Different Marriage: ಎತ್ತರದ ಬಂಡೆಯಿಂದ ಹಾರಿ ಮದುವೆಯಾದ ಜೋಡಿ!
ಹೊಸದಾಗಿ ಮದುವೆಯಾದ ದಂಪತಿಗಳು ಅತಿಥಿಗಳೊಂದಿಗೆ ಎತ್ತರದ ಬಂಡೆಯಿಂದ ಸ್ಕೈಡೈವಿಂಗ್ ಮಾಡುವ ಮೂಲಕ ವಿವಾಹವನ್ನು ಆಚರಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನವವಿವಾಹಿತ ದಂಪತಿಗಳು ಬಂಡೆಯಿಂದ ಸ್ಕೈಡೈವಿಂಗ್ ಮಾಡುವ ಮೂಲಕ ತಮ್ಮ ಮದುವೆಯ ಸಂಭ್ರಮವನ್ನು ಬಾನೆತ್ತರಕ್ಕೆ ಕೊಂಡೊಯ್ದಿದ್ದಾರೆ. ದಂಪತಿಗಳು ಸಾಹಸಮಯ ಆಚರಣೆಯನ್ನು ತಮಗಾಗಿ ಮಾತ್ರವಲ್ಲದೆ ಮದುವೆಯ ಅತಿಥಿಗಳಿಗಾಗಿ ಆಯ್ಕೆ ಮಾಡಿದ್ದು ವಿಶೇಷ. ದಾಂಪತ್ಯ ಜೀವನಕ್ಕೆ ಕಾಲಿಡುವ ಈ ಅದ್ಬುತ ಕ್ಷಣಗಳನ್ನು ತಮ್ಮ ಜೀವನದುದ್ದಕ್ಕೂ ನೆನಪಿಡಲು ಇದನ್ನು ಜೋಡಿ ಆಯ್ಕೆ ಮಾಡಿಕೊಂಡಿದೆ.
ಇದೊಂದು ವಿಶೇಷ ಮದುವೆಯಾಗಿದ್ದು, ವಧು-ವರ ಇಬ್ಬರೂ ಮದುವೆಯ ಉಡುಗೆಯಲ್ಲಿ ಸ್ಕೈಡೈವಿಂಗ್ ಮಾಡಿದ್ದು ಕಂಡು ಬಂದಿದೆ. ಪ್ರಿಸ್ಸಿಲ್ಲಾ ಆಂಟ್ ಮತ್ತು ಫಿಲಿಪ್ಪೊ ಲೆಕ್ವೆರ್ಸ್ ಎಂಬುವವರು ಬಂಡೆಯ ಅಂಚಿನಲ್ಲಿ ಮದುವೆಯಾದರು. ಆ ಕ್ಷಣವನ್ನು ಆನಂದಿಸಲು ಸ್ಕೈಡೈವಿಂಗ್ ಮಾಡಿದ್ದಾರೆ. ಈ ವೇಳೆ ಅವರು ಸ್ನೇಹಿತರು ಕುಟುಂಬಸ್ಥರು ಸ್ಥಳದಲ್ಲಿ ಇರುವುದು ಕಾಣಬಹುದು.
ಪ್ರಿಸ್ಸಿಲ್ಲಾ ಆಂಟ್ ಮತ್ತು ಫಿಲಿಪ್ಪೊ ಲೆಕ್ವೆರ್ಸ್ ಜೋಡಿ ವಿವಾಹ ಸಮಾರಂಭ ಪೂರ್ಣಗೊಂಡ ನಂತರ ತಮ್ಮ ಅತಿಥಿಗಳೊಂದಿಗೆ ಈ ಸಂದರ್ಭವನ್ನು ಆಚರಿಸಲು ಬಂಡೆಯಿಂದ ಸ್ಕೈಡೈವ್ ಮಾಡಿದ್ದಾರೆ. ಸಾಹಸ ಪ್ರದರ್ಶಿಸುವ ವೇಳೆ ಮದುವೆ ಉಡುಗೆಯಲ್ಲಿ ಇತರರು ಕಾಣಿಸಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಮ್ ಪುಟದಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
''ನಾವು ತೆಗೆದುಕೊಳ್ಳುವ ನಿರ್ಧಾರ. ನಮ್ಮನ್ನು ಹಿಡಿದಿಟ್ಟುಕೊಳ್ಳುವ ಕೈಗಳು. ನಮಗೆ ನೆನಪಿಸುವ ಧೈರ್ಯದ ಹಾರಾಟ, ಪ್ರಿಸ್ಸಿಲ್ಲಾ ಮತ್ತು ಫಿಲಿಪ್ಪೊ ಅವರ ಮದುವೆ,'' ಎಂದು ಇನ್ಸ್ಟಾಗ್ರಾಮ್ ಪುಟ ಲಾಲಿಬ್ರೆಟಮೊರಡಾದಲ್ಲಿ ಹಂಚಿಕೊಂಡ ವೀಡಿಯೊಗೆ ಶೀರ್ಷಿಕೆಯನ್ನು ನೀಡಲಾಗಿದೆ.
ಹಂಚಿಕೊಂಡ ತಕ್ಷಣ ಅಸಾಮಾನ್ಯ ವಿವಾಹದ ಆಚರಣೆಯ ವೀಡಿಯೊ ವೈರಲ್ ಆಗಿದ್ದು, ಆರು ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳು ಮತ್ತು ಸಾಕಷ್ಟು ಕಾಮೆಂಟ್ಗಳನ್ನು ಗಳಿಸಿದೆ.
"ಓ ಮ್ಯಾನ್! ನಾನು ಇದನ್ನು ತುಂಬಾ ಪ್ರೀತಿಸುತ್ತೇನೆ. ನಾನೂ ಕೂಡ ನನ್ನ ಮದುವೆಯಂದು ಇದನ್ನು ಮಾಡಲು ಬಯಸುತ್ತೇನೆ. ಆದರೆ ನಾನು ತುಂಬಾ ಭಯಪಡುತ್ತೇನೆ. ಅದ್ಭುತ ಜೀವನವನ್ನು ಬಯಸುವ ನವವಿವಾಹಿತರಿಗೆ ಅಭಿನಂದನೆಗಳು" ಎಂದು ವೀಡಿಯೊವನ್ನು ನೋಡಿದ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.
''ಅಯ್ಯೋ ದೇವರೇ ನನಗೆ ವಿಡಿಯೋ ನೋಡಿ ಭಯವಾಯಿತು", ಪೋಸ್ಟ್ನಲ್ಲಿ ಇನ್ನೊಬ್ಬ ಬಳಕೆದಾರರು ಬರೆದಿದ್ದಾರೆ.
"ವಾಹ್ ಅವರು ಎಲ್ಲವನ್ನೂ ಬಯಸುವಂತೆ ಮಾಡಿದರು" ಎಂದು ಅಸಾಮಾನ್ಯ ಆಚರಣೆಯನ್ನು ನೋಡಿದ ಮೂರನೇಯವರು ಪ್ರತಿಕ್ರಿಯಿಸಿದ್ದಾರೆ.
Click it and Unblock the Notifications
Sign in with Google