Sharadiya Navratri 2023: ನವರಾತ್ರಿ ದಿನಾಂಕ, ಕಲಶ ಸ್ಥಾಪನಾ ಮುಹೂರ್ತ, ಒಂಬತ್ತು ದಿನಗಳ ಪೂಜೆ ಪಟ್ಟಿ

ನವರಾತ್ರಿ ದುರ್ಗಾ ದೇವಿಗೆ ಸಮರ್ಪಿತವಾದ ಮಂಗಳಕರ ಹಿಂದೂ ಹಬ್ಬವಾಗಿದೆ. ಉತ್ತರ ಮತ್ತು ಪೂರ್ವ ಭಾರತದಾದ್ಯಂತ ಬಹಳ ಉತ್ಸಾಹದಿಂದ ಆಚರಿಸಲಾಗುತ್ತದೆ. ಈ ಆಚರಣೆಯು ಹಲವಾರು ನೃತ್ಯ ಪ್ರದರ್ಶನಗಳನ್ನು, ವಿವಿಧ ವಿಶೇಷ ಪಾಕವಿಧಾನಗಳನ್ನು ಮತ್ತು ದುರ್ಗಾ ದೇವಿಗೆ ಸಲ್ಲಿಸುವ ಪ್ರಾರ್ಥನೆಗಳನ್ನು ಒಳಗೊಂಡಿರುತ್ತದೆ.

ಈ ಸಮಯದಲ್ಲಿ ದುರ್ಗಾದೇವಿಯ ವಿವಿಧ ರೂಪಗಳನ್ನು ಒಂಬತ್ತು ದಿನಗಳ ಕಾಲ ಪೂಜಿಸಲಾಗುತ್ತದೆ. ಹತ್ತನೇ ದಿನದಂದು ದಸರಾ ಹಬ್ಬವನ್ನು ಆಚರಿಸಲಾಗುತ್ತದೆ. ಹಾಗಾದರೆ ದಸರಾ ಹಬ್ಬವನ್ನು ಯಾವಾಗ ಆಚರಿಸಲಾಗುತ್ತದೆ? ಕಲಶ ಸ್ಥಾಪನಾ ಮುಹೂರ್ತ, ಒಂಬತ್ತು ದಿನಗಳ ಪೂಜೆ ಪಟ್ಟಿಯನ್ನು ವಿವರವಾಗಿ ತಿಳಿದುಕೊಳ್ಳೋಣ.

ಶಾರದೀಯ ನವರಾತ್ರಿ 2023: ಪ್ರಾರಂಭ ದಿನಾಂಕ ಮತ್ತು ಅಂತಿಮ ದಿನಾಂಕ

ಶಾರದೀಯ ನವರಾತ್ರಿಯು ಅಶ್ವಿನ ಮಾಸದ ಶುಕ್ಲ ಪಕ್ಷದ ಪ್ರತಿಪದ ದಿನಾಂಕದಿಂದ ಪ್ರಾರಂಭವಾಗುತ್ತದೆ. ಈ ವರ್ಷ ಶಾರದೀಯ ನವರಾತ್ರಿಯು 15 ಅಕ್ಟೋಬರ್ ರಿಂದ 24 ಅಕ್ಟೋಬರ್ ರವರೆಗೆ ಆಚರಿಸಲಾಗುತ್ತದೆ. ಪ್ರತಿಪದ ತಿಥಿಯು 14 ಅಕ್ಟೋಬರ್ 2023 ರಂದು ರಾತ್ರಿ 11:24 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು 15 ಅಕ್ಟೋಬರ್ 2023 ರಂದು 12:24 ಕ್ಕೆ ಕೊನೆಗೊಳ್ಳುತ್ತದೆ.

ಶಾರದೀಯ ನವರಾತ್ರಿ 2023: ಕಲಶ ಸ್ಥಾಪನಾ ಸಮಯ

ನವರಾತ್ರಿಯ ಮೊದಲ ದಿನ ದೇವಿ ದುರ್ಗೆಗೆ ಕಲಶವನ್ನು ಸ್ಥಾಪಿಸಲಾಗುತ್ತದೆ. ಅದರೊಂದಿಗೆ ತೆಂಗಿನಕಾಯಿಯನ್ನು ಸಹ ಇಡಲಾಗುತ್ತದೆ. ಮುಂದಿನ ಒಂಬತ್ತು ದಿನಗಳವರೆಗೆ ಈ ಕಲಶವನ್ನು ದುರ್ಗಾ ವಿಗ್ರಹದ ಮುಂದೆ ಇಡಲಾಗುತ್ತದೆ. ಈ ವರ್ಷ ಪ್ರತಿಪದ ತಿಥಿಯಂದು, ಕಲಶ ಸ್ಥಾಪನೆಯ ಸಮಯವು ಬೆಳಿಗ್ಗೆ 11:44 ರಿಂದ ಮಧ್ಯಾಹ್ನ 12:30 ರವರೆಗೆ ಇರುತ್ತದೆ.

ಶಾರದೀಯ ನವರಾತ್ರಿ 2023: ದಿನಾಂಕವಾರು ಪೂಜೆ

*15 ಅಕ್ಟೋಬರ್ 2023 ಭಾನುವಾರ: ಘಟಸ್ಥಾಪನೆ ಮತ್ತು ದೇವಿ ಶೈಲಪುತ್ರಿ ಪೂಜೆ (Ghatasthapana and Maa Shailputri Puja)

*16 ಅಕ್ಟೋಬರ್ 2023 ಸೋಮವಾರ: ದೇವಿ ಬ್ರಹ್ಮಚಾರಿಣಿ ಪೂಜೆ (Brahmacharini Puja)

*17 ಅಕ್ಟೋಬರ್ 2023 ಮಂಗಳವಾರ: ಚಂದ್ರಘಂಟಾ ದೇವಿಯ ಪೂಜೆ ( Chandraghanta Puja)

*18 ಅಕ್ಟೋಬರ್ 2023 ಬುಧವಾರ: ಕೂಷ್ಮಾಂಡ ದೇವಿಯ ಪೂಜೆ (Kushmanda Puja)

*19 ಅಕ್ಟೋಬರ್ 2023 ಗುರುವಾರ: ದೇವಿ ಸ್ಕಂದಮಾತೆಯ ಪೂಜೆ (Skandamata Puja)

*20 ಅಕ್ಟೋಬರ್ 2023 ಶುಕ್ರವಾರ: ದೇವಿ ಕಾತ್ಯಾಯನಿ ಪೂಜೆ (Katyayani Puja)

*21 ಅಕ್ಟೋಬರ್ 2023 ಶನಿವಾರ: ಕಾಲರಾತ್ರಿ ಪೂಜೆ (Kalratri Puja)

*22 ಅಕ್ಟೋಬರ್ 2023 ಭಾನುವಾರ: ಮಹಾಗೌರಿ ಪೂಜೆ ಮತ್ತು ದುರ್ಗಾಷ್ಟಮಿ (Mahagauri Puja and Durgashtami)

*23 ಅಕ್ಟೋಬರ್ 2023 ಸೋಮವಾರ: ಮಹಾನವಮಿ (Mahanavami)

*24 ಅಕ್ಟೋಬರ್ 2023 ಮಂಗಳವಾರ: ದುರ್ಗಾ ವಿಸರ್ಜನ (Durga immersion or Visarjan)

2023ರ ದಸರಾ ಯಾವಾಗ?

ಶಾರದೀಯ ನವರಾತ್ರಿಯ ಅಷ್ಟಮಿ ಅಕ್ಟೋಬರ್ 22 ರಂದು ಬರುತ್ತದೆ ಮತ್ತು ಮಹಾನವಮಿ ಅಕ್ಟೋಬರ್ 23 ರಂದು ಆಚರಿಸಲಾಗುತ್ತದೆ. ಈ ಎರಡೂ ದಿನಗಳಲ್ಲಿ ಕನ್ಯಾ ಪೂಜೆ ಕೂಡ ನಡೆಯುತ್ತದೆ. ಈ ಬಾರಿ ವಿಜಯದಶಮಿ ಅಥವಾ ದಸರಾ ಹಬ್ಬವನ್ನು ಅಕ್ಟೋಬರ್ 24 ರಂದು ಆಚರಿಸಲಾಗುತ್ತದೆ.

ಶಾರದೀಯ ನವರಾತ್ರಿ ಎಂದು ಯಾಕೆ ಕರೆಯುತ್ತಾರೆ?

ಅಶ್ವಿನ ಮಾಸದಲ್ಲಿ ಬರುವ ನವರಾತ್ರಿಯನ್ನು ಶಾರದೀಯ ನವರಾತ್ರಿ ಎಂದು ಕರೆಯಲಾಗುತ್ತದೆ. ಹಿಂದೂ ಧಾರ್ಮಿಕ ಗ್ರಂಥಗಳಲ್ಲಿ ವಿವರಿಸಿದ ಕಥೆಗಳ ಪ್ರಕಾರ, ಶಕ್ತಿಯ ಅಧಿದೇವತೆಯಾದ ದುರ್ಗಾ ದೇವಿಯು ಮಹಿಷಾಸುರನನ್ನು ರಾಕ್ಷಸ ಶಕ್ತಿಯನ್ನು ನಾಶಪಡಿಸಿ ಬ್ರಹ್ಮಾಂಡದ ಒಳಿತನ್ನು ರಕ್ಷಿಸಿದ್ದಾಳೆ. ದುರ್ಗಾ ದೇವಿಯು ಮಹಿಷಾಸುರನ ಮೇಲೆ ದಾಳಿ ಮಾಡಿ ಒಂಬತ್ತು ದಿನಗಳ ಕಾಲ ಅವನೊಂದಿಗೆ ಹೋರಾಡಿ ಹತ್ತನೇ ದಿನ ಅವನನ್ನು ಹತ್ಯೆದೈದ ಅಮಯವು ಅಶ್ವಿನ ಮಾಸವಾಗಿತ್ತು. ಆದ್ದರಿಂದ, ಅಶ್ವಿನ ಮಾಸದ ಈ ಒಂಬತ್ತು ದಿನಗಳು ಶಕ್ತಿಯ ಆರಾಧನೆಗೆ ಮೀಸಲಾಗಿದೆ. ಪಂಚಾಂಗದ ಪ್ರಕಾರ, ಶರತ್ಕಾಲವು ಅಶ್ವಿನ ಮಾಸದಲ್ಲಿ ಪ್ರಾರಂಭವಾಗುತ್ತದೆ. ಆದ್ದರಿಂದ ಇದನ್ನು ಶಾರದೀಯ ನವರಾತ್ರಿ ಎಂದು ಕರೆಯಲಾಗುತ್ತದೆ. ಶಾರದೀಯ ನವರಾತ್ರಿಯ ಹತ್ತನೇ ದಿನವನ್ನು ವಿಜಯದಶಮಿ ಎಂದು ಆಚರಿಸಲಾಗುತ್ತದೆ.

English summary

when is shardiya navratri 2023 date kalash sthapana muhurat nine days puja list dussehra date in kannada.