ದಾಂಪತ್ಯ ಜೀವನಕ್ಕೆ ಕಾಲಿಡಲಿರುವ ಐಶ್ವರ್ಯಾ ಡೋಂಗ್ರೆ IPS
ಭಾರತದಲ್ಲಿ ಪುರುಷರಷ್ಟೇ ಹಲವಾರು ಕ್ಷೇತ್ರಗಳಲ್ಲಿ ಮಹಿಳೆಯರು ಸರಿಸಮಾನರು ಎಂಬುದನ್ನು ಸಾಬೀತುಪಡಿಸಿದ್ದಾರೆ. ದೇಶದ ನಾನಾ ರಾಜ್ಯಗಳಲ್ಲಿ ಮಹಿಳೆಯರು ಸಾಧನೆಗೈಯುವ ಮೂಲಕ ಹೆಸರಾಗಿದ್ದಾರೆ. ಇಂಥ ಸಾಧಕ ಮಹಿಳೆಯರಲ್ಲಿ ಕೇರಳ ಐಪಿಎಸ್ ಅಧಿಕಾರಿ ಐಶ್ವರ್ಯಾ ಡೋಂಗ್ರೆ ಕೂಡ ಒಬ್ಬರು. ಇವರು ಕಠಿಣ ಪರಿಶ್ರಮಕ್ಕೆ ಹೆಸರಾದವರು. ಶಾಲೆಯಿಂದಲೂ ಬುದ್ಧಿವಂತ ವಿದ್ಯಾರ್ಥಿಗಳ ಪಟ್ಟಿಯಲ್ಲಿರುವ ಐಶ್ವರ್ಯಾ ನೋಡಲು ಅಷ್ಟೇ ಸುಂದರ. ಐಪಿಎಸ್ ಕನಸನ್ನು ನನಸಾಗಿಸಿದ ಐಶ್ವರ್ಯಾ ಡೋಂಗ್ರೆ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. ಏಪ್ರಿಲ್ 25ರಂದು ದಾಂಪತ್ಯ ಜೀವನಕ್ಕೆ ಕಾಲಿಡಲಿರುವ ಐಪಿಎಸ್ ಐಶ್ವರ್ಯಾ ಡೋಂಗ್ರೆ ಯಾರು? ಇವರ ಬಗ್ಗೆ ಮತ್ತಷ್ಟು ಮಾಹಿತಿ ಇಲ್ಲಿದೆ.
ಸಣ್ಣವಯಸ್ಸಿನವರಂತೆ ಕಾಣುವ ಐಪಿಎಸ್ ಐಶ್ವರ್ಯಾ ಡೋಂಗ್ರೆ ಅವರಿಗೆ 26 ವರ್ಷ. 1995 ರಲ್ಲಿ ಮುಂಬೈನಲ್ಲಿ ಜನಿಸಿದರು. 2018ರ UPSC ಪರೀಕ್ಷೆಯಲ್ಲಿ ಪಾಸಾಗುವ ಮೂಲಕ 205ನೇ ರ್ಯಾಂಕ್ ಪಡೆದರು. ಸದ್ಯ ಕೇರಳ ಕೇಡರ್ನಲ್ಲಿ IPS ಅಧಿಕಾರಿಯಾಗಿದ್ದಾರೆ.
IPS ಅಧಿಕಾರಿ ಐಶ್ವರ್ಯಾ ಡೋಂಗ್ರೆ ಯಾರು?
ಐಪಿಎಸ್ ಐಶ್ವರ್ಯಾ ಡೋಂಗ್ರೆ ಬೆಳೆದದ್ದು ಮುಂಬೈನಲ್ಲಿ. ಅವರ ತಂದೆಯ ಹೆಸರು ಪ್ರಶಾಂತ್ ಡೋಂಗ್ರೆ. ಅವರು ಏರ್ ಇಂಡಿಯಾ ಇಂಜಿನಿಯರ್ ಆಗಿದ್ದಾರೆ ಮತ್ತು ಆಕೆಯ ತಾಯಿಯ ಹೆಸರು ಅಂಜಲಿ ಡೋಂಗ್ರೆ. ಕೇರಳದ ಮಲ್ಲಿನ್ಸನ್ ಶಾಲೆಯಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು. ಐಶ್ವರ್ಯಾ ಡೋಂಗ್ರೆ ಶಾಲಾ ಸಮಯದಲ್ಲಿ ತುಂಬಾ ಬುದ್ಧಿವಂತ ವಿದ್ಯಾರ್ಥಿನಿ.
ಜೊತೆಗೆ ಮುಂಬೈನ ಸೇಂಟ್ ಕ್ಸೇವಿಯರ್ ಕಾಲೇಜಿನಲ್ಲಿ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ. ಅವರು ಅರ್ಥಶಾಸ್ತ್ರ ಮತ್ತು ರಾಜಕೀಯ ವಿಜ್ಞಾನದಲ್ಲಿ ಪದವಿ ಪಡೆದಿದ್ದಾರೆ. ಪದವಿಯ ನಂತರ UPSC ಪರೀಕ್ಷೆಗಳಿಗೆ ಓದಲು ಪ್ರಾರಂಭಿಸಿದರು. 2018 ರಲ್ಲಿ UPSC ಪಾಸಾಗಿ 205ನೇ ರ್ಯಾಂಕ್ ಪಡೆದರು. ಸದ್ಯ ಕೇರಳ ಕೇಡರ್ನಲ್ಲಿ ಐಪಿಎಸ್ ಅಧಿಕಾರಿಯಾಗಿದ್ದಾರೆ. ಕಠಿಣ ಪರಿಶ್ರಮದಿಂದ IPS ಹುದ್ದೆಯನ್ನು ಪಡೆದ ಅವರು ತಮ್ಮ ಭಾಷಣದಲ್ಲಿ ಪರೀಕ್ಷೆಗಳಲ್ಲಿ ಪಾಸಾಗಲು ಬಯಸಿದರೆ ನೀವು ನಿಮ್ಮದೇ ಆದ ತಂತ್ರವನ್ನು ಹೊಂದಿದ್ದೀರಿ ಮತ್ತು ನಿಮ್ಮ ಗುರಿಗಳತ್ತ ಶ್ರಮಿಸುತ್ತೀರಿ ಎಂದು ಅವರು ಯಾವಾಗಲೂ ವಿದ್ಯಾರ್ಥಿಗೆ ಹೇಳುತ್ತಾರೆ.
ಸಾಮಾಜಿಕ ಮಾಧ್ಯಮ ವರದಿಗಳು ಮತ್ತು ಇತ್ತೀಚಿನ ಸುದ್ದಿಗಳ ಪ್ರಕಾರ, ಐಶ್ವರ್ಯಾ ಡೋಂಗ್ರೆ ಇದೇ ಏಪ್ರಿಲ್ 25ರಂದು ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ. ಕೇರಳದ ಐಟಿ ವೃತ್ತಿಪರ ಅಭಿಷೇಕ್ ಅವರನ್ನು ಮದುವೆಯಾಗುತ್ತಿದ್ದಾರೆ.
ಐಪಿಎಸ್ ಐಶ್ವರ್ಯಾ ಡೋಂಗ್ರೆ Instagram ಖಾತೆಯನ್ನು ಹೊಂದಿದ್ದಾರೆ. ಅದರಲ್ಲಿ ಆಗಾಗ ತಮ್ಮ ಫೋಟೋಗಳು ಮತ್ತು ವೀಡಿಯೊಗಳನ್ನು ಅಪ್ಲೋಡ್ ಮಾಡುತ್ತಿರುತ್ತಾರೆ. ಅವರ ಟ್ವಿಟ್ಟರ್ ಖಾತೆ ಮತ್ತು ಇನ್ಸ್ಟಾಗ್ರಾಮ್ ಖಾತೆಯು ಅನೇಕ ಅನುಯಾಯಿಗಳನ್ನು ಹೊಂದಿದೆ.