ಭಾರತ-ಪಾಕ್ ಮಧ್ಯೆ ಅತೀ ಕೆಟ್ಟ ಸನ್ನಿವೇಶ: ಡೊನಾಲ್ಡ್ ಟ್ರಂಪ್ ಕಳವಳ
ವಾಷಿಂಗ್ಟನ್, ಫೆಬ್ರವರಿ 23: ಪುಲ್ವಾಮಾ ದಾಳಿಯ ಬಳಿಕೆ ಭಾರತ ಮತ್ತು ಪಾಕಿಸ್ತಾನದ ನಡುವೆ ಅತ್ಯಂತ ಕೆಟ್ಟ ಸನ್ನಿವೇಶ ಏರ್ಪಟ್ಟಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಕಾಶ್ಮೀರ ಕಣಿವೆಯಲ್ಲಿ ಎದ್ದಿರುವ ಯುದ್ಧದಂಥ ಸನ್ನಿವೇಶ ಶೀಘ್ರವೇ ನಿಯಂತ್ರಣಕ್ಕೆ ಬರಲಿದೆ ಎಂದು ನಾನು ನಂಬುತ್ತೇನೆ. ಸದ್ಯಕ್ಕೆ ಉಭಯ ದೇಶಗಳ ನಡುವೆ ಅಪಾಯಕಾರಿ ಸನ್ನಿವೇಶ ಏರ್ಪಟ್ಟಿದೆ. ನಾವು ಶಾಂತಿಯನ್ನು ಕಾಪಾಡಲು ಎರಡೂ ದೇಶದೊಂದಿಗೆ ಮಾತುಕತೆ ನಡೆಸುತ್ತೇವೆ ಎಂದು ಟ್ರಂಪ್ ಹೇಳಿದರು.
ಭಾರತ ಸುಮಾರು 50 ರಷ್ಟು ಯೋಧರನ್ನು ಕಳೆದುಕೊಂಡಿದೆ. ಅದನ್ನು ಗಂಭೀರವಾಗಿ ಪರಿಗಣಿಸಿದೆ. ಆದರೆ ಎರಡು ದೇಶಗಳ ನಡುವಿನ ಅತೀ ಸೂಕ್ಷ್ಮ ವಿಷಯ. ಕಾಶ್ಮೀರದಲ್ಲಿ ಅಂದು ನಡೆದ ಘಟನೆಯಿಂದಾಗಿ ಎರಡು ದೇಶಗಳ ನಡುವೆ ಯುದ್ಧ ಏಳಬಹುದಾದ ಸಾಧ್ಯತೆ ಇದೆ. ಇದು ತುಂಬಾ ಅಪಾಯಕಾರಿ ಎಂದು ಟ್ರಂಪ್ ಹೇಳಿದರು.
"ನಾವು ಪಾಕಿಸ್ತಾನಕ್ಕೆ ನೀಡುತ್ತಿದ್ದ 1.3 ಬಿಲಿಯನ್ ಡಾಲರ್ ನೆರವನ್ನು ಈಗಾಗಲೇ ಕಡಿತಗೊಳಿಸಿದ್ದೇವೆ. ಪಾಕಿಸ್ತಾನದೊಂದಿಗೆ ಮೊದಲಿನಿಂದಲೂ ನಮ್ಮ ಸಂಬಂಧ ಸೌಹಾರ್ದವಾಗಿತ್ತು. ಆದರೆ ಬದಲಾದ ಸನ್ನಿವೇಶದಲ್ಲಿ ಅದು ನಮ್ಮ ಬೆಂಬಲಕ್ಕೆ ನಿಲ್ಲದ ಕಾರಣ ನಾವು ಈ ಹೆಜ್ಜೆ ಇಟ್ಟಿದ್ದೇವೆ" ಎಂದರು.
Click it and Unblock the Notifications
Sign in with Google