Rainbow Diet: ಸ್ಲಿಮ್ ಆಗಲು ಬಯಸುವಿರಾ? ಹಾಗಾದರೆ ಈ ಮಳೆಬಿಲ್ಲು ಆಹಾರಕ್ರಮವನ್ನು ಅನುಸರಿಸಿ..
ಆರೋಗ್ಯಕರ ಆಹಾರವನ್ನು ಸೇವಿಸಿದರೆ ನಮ್ಮ ಆರೋಗ್ಯ ತುಂಬಾ ಚೆನ್ನಾಗಿರುತ್ತದೆ. ಯಾಕೆಂದರೆ ನಾವು ಸೇವಿಸುವ ಆಹಾರದಿಂದಲೇ ನಮಗೆ ಶಕ್ತಿ ದೊರೆಯುತ್ತದೆ. ದೇಹ ನಾವು ತಿನ್ನುವುದನ್ನು ಹೀರಿಕೊಳ್ಳುತ್ತದೆ ಮತ್ತು ಅದಕ್ಕೆ ಅನುಗುಣವಾಗಿ ನಮ್ಮ ದೇಹದ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ ಪೌಷ್ಟಿಕ ಮತ್ತು ಸಮತೋಲಿತ ಆಹಾರವನ್ನು ಸೇವಿಸುವುದರಿಂದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.
ಹೀಗಾಗಿ ಬಹುತೇಕರು ಕೆಲ ಆಹಾರ ಪದ್ಧತಿಯನ್ನು ರೂಢಿಸಿಕೊಳ್ಳುತ್ತಾರೆ. ಅದರಲ್ಲಿ ಕಾಮಬಿಲ್ಲು ಆಹಾರ ಕೂಡ ಒಂದು. ಏನಿದು ಕಾಮನಬಿಲ್ಲು ಆಹಾರ ಅಂದ್ರಾ...? ಅದಕ್ಕೆ ಉತ್ತರ ಇಲ್ಲಿದೆ.
ರೈನ್ಬೋ ಡಯಟ್
ಕಾಮನಬಿಲ್ಲು ಅಂದಾಕ್ಷಣ ಅದರ ಹಲವಾರು ಬಣ್ಣಗಳು ನಮ್ಮ ಮನಸ್ಸಿಗೆ ಬರುತ್ತವೆ. ಅದೇ ರೀತಿ, ಮಳೆಬಿಲ್ಲು ಆಹಾರ ಎಂದರೆ ಬಹು-ಬಣ್ಣದ ಆಹಾರಗಳು. ಹಣ್ಣುಗಳು ಮತ್ತು ತರಕಾರಿಗಳು ಅನೇಕ ಬಣ್ಣಗಳಲ್ಲಿ ಲಭ್ಯವಿದೆ. ಅವುಗಳನ್ನು ಹೆಚ್ಚು ಸೇವಿಸಬೇಕು ಎಂದರ್ಥ.
ತರಕಾರಿಗಳು ಮತ್ತು ಹಣ್ಣುಗಳು ಅಗತ್ಯವಾದ ಪೋಷಕಾಂಶಗಳನ್ನು ಹೊಂದಿರುತ್ತವೆ. ಫೈಬರ್, ವಿಟಮಿನ್ ಎ, ವಿಟಮಿನ್ ಸಿ, ವಿಟಮಿನ್ ಇ, ಸತು, ರಂಜಕ, ಮೆಗ್ನೀಸಿಯಮ್, ಫ್ಲೇವನಾಯ್ಡ್ಗಳು ಮತ್ತು ಫೈಟೊಕೆಮಿಕಲ್ಗಳಂತಹ ವಿವಿಧ ಪೋಷಕಾಂಶಗಳನ್ನು ಒಳಗೊಂಡಿರುತ್ತವೆ. ಹಣ್ಣುಗಳು ಮತ್ತು ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ಇರುವುದರಿಂದ ಅವು ನಮ್ಮನ್ನು ಹೈಡ್ರೀಕರಿಸುತ್ತವೆ. ಇಂತಹ ಆರೋಗ್ಯಕರ ಮಧುಮೇಹ, ಕ್ಯಾನ್ಸರ್, ಅಲರ್ಜಿ ಮತ್ತು ಹೃದ್ರೋಗವನ್ನು ತಡೆಯುತ್ತದೆ.
ವರ್ಣರಂಜಿತ ಆಹಾರವನ್ನು ಏಕೆ ತಿನ್ನಬೇಕು?
ಆರೋಗ್ಯಕರ ಮತ್ತು ಶಕ್ತಿಯುತ ಜೀವನವನ್ನು ನಡೆಸಬೇಕಾದರೆ, ನೀವು ಬಣ್ಣಬಣ್ಣದ ಆಹಾರವನ್ನು ಸೇವಿಸಬೇಕು ಎಂದು ತಜ್ಞರು ಹೇಳುತ್ತಾರೆ. ಪ್ರತಿಯೊಂದು ಬಣ್ಣವು ನಿರ್ದಿಷ್ಟ ರಾಸಾಯನಿಕ ಸಂಯುಕ್ತವನ್ನು ಪ್ರತಿನಿಧಿಸುತ್ತದೆ. ಆ ಸಂಯುಕ್ತವು ನೈಸರ್ಗಿಕವಾಗಿ ಸಸ್ಯಗಳಲ್ಲಿ ಇರುತ್ತದೆ. ಇದು ನಮ್ಮ ದೇಹಕ್ಕೆ ಆರೋಗ್ಯವನ್ನು ನೀಡುತ್ತದೆ. ಉದಾಹರಣೆಗೆ, ಹಳದಿ ಮತ್ತು ಕಿತ್ತಳೆ ಆಹಾರಗಳು ಕ್ಯಾರೋಟಿನ್ ಇರುವಿಕೆಯನ್ನು ಸೂಚಿಸುತ್ತವೆ.
ಹಸಿರು ಆಹಾರಗಳು ಕ್ಲೋರೊಫಿಲ್ ಇರುವಿಕೆಯನ್ನು ಸೂಚಿಸುತ್ತವೆ. ಕೆಂಪು ಮತ್ತು ನೇರಳೆ ಆಹಾರಗಳು ಆಂಥೋಸಯಾನಿನ್ಗಳ ಉಪಸ್ಥಿತಿಯನ್ನು ಸೂಚಿಸುತ್ತವೆ. ಪ್ರತಿಯೊಂದು ಆಹಾರ ಬಣ್ಣವು ನಮ್ಮ ದೇಹದಲ್ಲಿ ತನ್ನ ಕೆಲಸವನ್ನು ಮಾಡುತ್ತದೆ. ಇದಕ್ಕಾಗಿ ನಮ್ಮ ಆಹಾರದಲ್ಲಿ ಎಲ್ಲಾ ಬಣ್ಣದ ಆಹಾರಗಳನ್ನು ಸೇರಿಸಿಕೊಳ್ಳಬೇಕು ಎಂದು ತಜ್ಞರು ಸಲಹೆ ನೀಡುತ್ತಾರೆ.
ದಿನಕ್ಕೆ ಎಷ್ಟು ಬಾರಿ ತರಕಾರಿಗಳು ಮತ್ತು ಹಣ್ಣುಗಳನ್ನು ತಿನ್ನಬೇಕು?
ನಾವು ಸೇವಿಸುವ ಆಹಾರದ ಶೇಕಡಾ 40 ರಷ್ಟು ತರಕಾರಿಗಳು ಮತ್ತು ಹಣ್ಣುಗಳಾಗಿರಬೇಕು. ತರಕಾರಿಗಳು ಮತ್ತು ಹಣ್ಣುಗಳಲ್ಲಿ ಕಡಿಮೆ ಕ್ಯಾಲೋರಿಗಳು, ಕೊಬ್ಬು ಮತ್ತು ಸಕ್ಕರೆ ಇರುತ್ತದೆ. ಇದರಲ್ಲಿ ನಾರಿನಂಶ ಮತ್ತು ಆರೋಗ್ಯವನ್ನು ಉತ್ತೇಜಿಸುವ ಪಾಲಿಫಿನಾಲ್ ಕೂಡ ಅಧಿಕವಾಗಿದೆ.
ಆದ್ದರಿಂದ ನಾವು ಹೆಚ್ಚು ತರಕಾರಿಗಳು ಮತ್ತು ಹಣ್ಣುಗಳನ್ನು ಸೇವಿಸಿದರೆ ನಮ್ಮ ದೇಹದ ತೂಕವನ್ನು ಕಡಿಮೆ ಮಾಡಬಹುದು. ಇದು ಸಿಹಿತಿಂಡಿಗಳ ಕಡುಬಯಕೆಯನ್ನು ಸಹ ಕಡಿಮೆ ಮಾಡುತ್ತದೆ. ತೂಕವನ್ನು ಸಹ ಕಳೆದುಕೊಳ್ಳಬಹುದು.
ಕ್ಯಾಲೋರಿ ಮತ್ತು ದೇಹದ ತೂಕವನ್ನು ಕಳೆದುಕೊಳ್ಳುವ ಸರಳ ಮಾರ್ಗಗಳು
ತರಕಾರಿಗಳನ್ನು ನೀರಿನಲ್ಲಿ ಕುದಿಸಿ ಕಡಿಮೆ ಕ್ಯಾಲೋರಿ ಅಥವಾ ಕಡಿಮೆ ಕೊಬ್ಬಿನ ಮಸಾಲೆಗಳು ಮತ್ತು ಗಿಡಮೂಲಿಕೆಗಳೊಂದಿಗೆ ಬೆರೆಸುವುದು ಉತ್ತಮ. ಕ್ಯಾಲೋರಿ ಮತ್ತು ಕೊಬ್ಬನ್ನು ಹೆಚ್ಚಿಸುವ ಅಡುಗೆಯನ್ನು ತಪ್ಪಿಸಬೇಕು. ಇದರರ್ಥ ನೀವು ಕರಿದ ಆಹಾರವನ್ನು ಸೇವಿಸುವುದನ್ನು ತಪ್ಪಿಸಬೇಕು. ತರಕಾರಿಗಳು ಮತ್ತು ಹಣ್ಣುಗಳು ಪೋಷಕಾಂಶಗಳಿಂದ ತುಂಬಿರುತ್ತವೆ.
ಹಣ್ಣಿನ ರಸ ಅಥವಾ ಪಾನೀಯಗಳನ್ನು ಕುಡಿಯುವುದಕ್ಕಿಂತ ಸಂಪೂರ್ಣ ಹಣ್ಣುಗಳನ್ನು ತಿನ್ನುವುದು ಉತ್ತಮ. ಹಣ್ಣಿನ ರಸಗಳು ಆರೋಗ್ಯಕರ ಫೈಬರ್ ಅನ್ನು ಹೊಂದಿರುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ.
Click it and Unblock the Notifications
Sign in with Google