ದೊಡ್ಡ ಪರದೆಯ ಮೇಲೆ ದಸರಾ ಕಾರ್ಯಕ್ರಮಗಳು

ಮೈಸೂರು, ಸೆ, 22: ದಸರಾ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸುವ ಸಲುವಾಗಿ ಕಾರ್ಯಕ್ರಮಗಳನ್ನು ದೊಡ್ಡ ಪರದೆಯ ಮೇಲೆ ಪ್ರೊಜೆಕ್ಟರ್ ಮುಖಾಂತರ ನಗರದ ಪ್ರಮುಖ ಸ್ಥಳಗಳಲ್ಲಿ ಪ್ರದರ್ಶಿಸಲು ಮತ್ತು ಮೈಸೂರಿನ ಎಲ್ಲಾ ನಾಗರೀಕರು ಟಿವಿಗಳಲ್ಲಿ ಕೇಬಲ್ ನೆಟ್‌ವರ್ಕ್ ಮುಖಾಂತರ ವೀಕ್ಷಿಸಲು ದಸರಾ ಸಮಿತಿಯಿಂದ ಅನುವು ಮಾಡಿಕೊಡಲಾಗಿದೆ. ದೊಡ್ಡ ಪರದೆಯ ಮೇಲೆ ಕಾರ್ಯಕ್ರಮಗಳನ್ನು ಬಿತ್ತರಿಸುವುದರಿಂದ ಆಯಾ ಮೊಹಲ್ಲಗಳಲ್ಲಿಯೇ ನಾಗರೀಕರು ಮನರಂಜನೆ ಪಡೆಯಬಹುದಾಗಿದೆ.

ಈ ಕೆಳಕಂಡ ಜಾಗಗಳಲ್ಲಿ ಪ್ರದರ್ಶಿಸಲು ಏರ್ಪಾಡು ಮಾಡಲಾಗಿದೆ.
ಆಂದೋಲನ ವೃತ್ತ, ಶಾರದದೇವಿ ವೃತ್ತ, ಈಶ್ವರ ದೇವಸ್ಥಾನದ ವೃತ್ತ , ವಿವಿ ಮೊಹಲ್ಲ, ಜವರೇಗೌಡ ಉದ್ಯಾನವನ, ಸರಸ್ವತಿಪುರಂ, ವಿವೇಕಾನಂದ ವೃತ್ತ, ವಿಜಯನಗರ ಡಿಸ್ಕೌಂಟ್ ವರ್ಲ್ಡ್ ವೃತ್ತ, ತಿಲಕ್‌ನಗರ ನಮಾಜ್ ಮೈದಾನ, ಹಿಲ್‌ಟಾಪ್ ಮೈದಾನ ಉದಯಗಿರಿ / ಉದಯಗಿರಿ ವೃತ್ತ ಪೋಲಿಸ್ ಸ್ಟೇಷನ್, ಜೋಗಿಸಿದ್ದಯ್ಯ ಉದ್ಯಾನವನ ಎನ್,ಆರ್.ಮೊಹಲ್ಲಾ, ಅಂಬೇಡ್ಕರ್ ಉದ್ಯಾನವನ, ಅಶೋಕಪುರಂ, ಶಿವಾಜಿ ರಸ್ತೆ ಉದ್ಯಾನವನ, ಎನ್.ಆರ್.ಮೊಹಲ್ಲಾ

ಅಲ್ಲದೇ ಕೇಬಲ್ ನೆಟ್‌ವರ್ಕ್ ಮೂಲಕ ಮೈಸೂರು ನಗರದ ಪ್ರಮುಖ ಸ್ಥಳೀಯ ಚಾನೆಲ್‌ಗಳಾದ ಅಮೋಘ, ಸಿ- ಚಾನಲ್ ಮತ್ತು ಯು.ಎಂ.ಎನ್ ಚಾನಲ್‌ಗಳಲ್ಲಿ ದಸರಾ ಕಾರ್ಯಕ್ರಮಗಳನ್ನು ಬಿತ್ತರಿಸಲಾಗುವುಗು. ಇದರಿಂದ ಕಾರ್ಯಕ್ರಮದ ಸ್ಥಳಗಳಿಗೆ ಬರಲು ಸಾಧ್ಯವಾಗದ ಸಾರ್ವಜನಿಕರು ಮನೆಯಲ್ಲಿಯೇ ಕುಳಿತು ಕಾರ್ಯಕ್ರಮಗಳನ್ನು ಆಸ್ವಾದಿಸಬಹುದಾಗಿದೆ.

(ದಟ್ಸ್ ಕನ್ನಡವಾರ್ತೆ)