ವಿಡಿಯೋ: ಬೈಕ್ ಒಂದು ಏಳು ಜನ ಪ್ರಯಾಣ, ಅಧಿಕ ಸರಕು
ಸಾಮಾಜಿಕ ಜಾಲತಾಣದಲ್ಲಿ ಒಬ್ಬ ವ್ಯಕ್ತಿ ತನ್ನ ಬೈಕ್ನಲ್ಲಿ ಒಬ್ಬರಲ್ಲ ಇಬ್ಬರಲ್ಲ ಬರೋಬ್ಬರಿ ಆರು ಜನರನ್ನು ಹೊತ್ತೊಯ್ಯುತ್ತಿರುವುದು ವೈರಲ್ ಆಗಿದೆ. ಈ ವಿಡಿಯೋವನ್ನು ಕ್ಯಾಪ್ಟನ್ ಹಿಂದೂಸ್ತಾನ್ ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿದ್ದು, ಇದನ್ನು ಈಗಾಗಲೇ 32 ಸಾವಿರ ಬಾರಿ ವೀಕ್ಷಿಸಲಾಗಿದೆ.
ಈಗ ವೈರಲ್ ಆಗಿರುವ ವಿಡಿಯೊದಲ್ಲಿ, ಒಬ್ಬ ವ್ಯಕ್ತಿ ತನ್ನ ಮುಂದೆ ಇಬ್ಬರು ಚಿಕ್ಕ ಮಕ್ಕಳನ್ನು ಕೂಡಿಸಿಕೊಳ್ಳುತ್ತಾನೆ. ನಂತರ ಆತನ ಹಿಂದೆ ಇಬ್ಬರು ಮಹಿಳೆಯರು ಕುಳಿತುಕೊಳ್ಳುತ್ತಾರೆ. ಜೊತೆಗೆ ಕೈಯಲ್ಲಿ ಒಬ್ಬೊಬ್ಬರು ಇಬ್ಬರು ಚಿಕ್ಕ ಮಕ್ಕಳನ್ನು ಹಿಡಿದುಕೊಳ್ಳುತ್ತಾರೆ. ಒಂದು ಬೈಕ್ ನಲ್ಲಿ ಬರೋಬ್ಬರಿ ಏಳು ಜನ ಕುಳಿತುಕೊಳ್ಳುತ್ತಾರೆ. "ಕುಟುಂಬ ಪ್ರವಾಸ" ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
Family trip pic.twitter.com/McIoZ6anCZ
— Kaptan Hindustan™ (@KaptanHindostan) June 17, 2022
ನೆಟ್ಟಿಗರು ಹಲವಾರು ಪ್ರತಿಕ್ರಿಯೆಯನ್ನು ಕಾಮೆಂಟ್ನಲ್ಲಿ ವ್ಯಕ್ತಪಡಿಸಿದ್ದಾರೆ ಮತ್ತು ಅದನ್ನು ಅಸುರಕ್ಷಿತ ಎಂದು ಕರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು ಕಾಮೆಂಟ್ ಮಾಡಿ, "ಇದು ಕೌಟುಂಬಿಕ ವಿಪತ್ತಿನಲ್ಲಿ ಕೊನೆಗೊಳ್ಳಬಹುದು. ಇದೊಂದು ಅಪಾಯಕಾರಿ ಪ್ರವಾಸ'' ಎಂದು ಬರೆದಿದ್ದಾರೆ.
That motorcycle is powerful indeed
— 𝕄𝕖𝕤𝕤𝕚𝕖𝕣 𝟛𝟘 (@Asteroidhitme) June 17, 2022
ಮತ್ತೊಂದು ವಿಡಿಯೋದಲ್ಲಿ ದ್ವಿಚಕ್ರ ವಾಹನದಲ್ಲಿ ವ್ಯಕ್ತಿಯೊಬ್ಬ ಅಪಾಯದ ರೀತಿಯಲ್ಲಿ ಗರಿಷ್ಠ ಸರಕುಗಳನ್ನು ಸಾಗಿಸುತ್ತಿರುವ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರು ಮತ್ತು ತೆಲಂಗಾಣ ಪೊಲೀಸರ ಗಮನ ಸೆಳೆದಿದೆ.
ಕ್ಲಿಪ್ ಅನ್ನು ಆರಂಭದಲ್ಲಿ ಟ್ವಿಟರ್ ಬಳಕೆದಾರ ಸಾಗರ್ ಅವರು "ನನ್ನ 32GB ಫೋನ್ 31.9 GB ಡೇಟಾವನ್ನು ಹೊತ್ತೊಯ್ಯುತ್ತಿದೆದೆ" ಎಂಬ ವ್ಯಂಗ್ಯದ ಹೇಳಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ತೆಲಂಗಾಣ ಪೊಲೀಸರು ನಂತರ ವೀಡಿಯೊವನ್ನು ಮರುಹಂಚಿಕೊಂಡಿದ್ದಾರೆ ಮತ್ತು ಮೊಬೈಲ್ ಫೋನ್ ಹಾನಿಗೊಳಗಾದರೂ ಡೇಟಾವನ್ನು ಹಿಂಪಡೆಯಬಹುದು, ಆದರೆ ಜೀವನವು ಹಾಗಲ್ಲ ಎಂದು ಬರೆದಿದ್ದಾರೆ.
My 32GB phone carrying 31.9 GB data pic.twitter.com/kk8CRBuDoK
— Sagar (@sagarcasm) June 21, 2022
ಚಿಕ್ಕ ಕ್ಲಿಪ್ನಲ್ಲಿ, ಒಬ್ಬ ವ್ಯಕ್ತಿ ತನ್ನ ಸ್ಕೂಟರ್ನಲ್ಲಿ ಟನ್ಗಳಷ್ಟು ವಸ್ತುಗಳನ್ನು ಸಮತೋಲನಗೊಳಿಸುತ್ತಿರುವುದನ್ನು ಕಾಣಬಹುದು. ದ್ವಿಚಕ್ರ ವಾಹನದಲ್ಲಿ ಕೂರಲು ಸಾಧ್ಯವಾಗದಷ್ಟು ಎರಡು ಬ್ಯಾಗ್ಗಳನ್ನು ಸ್ಕೂಟರ್ನ ಮುಂಭಾಗಕ್ಕೆ ಕಟ್ಟಿರುವುದು ಕಂಡು ಬಂದಿದೆ. ಕುತೂಹಲಕಾರಿಯಾಗಿ, ಅಪರಿಚಿತ ವ್ಯಕ್ತಿ ವಾಹನವನ್ನು ಚಾಲನೆ ಮಾಡುವಾಗ ಹೆಲ್ಮೆಟ್ ಧರಿಸಿದ್ದರು. ಆದರೆ ಅವರ ಪಾದಗಳು ಚಾಲನೆ ವೇಳೆ ರಸ್ತೆಗೆ ತಾಗಿಕೊಂಡಿವೆ.
ಯುವಕ ತನ್ನ ಸ್ಕೂಟರ್ನಲ್ಲಿ ಒಂದೇ ಬಾರಿಗೆ ಅಧಿಕ ಸರಕುಗಳನ್ನು ವರ್ಗಾಯಿಸಲು ಪ್ರಯತ್ನಿಸುತ್ತಿದ್ದನು. ಅವನ ಮುಂದೆ ಒಂದು ಟನ್ ಸಾಮಾನುಗಳನ್ನು ಕಟ್ಟಿ ಜೋಡಿಸಿದ್ದನು.
ವಿಡಿಯೊ ಹಂಚಿಕೊಂಡಾಗಿನಿಂದಲೂ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ಕೆಲವು ಇಂಟರ್ನೆಟ್ ಬಳಕೆದಾರರು ವ್ಯಕ್ತಿಯ ಮೇಲೆ ತಮಾಷೆ ಮಾಡಿ ಮತ್ತು ಉಲ್ಲಾಸದ ಪ್ರತಿಕ್ರಿಯೆಗಳನ್ನು ಹಂಚಿಕೊಂಡರೆ, ಇತರರು ಇದು ಅಪಾಯಕಾರಿ ಕೃತ್ಯ ಎಂದು ಗಮನಸೆಳೆದಿದ್ದಾರೆ. ಅವರ ಹೋರಾಟಕ್ಕೆ ನೆಟಿಜನ್ಗಳು ಸಹಾನುಭೂತಿ ವ್ಯಕ್ತಪಡಿಸಿದ್ದಾರೆ.
ಒಬ್ಬ ಬಳಕೆದಾರನು ವ್ಯಂಗ್ಯವಾಗಿ, "ಹೆಲ್ಮೆಟ್ ಧರಿಸಿ ನಿಯಮಗಳನ್ನು ಅನುಸರಿಸುವ ಒಳ್ಳೆಯ ವ್ಯಕ್ತಿ" ಎಂದು ಬರೆದಿದ್ದಾರೆ. ಮತ್ತೊಬ್ಬರು, "ಸವಾರಿಯ ಹಿಂದಿನ ಹೋರಾಟವು ಹೃದಯ ವಿದ್ರಾವಕವಾಗಿದೆ ... ಸುರಕ್ಷಿತವಾಗಿರಿ ಸ್ನೇಹಿತ." ಮೂರನೆಯವನು, "ದಯವಿಟ್ಟು ಅವನಿಗೆ ದೊಡ್ಡ ದಂಡವನ್ನು ವಿಧಿಸಿ. ಭಾರಿ ದಂಡ ವಿಧಿಸಿದರೆ ಸಾಯುವವರೆಗೂ ಮರೆಯುವುದಿಲ್ಲ'' ಎಂದು ಬರೆದಿದ್ದಾರೆ. ಕ್ಲಿಪ್ 710,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 24,000 ಕ್ಕೂ ಹೆಚ್ಚು ಲೈಕ್ಗಳನ್ನು ಗಳಿಸಿದೆ.
Click it and Unblock the Notifications
Sign in with Google