Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶುಲ್ಕ ಹೆಚ್ಚಿಸುವಂತಿಲ್ಲ: ಖಾಸಗಿ ಶಾಲೆಗಳಿಗೆ ದೆಹಲಿ ಸರ್ಕಾರ ಎಚ್ಚರಿಕೆ
ನವದೆಹಲಿ, ಏಪ್ರಿಲ್ 17: ಖಾಸಗಿ ಶಾಲೆಗಳು ಶಾಲಾ ಶುಲ್ಕವನ್ನು ಹೆಚ್ಚು ಮಾಡುವ ಹಾಗಿಲ್ಲ ಎಂದು ದೆಹಲಿ ಸರ್ಕಾರ ಆದೇಶ ನೀಡಿದೆ. ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಇಂದು ಖಾಸಗಿ ಶಾಲೆಗಳಿಗೆ ಸರ್ಕಾರ ನಿಮಯವನ್ನು ತಿಳಿಸಿದ್ದಾರೆ.
ಕೊರೊನಾ ವೈರಸ್‌, ಲಾಕ್‌ಡೌನ್ ಇವುಗಳ ಕಾರಣವನ್ನು ಹೇಳಿ ಅನೇಕ ಖಾಸಗಿ ಶಾಲೆಗಳು ಪೋಷಕರಿಂದ ಹೆಚ್ಚು ಹಣ ಪಡೆಯುವ ಪ್ರಯತ್ನಗಳು ಮಾಡುತ್ತಿವೆ. ಇದನ್ನು ಪೋಷಕರು ಸರ್ಕಾರ ಗಮನಕ್ಕೆ ತಂದಿದ್ದಾರೆ. ಹೀಗಾಗಿ ಈ ವಿಷಯದಲ್ಲಿ ದೆಹಲಿ ಸರ್ಕಾರ ಕಠಿಣ ಕ್ರಮ ತೆಗೆದುಕೊಂಡಿದೆ.
ಡಿಸಾಸ್ಟರ್ ಮ್ಯಾನೆಜ್‌ಮೆಂಟ್ ಆಕ್ಟ್ ಅಡಿಯಲ್ಲಿ ದೆಹಲಿ ಸರ್ಕಾರ ಕೆಲವು ನಿಯಮಗಳನ್ನು ಖಾಸಗಿ ಶಾಲೆಗಳಿಗೆ ವಿಧಿಸಿದೆ. ಸರ್ಕಾರದ ಅನುಮತಿ ಇಲ್ಲದೆ ಯಾವುದೇ ಖಾಸಗಿ ಶಾಲೆ, ಶುಲ್ಕ ಹೆಚ್ಚು ಮಾಡುವ ಹಾಗಿಲ್ಲ ಎಂದು ತಿಳಿಸಿದೆ. ದೆಹಲಿ ಸರ್ಕಾರ ನೀಡಿರುವ ಆದೇಶದ ಪ್ರಮುಕಾಂಶಗಳು ಹೀಗಿವೆ.
ಭೋದನೆ ಶುಲ್ಕವನ್ನು ಮಾತ್ರ ಪಡೆಯಬೇಕು
ಖಾಸಗಿ ಶಾಲೆಗಳು ಒಂದಲ್ಲ ಒಂದು ಕಾರಣ ಹೇಳಿ ಪೋಷಕರಿಂದ ಹಣ ಪಡೆಯುತ್ತಾರೆ ಎನ್ನುವ ದೂರು ಹಿಂದೆಯಿಂದಲೂ ಇದೆ. ಈಗಲೂ ಕೊರೊನಾ ಹಾಗೂ ಲಾಕ್‌ಡೌನ್ ಕಾರಣ ಹೇಳಿ ಹೆಚ್ಚಿನ ಖಾಸಗಿ ಶಾಲೆಗಳು ಹೆಚ್ಚು ಹಣ ತೆಗೆದುಕೊಳ್ಳಲು ಮುಂದಾಗಿದ್ದರು. ಆದರೆ, ದೆಹಲಿ ಸರ್ಕಾರ ಬೋಧನೆ ಶುಲ್ಕ ಬಿಟ್ಟು ಯಾವುದೇ ರೀತಿ ಶುಲ್ಕವನ್ನು ಪಡೆಯಬಾರದು ಎಂದಿದೆ. ಭೋದನೆ ಶುಲ್ಕವೂ ತಿಂಗಳಿನ ಆಧಾರದ ಮೇಲೆ ಪಡೆಯಬೇಕು ಎಂದು ತಿಳಿಸಿದೆ.
ವಾಹನ ಶುಲ್ಕ, ವಾರ್ಷಿಕ ಶುಲ್ಕ ಪಡೆಯಬಾರದು
ಖಾಸಗಿ ಶಾಲೆಗಳಲ್ಲಿ ಭೋದನೆ ಶುಲ್ಕದ ಜೊತೆಗೆ ವಾಹನ ಶುಲ್ಕ, ಡಿಪಾರ್ಮೆಂಟ್ ಶುಲ್ಕ, ವಾರ್ಷಿಕ ಶುಲ್ಕ ಹೀಗೆ ಅನೇಕ ಶುಲ್ಕಗಳನ್ನು ಪಡೆಯುತ್ತಾರೆ. ಆದರೆ, ದೆಹಲಿ ಸರ್ಕಾರ ಈ ಸಮಯದಲ್ಲಿ ಭೋದನೆ ಶುಲ್ಕ ಬಿಟ್ಟು ಬೇರೆ ಹಣವನ್ನು ಪಡೆಯಬಾರದು ಎಂದಿದೆ. ಜೊತೆಗೆ ಏನೇನೋ ಕಾರಣಗಳನ್ನು ಕೇಳಿ ಬೋದನೆ ಶುಲ್ಕವನ್ನು ಹೆಚ್ಚು ಮಾಡುವ ಹಾಗಿಲ್ಲ ಎಂದು ಕಟ್ಟುನಿಟ್ಟಾಗಿ ತಿಳಿಸಿದೆ.
ಆನ್‌ಲೈನ್ ಕ್ಲಾಸ್‌ನಿಂದ ದೂರ ಇಡುವಂತಿಲ್ಲ
ಈಗಾಗಲೇ ದೆಹಲಿಯ ಅನೇಕ ಶಾಲೆಗಳು ಬೋಧನೆ ಶುಲ್ಕವನ್ನು ತೆಗೆದುಕೊಳ್ಳುತ್ತಿದ್ದಾರೆ. ಇನ್ನು, ಸದ್ಯಕ್ಕೆ ಆ ಶುಲ್ಕವನ್ನು ಪಾವತಿ ಮಾಡಲು ಆಗದೆ ಇರುವ ವಿದ್ಯಾರ್ಥಿಗಳನ್ನು ಆನ್ ಲೈನ್ ಕ್ಲಾಸ್ ನಿಂದ ದೂರ ಇಡುವಂತಿಲ್ಲ ಎಂದು ತಿಳಿಸಿದೆ. ಲಾಕ್‌ಡೌನ್ ಇರುವ ಕಾರಣ ಶಾಲೆಗಳ ಪ್ರಾರಂಭಕ್ಕೆ ಅಡಿಯಾಗಿದ್ದು, ಹೀಗಾಗಿ ಬಹುತೇಕ ಶಾಲೆಗಳು ತಾತ್ಕಲಿಕವಾಗಿ ಆನ್‌ಲೈನ್ ಶಿಕ್ಷಣದ ಮೊರೆ ಹೋಗಿದ್ದಾರೆ.
ಪೋಷಕರ ದೂರು ಆಲಿಸಿದ ಸರ್ಕಾರ
ದೆಹಲಿಯ ಹಲವು ಶಾಲೆಗಳು ಶಾಲಾ ಶುಲ್ಕವನ್ನು ಹೆಚ್ಚು ಮಾಡಿದ್ದವು. ಇದನ್ನು ಅನೇಕ ಪೋಷಕರು ಸರ್ಕಾರದ ಗಮನಕ್ಕೆ ತಂದಿದ್ದರು. ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರಿಗೂ ಪತ್ರ ಬರೆದಿದ್ದರು. ಇದೀಗ ಈ ಬಗ್ಗೆ ದೆಹಲಿ ಸರ್ಕಾರ ಕ್ರಮ ಕೈಗೊಂಡಿದೆ. ಸರ್ಕಾರ ಅನುಮತಿ ಇಲ್ಲದೆ, ಶುಲ್ಕ ಹೆಚ್ಚು ಮಾಡುವಂತಿಲ್ಲ ಎಂದಿದೆ. ಸರ್ಕಾರ ಶುಲ್ಕ ಹೆಚ್ಚು ಮಾಡಲು ಅನುಮತಿಯನ್ನು ಸುಲಭಕ್ಕೆ ನೀಡುವುದಿಲ್ಲ ಎಂದು ತಿಳಿಸಿದೆ.
