Bihar Exit Poll Republic TV: ಮಹಾಘಟಬಂಧನಕ್ಕೆ ದಿಗ್ವಿಜಯ

ಬಿಹಾರ ವಿಧಾನಸಭೆ ಕದನದ ಅಂತಿಮ ಘಟದತ್ತ ದೇಶ ಕಾತರದಿಂದ ನೋಡುತ್ತಿದೆ. ಮೂರನೇ ಹಾಗೂ ಅಂತಿಮ ಹಂತದ ಮತದಾನ ಶನಿವಾರ ಮುಕ್ತಾಯಗೊಂಡಿದೆ. ಫಲಿತಾಂಶ ಪ್ರಕಟವಾಗಲು ನವೆಂಬರ್ 10ರವರೆಗೆ ಕಾಯಬೇಕು. ಅದಕ್ಕೂ ಮುನ್ನ ವಿವಿಧ ಸಂಸ್ಥೆ ಮತ್ತು ವಾಹಿನಿಗಳು ಚುನಾವಣೋತ್ತರ ಸಮೀಕ್ಷೆ ನಡೆಸಿದ್ದು, ಬಿಹಾರದಲ್ಲಿ ಯಾವ ರೀತಿಯ ಜನಾಭಿಪ್ರಾಯ ವ್ಯಕ್ತವಾಗಿದೆ ಎಂಬುದನ್ನು ಪ್ರಕಟಿಸಿವೆ.

ಆಡಳಿತಾರೂಢ ಬಿಜೆಪಿ-ಜೆಡಿಯು ಒಕ್ಕೂಟದ ಎನ್‌ಡಿಎ ಪುನಃ ಅಧಿಕಾರಕ್ಕೆ ಬಂದು ನಿತೀಶ್ ಕುಮಾರ್ ಮುಖ್ಯಮಂತ್ರಿ ಆಗಲಿದ್ದಾರೆಯೇ ಅಥವಾ ಆರ್‌ಜೆಡಿ ಮುಖ್ಯಸ್ಥ ತೇಜಸ್ವಿ ಯಾದವ್ ನೇತೃತ್ವದಲ್ಲಿ ಕಣಕ್ಕಿಳಿದಿರುವ ಮಹಾಘಟಬಂಧನ ಗದ್ದುಗೆಗೆ ಏರಿ ಸಂಪೂರ್ಣ ಚಿತ್ರಣ ಬದಲಿಸಲಿದೆಯೇ? ಎನ್‌ಡಿಎಗೆ ಸಡ್ಡು ಹೊಡೆದು ಹೊರಬಂದಿರುವ ಚಿರಾಗ್ ಪಾಸ್ವಾನ್ ಅವರ ಎಲ್‌ಜೆಪಿ ಮ್ಯಾಜಿಕ್ ಮಾಡಲಿಯೇ ಎಂಬ ಕುತೂಹಲ ತೀವ್ರವಾಗಿದೆ. ಮತದಾನದ ಬಳಿಕ ರಿಪಬ್ಲಿಕ್ ವಾಹಿನಿ ಪ್ರಕಟಿಸಿದ ಎಕ್ಸಿಟ್ ಪೋಲ್ ಸಮೀಕ್ಷೆ ವಿವರ ಇಲ್ಲಿದೆ.

*ಮೈತ್ರಿಕೂಟದಲ್ಲಿ ಯಾರಿಗೆ ಎಷ್ಟು ಮತ?

ಎನ್‌ಡಿಎ ಮೈತ್ರಿಕೂಟ 91-117

ಮಹಾಘಟಬಂಧನ 138-118

ಎಲ್‌ಜೆಪಿ 5-8

ಇತರೆ 3-8

* ಪಕ್ಷವಾರು ಸೀಟುಗಳು

ಬಿಜೆಪಿ 60-75
ಜೆಡಿಯು 31-42
ಇತರೆ 10
ಆರ್‌ಜೆಡಿ 79-91
ಕಾಂಗ್ರೆಸ್ 24-30
ಎಲ್‌ಜೆಪಿ 5-8
ಎಡಪಕ್ಷ 15-17
ಎಚ್‌ಎಎಂ ಮತ್ತು ವಿಐಪಿ - 0

* ಶೇಕಡಾವಾರು ಮತಗಳು

ಎನ್‌ಡಿಎ ಮೈತ್ರಿಕೂಟ 37-39%
ಮಹಾಘಟಬಂಧನ 40-43%
ಎಲ್‌ಜೆಪಿ 7-9%
ಇತರೆ 11-14%

2015ರಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ 53, ಜೆಡಿಯು 71, ಆರ್‌ಜೆಡಿ 80, ಕಾಂಗ್ರೆಸ್ 27, ಎಲ್‌ಜೆಪಿ 2, ಸಿಪಿಐಎಂ 4 ಸ್ಥಾನಗಳಲ್ಲಿ ಜಯಗಳಿಸಿದ್ದವು.

English summary

Bihar Election Exit Poll Results 2020 in Kannada: Republic Tv Predicts Mahagathbandhan's Win over NDA.