Amazon layoffs: ಬರೋಬ್ಬರಿ 14,000 ಉದ್ಯೋಗಿಗಳನ್ನು ಮನೆಗೆ ಕಳುಹಿಸಲು ಅಮೆಜಾನ್ ಸಿದ್ಧತೆ

Updated: Saturday, January 24, 2026, 20:00 [IST]

Amazon layoffs: ಅಮೆಜಾನ್ ಮುಂದಿನ ವಾರದಿಂದ ಸುಮಾರು 14,000 ಕಾರ್ಪೊರೇಟ್ ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸಲು ಯೋಜನೆ ರೂಪಿಸಿದೆ. ಇದು ಅಕ್ಟೋಬರ್ ನಂತರ ನಡೆಯುತ್ತಿರುವ ಎರಡನೇ ದೊಡ್ಡ ಮಟ್ಟದ ಉದ್ಯೋಗ ಕಡಿತ ಆಗಿದ್ದು, ಇದರಿಂದ ಒಟ್ಟು 30,000 ಹುದ್ದೆಗಳನ್ನು ಕಡಿತಗೊಳಿಸಿದಂತಾಗಲಿದೆ.

ಈ ಉದ್ಯೋಗ ಕಡಿತವು ಚಿಲ್ಲರೆ ವ್ಯಾಪಾರ, ಪ್ರೈಮ್ ವಿಡಿಯೋ ಹಾಗೂ ಮಾನವ ಸಂಪನ್ಮೂಲ (HR) ವಿಭಾಗಗಳಲ್ಲಿನ ಉದ್ಯೋಗಿಗಳ ಮೇಲೆ ಪರಿಣಾಮ ಬೀರುತ್ತದೆ. ಈ ಮೂಲಕ ಅಮೆಜಾನ್‌ನ ಒಟ್ಟು ಕಾರ್ಪೊರೇಟ್ ವರ್ಕ್‌ಫೋರ್ಸ್‌ನ ಸುಮಾರು ಶೇಕಡಾ 10ರಷ್ಟು ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

ಅಮೆಜಾನ್ ವಿಶ್ವದ ಅತಿದೊಡ್ಡ ಆನ್‌ಲೈನ್ ಶಾಪಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಂದಾಗಿದ್ದು, ಮೊಬೈಲ್‌ಗಳು, ಎಲೆಕ್ಟ್ರಾನಿಕ್ಸ್, ಫ್ಯಾಷನ್, ಗೃಹೋಪಯೋಗಿ ವಸ್ತುಗಳು ಸೇರಿದಂತೆ ಲಕ್ಷಾಂತರ ಉತ್ಪನ್ನಗಳನ್ನು ಮಾರಾಟ ಮಾಡುತ್ತದೆ. ಇದೀಗ ಈ ದೈತ್ಯ ಕಂಪನಿ 14,000 ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸಲು ಯೋಜನೆ ರೂಪಿಸಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

14,000 ಉದ್ಯೋಗಿಗಳ ವಜಾಕ್ಕೆ ಸಿದ್ಧತೆ: ಜಾಗತಿಕ ಇ-ಕಾಮರ್ಸ್ ದೈತ್ಯ ಅಮೆಜಾನ್ ತನ್ನ ಉದ್ಯೋಗಿಗಳಿಗೆ ಮತ್ತೊಂದು ಶಾಕ್ ನೀಡಿದ್ದು, ಸುಮಾರು 30,000 ಕಾರ್ಪೊರೇಟ್ ಹುದ್ದೆಗಳನ್ನು ತೆಗೆದುಹಾಕುವ ಭಾಗವಾಗಿ ಮುಂದಿನ ವಾರದ ವೇಳೆಗೆ ಸುಮಾರು 14,000 ಉದ್ಯೋಗಿಗಳನ್ನು ವಜಾಗೊಳಿಸಲು ಸಿದ್ಧತೆ ನಡೆಸುತ್ತಿದೆ ಎಂದು ವರದಿಗಳು ತಿಳಿಸಿವೆ.

ಒಟ್ಟು ಉದ್ಯೋಗ ಕಡಿತಗಳ ಸಂಖ್ಯೆಯು ಸುಮಾರು 1.58 ಮಿಲಿಯನ್ ಉದ್ಯೋಗಿಗಳನ್ನು ಹೊಂದಿರುವ ಅಮೆಜಾನ್‌ನ ಜಾಗತಿಕ ಕಾರ್ಯಪಡೆಯ ಒಂದು ಸಣ್ಣ ಭಾಗವಾಗಿದೆ. ಆದರೂ ಈ ಕ್ರಮವು ಗಮನಾರ್ಹ ಆಗಿದೆ. ಯಾಕಂದ್ರೆ, ಇದು ಕಂಪನಿಯ ಕಾರ್ಪೊರೇಟ್ ಸಿಬ್ಬಂದಿಯ ಸುಮಾರು ಶೇಕಡ 10ರಷ್ಟು ಉದ್ಯೋಗಿಗಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಅಮೆಜಾನ್‌ನ ಹೆಚ್ಚಿನ ಉದ್ಯೋಗಿಗಳು ವೆಬ್ ಸೇವೆಗಳು, ಚಿಲ್ಲರೆ ವ್ಯಾಪಾರ, ಪ್ರೈಮ್ ವಿಡಿಯೋ ಮತ್ತು ಪೀಪಲ್ ಎಕ್ಸ್‌ಪೀರಿಯೆನ್ಸ್ ಮತ್ತು ಟೆಕ್ನಾಲಜಿ ಎಂದು ಕರೆಯಲ್ಪಡುವ ಮಾನವ ಸಂಪನ್ಮೂಲಗಳ ಘಟಕಗಳಲ್ಲಿ ಕಡಿತ ಮಾಡಲಾಗುತ್ತಿದೆ.

ಯೋಜಿತ ವಜಾಗೊಳಿಸುವಿಕೆಯು ಅಮೆಜಾನ್‌ನ ಇತಿಹಾಸದಲ್ಲಿ ಅತಿದೊಡ್ಡ ವೈಟ್-ಕಾಲರ್ ಕಾರ್ಯಪಡೆಯ ಕಡಿತಗಳಲ್ಲಿ ಒಂದಾಗಿದೆ ಮತ್ತು ಕಳೆದ ವರ್ಷ ಪ್ರಾರಂಭವಾದ ವೆಚ್ಚ ಕಡಿತ ಮತ್ತು ಸಾಂಸ್ಥಿಕ ಪುನರ್ರಚನೆ ಪ್ರಯತ್ನಗಳ ಮುಂದುವರಿಕೆಯನ್ನು ಇದು ಪ್ರತಿಬಿಂಬಿಸುತ್ತದೆ.

ಕಂಪನಿಯು ಹಿಂದಿನ ಹಂತಗಳಲ್ಲಿ ಈಗಾಗಲೇ ತನ್ನ ಕಾರ್ಪೊರೇಟ್ ಮುಖ್ಯಸ್ಥರ ಸಂಖ್ಯೆಯನ್ನು ಕಡಿಮೆ ಮಾಡಿತ್ತು. ಮುಂಬರುವ ಉದ್ಯೋಗ ಕಡಿತಗಳು ಅದರ ಕಚೇರಿ ಆಧಾರಿತ ಕಾರ್ಯಪಡೆಯನ್ನು ಮರುರೂಪಿಸುವಲ್ಲಿ ಎರಡನೇ ಮತ್ತು ಹೆಚ್ಚು ನಿರ್ಣಾಯಕ ಹೆಜ್ಜೆಯಾಗಿ ಕಂಡುಬರುತ್ತಿದೆ ಎಂದು ವರದಿಯಾಗಿದೆ.

ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ನಡೆದ ಉದ್ಯೋಗ ಕಡಿತದ ಸಮಯದಲ್ಲಿ, ಕಂಪನಿಯು ತನ್ನ ಆಂತರಿಕ ಪತ್ರದಲ್ಲಿ 'ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನವನ್ನು ಉಲ್ಲೇಖಿಸಿತ್ತು. ಎಐ ತಂತ್ರಜ್ಞಾನವು ಇಂಟರ್ನೆಟ್ ನಂತರದ ಅತಿದೊಡ್ಡ ಬದಲಾವಣೆ ಆಗಿದ್ದು, ಕಂಪನಿಗಳು ವೇಗವಾಗಿ ಕೆಲಸ ಮಾಡಲು ಇದು ನೆರವಾಗುತ್ತಿದೆ ಎಂದು ಹೇಳಲಾಗಿತ್ತು. ಹೀಗೆ ಎಐ ತಂತ್ರಜ್ಞಾನ ಬಂದಾಗಿನಿಂದ ಹಲವು ಕಂಪನಿಗಳಲ್ಲಿ ಉದ್ಯೋಗಿಗಳ ವಜಾಗೊಳಿಸುವ ಕಾರ್ಯಗಳು ನಡೆಯುತ್ತಲಿವೆ. ದೈತ್ಯ ಕಂಪನಿಗಳೇ ಇಂತಹ ನಿರ್ಧಾರ ತೆಗೆದುಕೊಳ್ಳುತ್ತಿರುವುದು ಕಂಡುಬರುತ್ತಿದೆ.