡೇಟಾದಲ್ಲಿ ನಮೂದಿಸಿದವರಿಗೆ ಮತ್ತು ಪತ್ರಿಕೋದ್ಯಮದಲ್ಲಿ ಪದವಿ ಪಡೆದವರಿಗೆ ಹೆಚ್ಚಿನ ಆದ್ಯತೆ ನೀಡಲಾಗುವುದು.

ಸುದ್ದಿತಾಣವಾದ ಒನ್ಇಂಡಿಯಾ ಕನ್ನಡ ಮತ್ತು ಮನರಂಜನಾ ತಾಣವಾಗಿರುವ ಫಿಲ್ಮಿಬೀಟ್ ಕನ್ನಡದಲ್ಲಿ, ಇಂಟರ್ನೆಟ್ ಪರಿಜ್ಞಾನವುಳ್ಳ ನುರಿತ ಪತ್ರಕರ್ತರ ಅಗತ್ಯವಿದ್ದು, ಕೂಡಲೆ ಅರ್ಜಿ ಸಲ್ಲಿಸಬೇಕಾಗಿ ಕೋರಿಕೆ. ಹೊಸತನ್ನು ಬಯಸುವ, ಕಲಿಯಲು ಅಗಾಧ ಆಸಕ್ತಿಯುಳ್ಳವರಿಗೆ ಒನ್ಇಂಡಿಯಾ ಅತ್ಯುತ್ತಮ ವೇದಿಕೆ.