• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಾಲಯಂತ್ರದಿ ಕುಳಿತು ಶತರುದ್ರೀಯ ಕವಿ ಪರ್ಣಕುಟಿಗೆ ತೆರಳೋಣ

By Staff
|

ಶತರುದ್ರೀಯವನ್ನು ಋಷಿ ಮೊದಲಬಾರಿಗೆ ಮನಗಂಡ ಆ ಕಾಲಕ್ಕೆ ಒಮ್ಮೆ ಹಿನ್ನಡೆದು ಹಾರಿ, ಆ ದ್ರಷ್ಟಾರರ ಸಂವೇದನೆಯ ಹಿನ್ನೆಲೆ ಪರಿಸರಗಳನ್ನು ಅನುಭವಿಸಿ ಬರಲು ಕಾಲಯಂತ್ರದಲ್ಲಿ ಕುಳಿತು ಪಯಣಿಸೋಣ:

ಪ್ರಕೃತಿಯ ಅದಮ್ಯ ಚೈತನ್ಯಗಳ ಅಭಿವ್ಯಕ್ತಿಗೆ ಬೆರಗಾಗಿ ಮಾನವ ಅವನ್ನು ಗೌರವಿಸುತ್ತಿದ್ದ ಕಾಲಕ್ಕೆ ತಲುಪಿದ್ದೇವೆ. ಆ ಮೂಲಭೂತ ತತ್ವಗಳ ಆಳ, ಹರವು, ಶಕ್ತಿ, ಪ್ರಭಾವವನ್ನು ಅರಿಯಲು ಚಿಂತಕ ಹವಣಿಸುತ್ತಿದ್ದ ಸಮಯ. ಈಗ ಅಂಥ ಕವಿಯಾಬ್ಬನಿಗೆ ಗಗನವನ್ನೇ ಬೇಧಿಸಿಕೊಂಡು ಕೆಳಗಿಳಿದ ‘ರುದ್ರ’ ಕಾಣಿಸುತ್ತಾನೆ:

ನಿನ್ನ ನೋಡಿದೆ, ಹೌದು, ಇಳಿವುದನದೂ ಕಂಡೆ,
ಬಾನಿನಿಂದಲೆ ಬುವಿಗಿಳಿವುದನು ಕಣ್ಣಾರೆ ಕಂಡೆ;
ಎರಗಿ ಬಂದಪ್ಪಳಿಸುವ ‘ರುದ್ರ’ ನಿನ್ನನ್ನು ಕಂಡೆ-
ಕರಿ ಕೊರಳ, ಗುಂಗುರು ಕುರುಳುಳ್ಳವನೆ, ನಾ ಬೆದರಿದೆ! ।। 1 ।।

ಇಳಿದ ಬಾಂದಳದಿಂದ, ಎದೆಯೆಲ್ಲ ನಡುಗಿತು, ಝಲ್ಲನೆ;
ಇಳೆಯ ಮೇಲಡಿಯಿಟ್ಟ ತಾ ನಡೆದು ಹೊರಟೇ ಹೊರಟ;
ಅಗೊ ನೋಡಿ, ನನ್ನವರೇ, ಆ ತಾಮ್ರ ವರ್ಣದ ಉರಿಯ
ಕಂಡು ಮರೆಯಾಗುತಿಹ ಕರಿ-ಕೊರಳ ಸೋಜಿಗದ ಪರಿಯ! ।। 2 ।।

ಬಾ ರುದ್ರ, ನೀ ಯಾರ ಹಿಂಸಿಸಲು ಬೇಡ, ಬಾ;
ಎಲ್ಲ ರೋಗಕೆ ಮದ್ದು ನೀನಾಗಿ ಬಾರಾ!
ಕೊಚ್ಚಿ ಕೊಂಡೊಯ್ಯುವ ಬಿರುಗಾಳಿ ನಿದ್ದೆಯನು
ಕದ್ದಿತಲ್ಲ, ಜಾರಿ ಕರಗಲಿ ಅದು ತೀರ ಪೂರ! ।। 3 ।।
(-ನೀಲರುದ್ರ ಉಪನಿಷತ್‌ 1-3)

ಈ ದಿವ್ಯ ದೇವನ ಕೈಯಲ್ಲಿ ಇರುವುದೇನು? ವಜ್ರಾಯುಧ! ಹಾಗಾಗಿ, ಇವನು ವಜ್ರಬಾಹು. ಇವನಿಗೆ ಕಾಡು, ಮಲೆ, ಬೆಟ್ಟದ ಕೋಡು, ಮರದ ತುದಿಗಳೆಂದರೆ ಅಕ್ಕರೆ; ಅದಕ್ಕೇ ಇವನಿಗೆ ‘ಪರಮೇ ವೃಕ್ಷೇ ಆಯುಧಂ ನಿಧಾಯ (=ಇರಿಸಿ), ಕೃತ್ತಿಂ ವಸಾನ ಆ ಚರ’ (ವಾ. ಸಂ. 16.51) ಎಂದು ಕೇಳಿಕೊಳ್ಳುವುದು! ಕೋಪ ಬಂದಾಗ ಪ್ರಾಣಿಗಳನ್ನು ಕೊಂದಾನು, ಮನುಷ್ಯರನ್ನೂ ಸಹ ಹಿಂಸಿಸಿಯಾನು! (ವಾ. ಸಂ. 16.16). ಇವನ ಬೆನ್ನು ಕೆಂಪು, ಹೊಟ್ಟೆ ನೀಲಗಪ್ಪು, (‘ನೀಲಂ ಅಸ್ಯ ಉದರಂ, ಲೋಹಿತಂ ಪೃಷ್ಟಂ’- ಅಥರ್ವ ವೇದ 15. 7); ಹೊಟ್ಟೆ ಕೆಳಗಾಗಿ ಮಲಗೆದ್ದ ಮೇಲೆ ಬಿಟ್ಟ ಗುರುತೆಲ್ಲ ಸುಟ್ಟ ಕಪ್ಪು! ಇವನು ಬಂದು ಹೋದನೆಂದರೆ, ದೈವ ವೈದ್ಯನೊಬ್ಬ ಬಂದು ಔಷಧಿಯಾಂದನ್ನೇನೋ ಚಿಮುಕಿಸಿ ಗಿಡ ಮರ ನೆಲ ಹೊಲಗಳಿಗೆಲ್ಲ ಹೊಸತನ ತುಂಬಿ ಹೋದಂತೆ! (‘ದೈವ್ಯೋ ಭಿಷಕ್‌’ - ವಾ ಸಂ 16.5). ಈಗ ಹೇಳಿ ಈ ಒಗಟಿಗೆ ನಿಮ್ಮ ಉತ್ತರವೇನು! ಈ ‘ರುದ್ರ’ ಬರಸಿಡಿಲಲ್ಲದೆ ಇನ್ನೇನು?

***

ರುದ್ರನಿಗೆ ನೀರಿನಿಂದಲೇ ಏಕೆ ಈ ಅಭಿಷೇಕ ?

ಪರಶಿವನ ಮಹಾ ಮಜ್ಜನಕ್ಕೆ ಮೊದಲು ಒಂದು ಧ್ಯಾನಶ್ಲೋಕದಿಂದ ವೈದಿಕರು ನ್ಯಾಸಮಾಡುತ್ತಾರಲ್ಲ, ಅದು ನಮಗೆ ಸಹಾಯ ಮಾಡುತ್ತದೆ :

ಪಾತಾಳದಿಂದೊಡೆದು ಆಗಸದ ತುದಿ ಮುಟ್ಟಿ
ಈ ಭುವನವೆಲ್ಲವನೂ ಬ್ರಹ್ಮಾಂಡವನೇ ಬೆಳಗುತಿಹ
ಶುದ್ಧ ತೇಜೋಮಯ ಸ್ಫಟಿಕ ಲಿಂಗವ ನೆನೆದು ಹೃದಯದಲ್ಲಿ,
ಪೂರ್ಣಚಂದ್ರನ ಅಮೃತ ಬಿಂದುಗಳು ತೋಯಿಸುವಂತೆ
ಎಡೆ ಬಿಡದೆ ನಾನಿಂತು ಈ ನೀರ ಧಾರೆಯನ್ನೆರೆಯುವೆನು
ರುದ್ರಾನುವಾಕುಗಳ ಜಪಿಸಿ, ಹರಕೆಗಳ ಬಿನ್ನವಿಸಿ, ಶಿವನ ಶಿರದಿ !
‘ಅವನ’ ಗುಣಗಾನ ಮಾಡಬೇಕಾದರೂ ನಮಗೆ ವಿಷಯದ ಬಗ್ಗೆ ಸರಿಯಾದ ತಿಳುವಳಿಕೆ ಬೇಕಲ್ಲ ! ಆ ಕಾರಣಕ್ಕಾಗಿಯೇ, ಶತರುದ್ರೀಯದ ಕವಿ ಮೊಟ್ಟ ಮೊದಲೇ ಅವನನ್ನೇ ಬೇಡಿಕೊಂಡು ಬಿಡುತ್ತಾನೆ : ‘‘ ಹೇ ರುದ್ರ, ನಿನ್ನದು ಅಘರ ಮಂಗಳಕರ ಶರೀರ ; ಪಾಪ ವಿರೋಧೀ ಆತ್ಮ ಜ್ಞಾನವುಂಟು ಮಾಡುವವ ನೀನು; ನಾವಾಡುವ ಮಾತಿನಲ್ಲಿ ಇದ್ದುಕೊಂಡೇ ನಮ್ಮನ್ನು ಜ್ಞಾನಸಂಪನ್ನರನ್ನಾಗಿ ಮಾಡು ! ನಮಗೆ ಸುಖಕರನಾಗು! ’’(‘‘ ಯಾ ತೇ ರುದ್ರ, ಶಿವಾ ತನೂರ್‌ ಅಘೋರಾ, ಅಪಾಪಕಾಶಿನೀ । ತಯಾ ನಸ್‌ ತನುವಾ ಶಂ ತಮಯಾ ಗಿರಿಶಂತ, ಅಭಿಚಾಕಶೀಹಿ।। ’’)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more