Vodafone-Idea ಬಳಕೆದಾರರಿಗೆ ಭರ್ಜರಿ ಗಿಫ್ಟ್: ಹಲವು ಒಟಿಟಿಗಳು ಉಚಿತ

ಈಗಾಗಲೇ ಖಾಸಗಿ ಟೆಲಿಕಾಂ ರಿಚಾರ್ಜ್‌ಗಳ ಬೆಲೆ ಏರಿಕೆ ಆಗಿದೆ. ಇದರಿಂದ ಗ್ರಾಹಕರು ಸಹ ಕಂಗಾಲಾಗಿದ್ದಾರೆ. ತಮ್ಮ ಗ್ರಾಹಕರನ್ನೇ ಟಾರ್ಗೆಟ್‌ ಮಾಡಿಕೊಂಡು ಹಲವು ಕಂಪನಿಗಳು ಹೊಸ ಹೊಸ ಪ್ಲ್ಯಾನ್‌ ಬಿಡುಗಡೆ ಮಾಡುತ್ತಿವೆ. ಈಗ ವೊಡಾಫೋನ್‌ ಹಾಗೂ ಐಡಿಯಾ ಸಹ ಇಂತಹದ್ದೇ ಒಂದು ದೊಡ್ಡ ಪ್ರಯತ್ನಕ್ಕೆ ಕೈ ಹಾಕಿದೆ.

ಈ ಮೂಲಕ ವೊಡಾಫೋನ್‌ ಹಾಗೂ ಐಡಿಯಾ ತನ್ನ ಪ್ರತಿ ಸ್ಪರ್ಧಿ ಏರ್‌ಟೆಲ್‌ಗೆ ಟಕ್ಕರ್‌ ನೀಡಲು ಭರ್ಜರಿ ಯೋಜನೆಯನ್ನು ರೂಪಿಸಿಕೊಂಡಿವೆ. ಒಂದೇ ರಿಚಾರ್ಜ್‌ನಲ್ಲಿ ಹಲವು ಲಾಭಗಳನ್ನು ನೀಡಲು ವಿಐ ಸಿದ್ಧತೆ ನಡೆಸಿದೆ. ಒಂದೇ ರಿಚಾರ್ಜ್‌ನಲ್ಲಿ ಇಂಟರ್ನೆಟ್‌, ಅನಿಯಮಿತ ಕರೆಗಳು, ಮೊಬೈಲ್‌ ಅಪ್ಲಿಕೇಶನ್‌ಗಳ ಲಾಭವನ್ನು ಚೆಂದಾದಾರು ಪಡೆಯಬಹುದಾಗಿದೆ. ವೊಡಾಫೋನ್-ಐಡಿಯಾದ ಈ ಹೊಸ ಸೇವೆಯು ಏರ್‌ಟೆಲ್ ಬ್ಲ್ಯಾಕ್‌ಗೆ ಸ್ಪರ್ಧಿಸಲಿದೆ.

ವಿಐ ಈ ರಿಚಾರ್ಜ್‌ನಲ್ಲಿ ಹಲವು ಆಫರ್‌ಗಳನ್ನು ರಿಲೀಸ್ ಮಾಡಿದೆ. ಬ್ರಾಡ್ಬ್ಯಾಂಡ್ ಬಳಕೆದಾರರು 100Mbps ವೇಗದಲ್ಲಿ ಅನಿಯಮಿತ ಫೈಬರ್ ಇಂಟರ್ನೆಟ್ ಸೌಲಭ್ಯವನ್ನು ಪಡೆಯುತ್ತಾರೆ. ಇದು ಮಾತ್ರವಲ್ಲದೆ, ಡಿಸ್ನಿ+ ಹಾಟ್‌ಸ್ಟಾರ್, ಸೋನಿ LIV ಸೇರಿದಂತೆ ಹಲವು OTT ಅಪ್ಲಿಕೇಶನ್‌ಗಳನ್ನು ಮುಕ್ತವಾಗಿ ವೀಕ್ಷಿಸಬಹುದಾಗಿದೆ.

ಈ ಯೋಜನೆಯಲ್ಲಿ ಬಳಕೆದಾರರು ದೈನಂದಿನ 2GB ಹೈ ಸ್ಪೀಡ್ ಡೇಟಾ ಮತ್ತು ಮೊಬೈಲ್ ಸಂಪರ್ಕದೊಂದಿಗೆ ಅನಿಯಮಿತ ಕರೆಗಳ ಪ್ರಯೋಜನವನ್ನು ಪಡೆಯುತ್ತಾರೆ. ಇದಲ್ಲದೆ, ಬಳಕೆದಾರರು ಮಧ್ಯರಾತ್ರಿಯಿಂದ 12 ರಿಂದ ಬೆಳಿಗ್ಗೆ 6 ಗಂಟೆಯವರೆಗೆ ಅನಿಯಮಿತ ಡೇಟಾದ ಪ್ರಯೋಜನವನ್ನು ಸಹ ಪಡೆಯಬಹುದಾಗಿದೆ.

Vi ಒನ್ ಪ್ಲಾನ್ ಬೆಲೆ

Vi ಬರೀ ಮೊಬೈಲ್‌ ಗ್ರಾಹಕರಿಗೆ ಅಷ್ಟೇ ಅಲ್ಲ, ಬ್ರಾಡ್‌ಬ್ಯಾಂಡ್ ಬಳಕೆದಾರರ ಮುಖದಲ್ಲೂ ಮಂದಹಾಸ ಮೂಡಿಸಿದೆ. ಈ ಮೂಲಕ ಬಳಕೆದಾರರಿಗೆ 40Mbps ಮತ್ತು 100Mbps ಎರಡು ಯೋಜನೆಗಳನ್ನು ನೀಡಲಾಗುತ್ತಿದೆ. 40Mbps Vi One ಯೋಜನೆಗಾಗಿ, ಬಳಕೆದಾರರು ಮೂರು ತಿಂಗಳವರೆಗೆ 2,499 ರೂಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ. ಇಡೀ ವರ್ಷಕ್ಕೆ 9,555 ರೂಗಳನ್ನು ಪಾವತಿಸಬೇಕಾಗುತ್ತದೆ. ಇದಲ್ಲದೆ, 100Mbps ಯೋಜನೆಗಾಗಿ, ಬಳಕೆದಾರರು ಮೂರು ತಿಂಗಳಿಗೆ 3,399 ರೂಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ. ಅದೇ ಸಮಯದಲ್ಲಿ, ಅದರ ವಾರ್ಷಿಕ ಯೋಜನೆಗೆ ರೂ 12,955 ಖರ್ಚು ಮಾಡಬೇಕಾಗುತ್ತದೆ.

Vodafone-Idea ಬಳಕೆದಾರರು ಕಂಪನಿಯ ವೆಬ್‌ಸೈಟ್‌ನಿಂದ ಈ ಹೊಸ Vi One ಯೋಜನೆಗೆ ಚಂದಾದಾರರಾಗಬಹುದು. ಈ ಸೇವೆಗಾಗಿ ಕಂಪನಿಯು ಕೇರಳದ ಏಷ್ಯಾನೆಟ್ ಕಂಪನಿಯೊಂದಿಗೆ ಪಾಲುದಾರಿಕೆ ಹೊಂದಿದೆ. ಬಳಕೆದಾರರು ಏಷ್ಯಾನೆಟ್ ಬ್ರಾಡ್‌ಬ್ಯಾಂಡ್ ಸೇವೆಯ ಪ್ರಯೋಜನವನ್ನು ಪಡೆಯುತ್ತಾರೆ.

ಏರ್‌ಟೆಲ್ ತನ್ನ ಬಳಕೆದಾರರಿಗೆ ಏರ್‌ಟೆಲ್ ಬ್ಲಾಕ್ ಸೇವೆಯನ್ನು ನೀಡುತ್ತದೆ. ಇದು ಮೊಬೈಲ್ ಸಂಪರ್ಕದೊಂದಿಗೆ ಏರ್‌ಟೆಲ್ ಎಕ್ಸ್‌ಸ್ಟ್ರೀಮ್ ಫೈಬರ್ ಮತ್ತು ಡಿಟಿಎಚ್ ಚಂದಾದಾರಿಕೆಯನ್ನು ನೀಡುತ್ತದೆ. ಕಂಪನಿಯು ತನ್ನ ಏರ್‌ಟೆಲ್ ಎಕ್ಸ್‌ಸ್ಟ್ರೀಮ್ ಫೈಬರ್‌ನೊಂದಿಗೆ ಎಕ್ಸ್‌ಸ್ಟ್ರೀಮ್ ಅಪ್ಲಿಕೇಶನ್‌ನೊಂದಿಗೆ ಅನೇಕ OTT ಅಪ್ಲಿಕೇಶನ್‌ಗಳ ಚಂದಾದಾರಿಕೆಯನ್ನು ನೀಡುತ್ತದೆ.

ಯಾವೆಲ್ಲಾ ಓಟಿಟಿಗಳು ಲಭ್ಯ?

Vodafone-Idea ಚಂದಾದಾರರು ಆದಲ್ಲಿ, ಬಳಕೆದಾರರು Disney + Hotstar, Sony LIV, KLIKK, Manorama Max, NamaFlix, YuppTV, Hungama, Shemaroo, Ullu, PlayFlix ಸೇರಿದಂತೆ 13 OTT ಅಪ್ಲಿಕೇಶನ್‌ಗಳ ಚಂದಾದಾರಿಕೆಯನ್ನು ಪಡೆಯಬಹುದಾಗಿದೆ.

English summary

Vodafone-Idea introduces the Vi One plan, providing users with broadband, mobile connection, and subscription to 13 OTT apps. Competing with Airtel Black, Vi One offers daily data, unlimited calls, and high-speed internet. Plans start at Rs 2,499 for three months;