ತಿರುಪತಿ ಭಕ್ತರ ಗಮನಕ್ಕೆ; ಈ ರೈಲಿನ ವೇಳಾಪಟ್ಟಿ ಬದಲಾವಣೆ
ಚಾಮರಾಜನಗರ, ಅಕ್ಟೋಬರ್ 03; ನೈಋತ್ಯ ರೈಲ್ವೆ ಅಕ್ಟೋಬರ್ 1ರಿಂದ ಜಾರಿಗೆ ಬರುವಂತೆ ಹಲವು ರೈಲುಗಳ ವೇಳಾಪಟ್ಟಿಯಲ್ಲಿ ಬದಲಾವಣೆ ಮಾಡಿದೆ. ದೇಶಾದ್ಯಂತ ಒಟ್ಟು 300ಕ್ಕೂ ಅಧಿಕ ರೈಲುಗಳ ವೇಳಾಪಟ್ಟಿ ಪ್ರಯಾಣಿಕರ ಬೇಡಿಕೆಯಂತೆ ಬದಲಾವಣೆಯಾಗಿದೆ.
ರೈಲು ನಂಬರ್ 16219 ಚಾಮರಾಜನಗರ-ತಿರುಪತಿ ರೈಲಿನ ವೇಳಾಪಟ್ಟಿಯನ್ನು ಅಕ್ಟೋಬರ್ 1ರಿಂದ ಜಾರಿಗೆ ಬರುವಂತೆ ಬದಲಾವಣೆ ಮಾಡಲಾಗಿದೆ. ಬದಲಾದ ವೇಳಾಪಟ್ಟಿ ಅನ್ವಯ 30 ನಿಮಿಷ ಮೊದಲೇ ರೈಲು ತಿರುಪತಿ ನಿಲ್ದಾಣಕ್ಕೆ ತಲುಪುತ್ತದೆ.
ಭಾರತೀಯ ರೈಲ್ವೆಯ ಹೊಸ ವೇಳಾಪಟ್ಟಿ 2023-24ರ ಆದೇಶದ ಅನ್ವಯ ಚಾಮರಾಜನಗರ-ತಿರುಪತಿ ರೈಲಿನ ವೇಳಾಪಟ್ಟಿಯೂ ಬದಲಾಗಿದೆ. ಅಕ್ಟೋಬರ್ 1ರಿಂದಲೇ ಹೊಸ ವೇಳಾಪಟ್ಟಿ ಜಾರಿಗೆ ಬಂದಿದ್ದು, ತಿರುಪತಿಗೆ ಭೇಟಿ ನೀಡುವ ಜನರು ಹೊಸ ವೇಳಾಪಟ್ಟಿ ಬಗ್ಗೆ ತಿಳಿಯುವುದು ಉತ್ತಮ.
ಹೊಸ ವೇಳಾಪಟ್ಟಿ; ಹೊಸ ವೇಳಾಪಟ್ಟಿಯ ಪ್ರಕಾರ ರೈಲು ನಂಬರ್ 16219 ಚಾಮರಾಜನರದಿಂದ 15:30ಕ್ಕೆ ಹೊರಡಲಿದೆ. ತಿರುಪತಿಗೆ 03:40ಕ್ಕೆ ತಲುಪಲಿದೆ. ಈ ಹಿಂದಿನ ವೇಳಾಪಟ್ಟಿಯಂತೆ ರೈಲು ಚಾಮರಾಜನಗರದಿಂದ 15:30ಕ್ಕೆ ಹೊರಡುತ್ತಿದ್ದ ರೈಲು ತಿರುಪತಿಗೆ 4:10ಕ್ಕೆ ತಲುಪುತ್ತಿತ್ತು.
ಚಾಮರಾಜನಗರದಿಂದ ಹೊರಡುವ ರೈಲು ನಂಜನಗೂಡು ಟೌನ್ 15:55/ 15:57, ಚಾಮರಾಜಪುರಂ 16:22/ 16:23, ಮೈಸೂರು ಜಂಕ್ಷನ್ 16:45/ 16:55, ಪಾಂಡವಪುರ 17:14/ 17:15, ಮಂಡ್ಯ 17:36/ 17:37, ಮದ್ದೂರು 17.55/ 17:56, ಚನ್ನಪಟ್ಟಣ 18:10/ 18:11, ರಾಮನಗರ 18:21/ 18:22ಕ್ಕೆ ಆಗಮನ/ ನಿರ್ಗಮನವಾಗಲಿದೆ.
ಬಿಡದಿ 18:33/ 18:34, ಕೆಂಗೇರಿ 18:51/ 18:52, ನಾಯಂಡಹಳ್ಳಿ 19:01/19:02, ಕೆಎಸ್ಆರ್ ಬೆಂಗಳೂರು 20:20/ 20.30, ಬೆಂಗಳೂರು ಕಂಟೋನ್ಮೆಂಟ್ 20:40/ 20:42, ಬೈಯಪ್ಪನಹಳ್ಳಿ 20:50/ 20:51, ಕೆಆರ್ ಪುರ 20:55/ 20:57, ವೈಟ್ಫೀಲ್ಡ್ 21:08/ 21:09, ಮಾಲೂರು 21:24/ 21:25 ಆಗಮನ/ ನಿರ್ಗಮನ.
ಬಂಗಾರಪೇಟೆ 21:49/ 21:51, ಕುಪ್ಪಂ 22:25/ 22:26, ಜೋಲಾರಪಟ್ಟಿ 00:01/ 00:05, ಅಂಬುರ್ 00:30/ 00:32, ಕಟ್ಪಾಡಿ ಜಂಕ್ಷನ್ 01:23/ 01/25, ಚಿತ್ತೂರು 01:58/ 02:00, ತಿರುಪತಿ 03:40ಗೆ ಆಗಮನವಾಗಲಿದೆ.
ರೈಲಿನ ವೇಗ ಹೆಚ್ಚಿಸಲು ಬೇಡಿಕೆ; ಚಾಮರಾಜನಗರ-ತಿರುಪತಿ ರೈಲಿನ ವೇಳಾಪಟ್ಟಿಯನ್ನು ಬದಲಾವಣೆ ಮಾಡಿದರೂ ಸಹ ಪ್ರಯಾಣಿಕರ ರೈಲಿನ ವೇಗ ಹೆಚ್ಚಿಸಬೇಕು ಎಂದು ಬೇಡಿಕೆ ಇಟ್ಟಿದ್ದಾರೆ. ಚಾಮರಾಜನಗರ, ಮೈಸೂ ಮತ್ತು ಬೆಂಗಳೂರು ನಡುವೆ ರೈಲಿನ ವೇಗ ಹೆಚ್ಚಿಸಬೇಕು ಎಂದು ಆಗ್ರಹಿಸಲಾಗಿದೆ. ಸದ್ಯ ರೈಲು ಚಾಮರಾಜನಗರ-ಬೆಂಗಳೂರು ನಡುವೆ 199 ಕಿ. ಮೀ. ಸಂಚಾರ ನಡೆಸಲು 4 ಗಂಟೆ 50 ನಿಮಿಷ ತೆಗೆದುಕೊಳ್ಳುತ್ತಿದೆ.
ಮೈಸೂರು ಮತ್ತು ಕ್ರಾಂತಿ ವೀರ ಸಂಗೊಳ್ಳಿ ರಾಯಣ್ಣ ರೈಲು ನಿಲ್ದಾಣ, ಬೆಂಗಳೂರು ನಡುವೆ ರೈಲುಗಳು 3 ಗಂಟೆ 25 ನಿಮಿಷದಲ್ಲಿ ಸಂಚಾರ ನಡೆಸುತ್ತವೆ. ಆದರೆ ಈ ರೈಲು ಮಾತ್ರ ಹೆಚ್ಚಿನ ಸಮಯವನ್ನು ತೆಗೆದುಕೊಳ್ಳುತ್ತಿದೆ ಎಂದು ಪ್ರಯಾಣಿಕರು ದೂರಿದ್ದಾರೆ.
Click it and Unblock the Notifications
Sign in with Google