Motorola: ಭಾರತದ ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸುತ್ತಿದೆ ಮೊಟೊರೊಲಾ ಎಡ್ಜ್‌ ಅಲ್ಟ್ರಾ 50

Published: Wednesday, June 19, 2024, 8:00 [IST]

ಭಾರತದಲ್ಲಿ ಮೊಟೊರೊಲಾ ಕಂಪನಿಯ ಫೋನ್‌ಗಳಿಗೆ ಭಾರೀ ಬೇಡಿಕೆ. ಈ ಕಂಪನಿಯ ಈ ಮಾರುಕಟ್ಟೆಯಲ್ಲಿ ತನ್ನ ಪ್ರಭುತ್ವ ಮುಂದುವರೆಸಲು ಸತತ ಪ್ರಯತ್ನ ಮಾಡುತ್ತಲೇ ಇದೆ. ಬಜೆಟ್‌ ಫ್ರೆಂಡ್ಲಿ ಸೆಗ್ಮೆಂಟ್‌ ನಿಂದ ಹಿಡಿದು ಪ್ರೀಮಿಯಂ ಫೋನ್‌ಗಳನ್ನು ಸಹ ಕಂಪನಿ ಲಾಂಚ್‌ ಮಾಡಿದೆ. ಈಗ ಟೆಕ್ ಕಂಪನಿ ಮೊಟೊರೊಲಾ ಮಂಗಳವಾರ ಭಾರತದಲ್ಲಿ Motorola Edge 50 Ultra ಬಿಡುಗಡೆ ಮಾಡಿದೆ.

ಈ ಫೋನ್‌ 3D ಕರ್ವ್ ಡಿಸ್ಪ್ಲೇ, ಮರದ ಫಿನಿಶ್, ಸಿಲಿಕೋನ್ ಲೆದರ್ ಬ್ಯಾಕ್ ಪ್ಯಾನೆಲ್, 50 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ, ನೀರು ಮತ್ತು ಧೂಳು ರಕ್ಷಣೆ ಹೀಗೆ ಹತ್ತು ಹಲವು ವೈಶಿಷ್ಠ್ಯಗಳನ್ನು ಹೊಂದಿದ್ದು ಗ್ರಾಹಕರನ್ನು ಕೈ ಬೀಸಿ ಕರೆಯಲಿದೆ.

Motorola Launches Edge 50 Ultra in India with Snapdragon 8 Gen 3 Priced at Rs 59 999

ಈ ಫೋನಿನ್‌ ಡಿಸ್‌ಪ್ಲೇ ಹೇಗಿದೆ?

ಮೊಟೊರೊಲಾ 6.7 ಇಂಚಿನ pOLED 3 ಡಿ ಕರ್ವ್‌ ಡಿಸ್‌ಪ್ಲೇ ಹೊಂದಿದೆ. ಇದರ ಗರಿಷ್ಠ ಹೊಳಪು 2800 ಆಗಿದೆ. 144Hz ರಿಫ್ರೆಶ್ ದರದಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಫೋನಿನಲ್ಲಿ ಉತ್ತಮ ಧ್ವನಿಗಾಗಿ ಡಾಲ್ಬಿ ಎಟ್ಮಾಸ್ ಸಹ ನೀಡಲಾಗಿದೆ. ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್, ಹಲವು AI ವೈಶಿಷ್ಟ್ಯಗಳನ್ನು ಹೊಂದಿದೆ. ಈ ಮೊಬೈಲ್ ಆಂಡ್ರಾಯ್ಡ್ 14 ಬೆಂಬಲಿಸುತ್ತದೆ.

ಕ್ಯಾಮೆರಾ ಹೇಗಿದೆ?

ಈ ಫೋನ್‌ ಹಿಂಬಾಗದಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಇದೆ. ಇದು ಪ್ರೈಮರಿ ಕ್ಯಾಮೆರಾ 50 ಮೆಗಾ ಪಿಕ್ಸಲ್‌ ಹೊಂದಿದ್ದು, ಓಐಎಸ್‌ ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ. ಈ ಫೋನಿನಲ್ಲಿ 50MP ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 64MP ಟೆಲಿಫೋಟೋ ಕ್ಯಾಮೆರಾ ನೀಡಲಾಗಿದೆ. ಮುಂಭಾಗದಲ್ಲಿ ಸೆಲ್ಫಿ ಹಾಗು ವಿಡಿಯೋ ಕರೆಗಳಿಗೆ 50 ಮೆಗಾಪಿಕ್ಸಲ್‌ ಕ್ಯಾಮೆರಾ ನೀಡಲಾಗಿದೆ.

ಈ ಮೊಬೈಲ್‌ನಲ್ಲಿ 4500mAh ಬ್ಯಾಟರಿಯನ್ನು ನೀಡಲಾಗಿದೆ. ಇದನ್ನು ಚಾರ್ಜ್ ಮಾಡಲು, ಇದು 125W ವೇಗದ ಚಾರ್ಜಿಂಗ್, 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲ ನೀಡಲಾಗುತ್ತದೆ. ಫಾರೆಸ್ಟ್ ಗ್ರೇ, ನಾರ್ಡಿಕ್ ವುಡ್ ಮತ್ತು ಪೀಚ್ ಫಡ್ಜ್ ಎಂಬ ಮೂರು ಬಣ್ಣದ ಆಯ್ಕೆಗಳು ಫೋನ್‌ನಲ್ಲಿ ಲಭ್ಯ.

ಈ ಮೊಬೈಲ್‌ ಒಂದೇ ರೂಪಾಂತರದಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. 12 ಜಿಬಿ ರ್ಯಾಮ್‌, 512 ಜಿಬಿ ಇಂಟರನಲ್‌ ಸ್ಟೋರೇಜ್‌ ಹೊಂದಿದ್ದು, ನೀವು ಎಸ್‌ಡಿ ಕಾರ್ಡ್‌ ಬಳಸಿ 1 ಟಿಬಿ ಒರೆಗೂ ಬೆಳೆಸಿಕೊಳ್ಳಬಹುದು. ಇದರ ಬೆಲೆ 54,999 ರೂ. ಇದ್ದು, ಬ್ಯಾಂಕ್‌ ಆಫರ್‌ಗಳು ಸಹ ಲಭ್ಯ ಇವೆ. ಕಂಪನಿಯ ಅಧಿಕೃತ ವೆಬ್‌ಸೈಟ್, ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಫ್ಲಿಪ್‌ಕಾರ್ಟ್ ನಲ್ಲಿ ಲಭ್ಯ.