ಮಹಿಳಾ ದಿನದ ವಿಶೇಷ: ‘ಗೃಹಿಣಿ’ ಸುಗಮ ಸಂಸಾರ ನೌಕೆಯ ನಾವಿಕಳು!
ಮನೆಮನೆಯಲಿ ದೀಪ ಉರಿಸಿ
ಹೊತ್ತುಹೊತ್ತಿಗೆ ಅನ್ನ ಉಣಿಸಿ
ತಂದೆ ಮಗುವ ತಬ್ಬಿದಾಕೆ
ನಿನಗೆ ಬೇರೆ ಹೆಸರು ಬೇಕೇ
ಸ್ತ್ರೀ ಎಂದರೆ ಅಷ್ಟೇ ಸಾಕೆ!?
ಕವಿ ಜಿ.ಎಸ್. ಶಿವರುದ್ರಪ್ಪನವರ ಈ ಕವಿವಾಣಿ ಕೇಳುವಾಗಲೆಲ್ಲ ಪ್ರತಿದಿನ ಮನೆಗಳಲ್ಲಿ ಗಂಡ, ಮಕ್ಕಳು, ಅತ್ತೆ-ಮಾವನ ಸೇವೆ ಮಾಡುತ್ತಾ ಮನೆಯೆಂಬ ಪುಟ್ಟ ಜಗತ್ತಿಗೆ ಹಣತೆಯಂತೆ ಬೆಳಗುವ ಗೃಹಿಣಿಯರು ನೆನಪಾಗುತ್ತಾರೆ. ತನ್ನೆಲ್ಲ ಆಸೆ ಆಕಾಂಕ್ಷೆಗಳನ್ನು ಬದಿಗೊತ್ತಿ ಮಾಡಿದಷ್ಟು ಮುಗಿಯದ ಮನೆಗೆಲಸಗಳಲ್ಲಿ ಲೀನಳಾಗಿ ಸಂಸಾರದ ಜವಾಬ್ದಾರಿಗಳನ್ನು ಅಚ್ಚುಕಟ್ಟಾಗಿ ನಿರ್ವಹಿಸುವ ಗೃಹಿಣಿಯರು ಕಣ್ಮುಂದೆ ಹಾದು ಹೋಗುತ್ತಾರೆ.
ಸಂಸಾರದ ಜಂಜಾಟಗಳಲ್ಲಿ ಮರೆಯಾಗುವವರು
ಮಹಿಳೆಯರ ದಿನಾಚರಣೆ ಸಂದರ್ಭದಲ್ಲಿ ನಾವು ಸಾಧಕ ಮಹಿಳೆಯರ ಬಗ್ಗೆ ಮಾತನಾಡುತ್ತೇವೆ. ಆದರೆ ಅಂತಹ ಸಾಧಕ ಮಹಿಳೆಯರನ್ನು ಸೃಷ್ಟಿ ಮಾಡಿದ ಆ ಗೃಹಿಣಿ ನೆನಪಾಗುವುದಿಲ್ಲ. ಅವರು ನಾಲ್ಕು ಗೋಡೆಗಳ ನಡುವೆ ಉಳಿದು ಹೋಗುತ್ತಾರೆ. ಅವರು ಸಾಧಕರಾದರೂ ಎಲೆಯ ಮರೆಯ ಕಾಯಿಯಂತೆ ಸಂಸಾರದ ಜಂಜಾಟಗಳಲ್ಲಿ ಮರೆಯಾಗುತ್ತಾರೆ.
ತನ್ನೆಲ್ಲ ನೋವು, ಕಣ್ಣೀರಿಗೆ ಸೀರೆ ಸೆರಗನ್ನೇ ಅಡ್ಡವಾಗಿಸಿಕೊಂಡು, ನೋವು ನುಂಗಿ ನಗುವನ್ನು ಚೆಲ್ಲುತ್ತಾ ತನ್ನನ್ನು ತಾನೇ ಮರೆತು ಗಂಡ-ಮಕ್ಕಳ ಸುಖಕ್ಕಾಗಿ ಜೀವ ತೇಯುವ, ಇದ್ದುರರಲ್ಲಿ ಒಂದಷ್ಟನ್ನು ಉಳಿಸಿ ಡಬ್ಬಿಗಳಲ್ಲಿ ಚಿಲ್ಲರೆ ಕಾಸುಗಳನ್ನು ಕೂಡಿಟ್ಟು ಸಂಸಾರದ ಸಂಕಷ್ಟಕ್ಕೆ ನೆರವಾಗುವ, ತಾನು ಹಸಿವಿನಲ್ಲಿದ್ದರೂ ತನ್ನ ಹಸಿವು ಮರೆತು ಮಕ್ಕಳ ಹಸಿವು ನೀಗಿಸಿ ಖುಷಿಪಡುವ, ಮಕ್ಕಳ ಸಂತಸದಲ್ಲಿ ತನ್ನ ನೋವು ಮರೆಯುವ ಆ ಜೀವಗಳು ವರ್ಣನೆಗೆ ನಿಲುಕದವರು.
'ಹೌಸ್ ವೈಫ್' ಅಂದ್ರೆ ಹಾಯಾಗಿ ಇರುವವಳಲ್ಲ!
'ಹೌಸ್ ವೈಫ್' ಅಂದ್ರೆ ಗಂಡ ತಂದಿದನ್ನು ಬೇಯಿಸಿ ಹಾಕುವ, ಮಕ್ಕಳನ್ನು ಶಾಲೆಗೆ ಕಳುಹಿಸಿ ಮನೆಯ ಒಂದಷ್ಟು ಕೆಲಸ ಮುಗಿಸಿ ಪಕ್ಕದವರೊಂದಿಗೆ ಹರಟೆ ಹೊಡೆಯುತ್ತಾ ಕಾಲ ಕಳೆಯುವಳು ಎಂದು ಕೆಲವರು ಲಘುವಾಗಿ ಮಾತನಾಡಬಹುದು. ಆದರೆ ಅದು ಅಷ್ಟಕ್ಕೆ ಮುಗಿದು ಹೋಗುವ ಕರ್ತವ್ಯವಲ್ಲ. ಸಂಸಾರವೆಂಬ ಸಾಗರದಲ್ಲಿ ತನ್ನ ಕುಟುಂಬವೆಂಬ ನೌಕೆಯನ್ನು ಸುಗಮವಾಗಿ ಸಾಗಿಸುವ ನಾವಿಕ ಅವಳು.
ಹಾದಿ ತಪ್ಪಿದ ಗಂಡ, ಮಾತು ಕೇಳದ ಮಕ್ಕಳ ನಡುವೆ ಹೆಣಗಿ ಬೆಂಡಾದರೂ ಮುಂದೆ ಎಲ್ಲವೂ ಸರಿಹೋಗುತ್ತದೆ ಎಂಬ ವಿಶ್ವಾಸದಲ್ಲಿ ಸಾಗುತಲೇ ಇರುವ, ಮೋಸ, ವಂಚನೆ, ದೌರ್ಜನ್ಯವಾದರೂ ಯಾವುದನ್ನೂ ಬಿಚ್ಚಿಡದೆ, ಮುಚ್ಚಿಟ್ಟು ತನ್ನ ಸಂಸಾರಕ್ಕಾಗಿ ಆಸೆ ಆಕಾಂಕ್ಷೆಗಳನ್ನು ಬದಿಗೊತ್ತಿ ನಾಳಿನ ಭರವಸೆಯಲ್ಲಿ ಬದುಕುತ್ತಿರುವ ಜೀವಗಳಿಗೆ ನಮನಗಳು.
ಬೇಕು ಬೇಡವನ್ನು ಪೂರೈಸುವ ಜೀವ
ಇವತ್ತು ಬಹಳಷ್ಟು ಕುಟುಂಬಗಳು ಸುಖಮಯ ಜೀವನ ಮಾಡುತ್ತಿದ್ದರೆ, ಗಂಡ, ಮಕ್ಕಳು ಸಾಧನೆಯ ಹಾದಿಯಲ್ಲಿ ಸಾಗುತ್ತಿದ್ದರೆ, ಅವರ ಬೆನ್ನೆಲುಬಾಗಿ ನಿಂತು ಅವರ ಬೇಕು ಬೇಡಗಳನ್ನು ಪೂರೈಸುತ್ತಾ ಹೋಗುವವಳು ಗೃಹಿಣಿ ಎಂಬ ಮೂರಕ್ಷರದ ಜೀವವೇ. ಆಕೆ ಗಟ್ಟಿಯಾಗಿ ನಿಲ್ಲದ ಹೊರತು ಸಂಸಾರವೊಂದು ಸುಖಮಯವಾಗಿ ಸಾಗುವುದು ಅಸಾಧ್ಯವೇ.
ಸವಿ ನಿದ್ದೆಯಲ್ಲಿದ್ದರೂ ಬೆಳಕು ಹರಿಯುತ್ತಿದ್ದಂತೆಯೇ ಹಾಸಿಗೆ ಬಿಟ್ಟು ಆಚೆ ಬಂದು ಗಂಡ, ಮಕ್ಕಳಿಗೆ ಬೇಕಾದ ಉಪಹಾರ ತಯಾರಿ ಮಾಡಿ ಅವರನ್ನು ಅವರವರ ಪಾಡಿಗೆ ಕಳುಹಿಸಿ, ತಾನು ಮನೆಯ ಕೆಲಸವನ್ನೆಲ್ಲ ಮುಗಿಸಿ ಮತ್ತೆ ಅವರು ಬರುವ ಹೊತ್ತಿಗೆ ಅಡುಗೆ ಮಾಡಿ ಎಲ್ಲರೂ ಮಲಗಿದ ಬಳಿಕ ಮಾರನೆಯ ದಿನಕ್ಕೆ ಬೇಕಾದ ಸಿದ್ಧತೆಗಳನ್ನು ಮಾಡಿ ತಾನು ನಿದ್ದೆಗೆ ಜಾರುವ. ಆಕೆಯ ಬಿಡುವಿಲ್ಲದ ಕೆಲಸಗಳು ಅರ್ಥವಾಗುವುದಿಲ್ಲ.
ಅವಳು ಬಯಸೋದು ನಿಮ್ಮ ಒಳಿತನ್ನೇ
ಮಹಿಳಾ ದಿನಾಚರಣೆ ವೇಳೆ ಪುಂಖಾನು ಪುಂಖವಾಗಿ ಶುಭಾಶಯಗಳನ್ನು ರವಾನಿಸುವವರು, ತಾನು ದುಡಿದು ಸಾಕುತ್ತಿದ್ದೇನೆಂದು ಅಹಂ ಪಡುವ, ಮೋಜು ಮಸ್ತಿ ಎನ್ನುತ್ತಾ ಹೊರಗೆ ಜಾಲಿ ಮೂಡ್ನಲ್ಲಿರುವ ಗಂಡಸರೇ, ಒಂದೇ ಒಂದು ಕ್ಷಣ ನಿಮ್ಮ ಮನೆಯಲ್ಲಿ ನಿಮಗಾಗಿ ಬದುಕುವ ಆ ಜೀವದ ಬಗ್ಗೆ ಯೋಚಿಸಿ, ಅವಳನ್ನು ಪ್ರೀತಿಸಿ. ನೀವು ಯಾವುದೇ ಉಡುಗೊರೆ ಕೊಟ್ಟರೂ ಅದೆಲ್ಲವನ್ನು ಮೀರಿ ಅವಳು ಬಯಸುವುದು ನಿಮ್ಮ ಒಳಿತನ್ನೇ, ಇದು ನೆನಪಿರಲಿ.
-
Bengaluru: ಬೆಳ್ಳಂಬೆಳಗ್ಗೆ ಬೆಂಗಳೂರಿನ ಸಮಸ್ಯೆಗಳು: ಬೇರೆ ಊರುಗಳಿಂದ ಬಂದ ಮೆಜೆಸ್ಟಿಕ್ನಲ್ಲಿ ಸಂಕಷ್ಟ, 7 ಪ್ರಮುಖ ಸಂಕಷ್ಟಗಳು -
Karnataka Weather: ಇಂದು ರಾಜ್ಯದ ಈ ಜಿಲ್ಲೆಗಳಲ್ಲಿ ಗುಡುಗು, ಬಿರುಗಾಳಿ ಸಹಿತ ಮಳೆಯಾಗುವ ಮುನ್ಸೂಚನೆ -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
March 24 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
ಕೂಲಿಗೆ ಹೋಗಿದ್ದ ವಿದ್ಯಾರ್ಥಿನಿಯನ್ನು ದ್ರಾಕ್ಷಿ ತೋಟದಿಂದಲೇ ಕರೆತಂದು SSLC ಪರೀಕ್ಷೆ ಬರೆಸಿದ ಗದಗ ಬಿಇಒ -
Bengaluru Land: ಕಾಡುಗೋಡಿಯಲ್ಲಿ 78 ಜಾಗ ಹಿಂತಿರುಗಿಸುವಂತೆ ಎಂಬೆಸ್ಸಿಗೆ ಕೆಐಎಸಿಬಿ ಆದೇಶ -
Train Ticket: ರೈಲು ಟಿಕೆಟ್ ರದ್ದತಿ, ಮರುಪಾವತಿ ರೂಲ್ಸ್ ಬದಲಾವಣೆ: ಏಪ್ರಿಲ್ನಿಂದ ಹೊಸ ನಿಯಮ -
Mutton: ಕುಕ್ಕರ್ 20 ಬಾರಿ ಕೂಗಿದರೂ ಬೇಯದ ತಲೆ ಮಟನ್: ಪೊಲೀಸ್ ಠಾಣೆಗೆ ಪಾತ್ರೆ ಹಿಡಿದು ಬಂದು ರಾದ್ಧಾಂತ -
Viral Post: 'ಬೆಂಗಳೂರು ಟ್ರಾಫಿಕ್' ಕಿರಿಕಿರಿ ತಪ್ಪಿಸಲು ಆಫೀಸ್ನಿಂದ ಮನೆಗೆ ನಡೆದುಕೊಂಡು ಹೋಗುತ್ತಿರುವ ಮಹಿಳೆ -
Gas: ಬೆಳಗಾವಿಯಲ್ಲಿ ಸಿಲಿಂಡರ್, ಇಂಧನ ಲಭ್ಯತೆಯ ಬಗ್ಗೆ: ಜಿಲ್ಲಾಧಿಕಾರಿ ಮೊಹಮ್ಮದ್ ರೋಷನ್ ಅಪ್ಡೇಟ್ಸ್ -
Liquor Ban: ಬೆಂಗಳೂರಲ್ಲಿ 48 ಗಂಟೆಗಳ ಕಾಲ ಮದ್ಯ ಮಾರಾಟ ನಿಷೇಧ, ಎಲ್ಲೆಲ್ಲಿ - ಯಾಕೆ ಇಲ್ಲಿದೆ ಮಾಹಿತಿ -
Bengaluru property: ಬೆಂಗಳೂರು ಆಸ್ತಿ ತೆರಿಗೆ ಬಾಕಿದಾರರಿಗೆ ಇದೀಗ ಬಿಗ್ ಶಾಕ್: ಪಾಲಿಕೆಗಳೇ ಆಸ್ತಿ ಖರೀದಿ
Click it and Unblock the Notifications
Sign in with Google