ಚೀನಾ, ಯುಎಸ್ ನಂತರ ಕೊರೊನಾ ಹಾಟ್ಸ್ಪಾಟ್ ಆದ ಬ್ರೆಜಿಲ್!
ದೆಹಲಿ, ಮೇ 13: ಚೀನಾದಲ್ಲಿ ಹುಟ್ಟಿದ ಕೊರೊನಾ ವೈರಸ್ ಅಲ್ಲಿ ಮಾರಣಹೋಮವೇ ಮಾಡಿಬಿಡ್ತು. 80 ಸಾವಿರ ಸೋಂಕು ಪತ್ತೆಯಾಗಿದ್ದು, 4 ಸಾವಿರಕ್ಕೂ ಹೆಚ್ಚು ಜನ ಬಲಿಯಾದರು. ಚೀನಾದ ದುರಂತ ನೋಡಿ ಇತರೆ ದೇಶಗಳು ಭಯಗೊಂಡಿದ್ದವು. ದಿನಕಳೆದಂತೆ ಚೀನಾದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಬಂತು.
ಆದರೆ, ಒಬ್ಬರಿಂದ ಮತ್ತೊಬ್ಬರಿಗೆ ಹರಡಿದ ಈ ಮಹಾಮಾರಿ ಚೀನಾದಿಂದ ಸ್ಪೇನ್, ಇಟಲಿ, ಅಮೆರಿಕ, ಯುಕೆ, ಭಾರತ ಹೀಗೆ ಇಡೀ ವಿಶ್ವಕ್ಕೆ ಹಬ್ಬಿತು. ಕೊವಿಡ್ ಆರ್ಭಟಕ್ಕೆ ಜಗತ್ತಿನ ಪ್ರಮುಖ ದೇಶಗಳು ನಲುಗಿ ಹೋದವು.
ಯುಎಸ್ಎನಲ್ಲಿ ನಿರೀಕ್ಷೆಗೂ ಮೀರಿ ಸಾವು ಸಂಭವಿಸಿದೆ. 14 ಲಕ್ಷಕ್ಕೂ ಹೆಚ್ಚು ಸೋಂಕು ವರದಿಯಾಗಿದ್ದು, 83 ಸಾವಿರ ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಇದೀಗ, ಜಗತ್ತಿನಲ್ಲಿ ಕೊರೊನಾಗೆ ಹೊಸ ಹಾಟ್ಸ್ಪಾಟ್ ಆಗಿ ಬ್ರೆಜಿಲ್ ದೇಶ ಬಲಿಯಾಗಿದೆ. ಮುಂದೆ ಓದಿ.....
1.7 ಲಕ್ಷಕ್ಕೂ ಅಧಿಕ ಸೋಂಕು
ಬ್ರೆಜಿಲ್ ದೇಶದಲ್ಲಿ ಕಳೆದ ಫೆಬ್ರವರಿ ತಿಂಗಳಿನಿಂದ ಈವರೆಗೂ 1.77,589 ಕೊರೊನಾ ಕೇಸ್ಗಳು ವರದಿಯಾಗಿದೆ. ಅತಿ ಸೋಂಕಿತರ ಪಟ್ಟಿಯಲ್ಲಿ ಮುಂದಿದ್ದ ಜರ್ಮನಿಯಲ್ಲಿ ಬ್ರೆಜಿಲ್ ಹಿಂದಿಕ್ಕಿದೆ. ಫ್ರಾನ್ಸ್ ದೇಶದ ಸನಿಹದಲ್ಲಿ ಬಂದು ನಿಂತಿದೆ. ದಕ್ಷಿಣ ಅಮೆರಿಕ ರಾಷ್ಟ್ರಗಳ ಪೈಕಿ ಬ್ರೆಜಿಲ್ ಕೊರೊನಾ ಹಾಟ್ಸ್ಪಾಟ್ ಆಗಿದೆ.
ಆತಂಕದೆಡೆಗೆ ಬ್ರೆಜಿಲ್!
ಬ್ರೆಜಿಲ್ ದೇಶದಲ್ಲಿ ಈವರೆಗೂ 12,461 ಜನರು ಕೊರೊನಾದಿಂದ ಪ್ರಾಣ ಕಳೆದುಕೊಂಡಿದ್ದಾರೆ. ವಾಷಿಂಗ್ಟನ್ ವಿಶ್ವವಿದ್ಯಾಲಯದ ಆರೋಗ್ಯ ಮಾಪನ ಮತ್ತು ಮೌಲ್ಯಮಾಪನ (ಐಎಚ್ಎಂಇ) ವರದಿ ಪ್ರಕಾರ ಆಗಸ್ಟ್ ವೇಳೆಗೆ ಬ್ರೆಜಿಲ್ನಲ್ಲಿ ಸುಮಾರು 88000 ಸಾವು ಸಂಭವಿಸಲಿದೆ ಎಂದು ಹೇಳಿದೆ. ಇದು ನಿಜಕ್ಕೂ ಆತಂಕ ತಂದಿದೆ.
ಜಿಮ್, ಸಲೂನ್ ತೆರೆಯಲು ಅಧ್ಯಕ್ಷರ ಒತ್ತಾಯ
ಲಾಕ್ಡೌನ್ ಕಾರಣದಿಂದ ದೇಶದಲ್ಲಿ ಅರ್ಥಿಕ ಬಿಕ್ಕಟ್ಟು ಎದುರಾಗಿದೆ. ವ್ಯವಹಾರಕ್ಕೆ ಅವಕಾಶ ಕೊಡದೆ ಹೋದರೆ ಆರ್ಥಿಕ ಹಾನಿ ರೋಗಕ್ಕಿಂತ ಕೆಟ್ಟದಾಗಿರಲಿದೆ ಎಂದು ಹೇಳಿದ್ದಾರೆ. ಇದರಿಂದ ಜಿಮ್ ಮತ್ತು ಸಲೂನ್ ಅಂಗಡಿ ಓಪನ್ ಮಾಡಲು ಅವಕಾಶ ಕೊಡಲು ತೀರ್ಮಾನಿಸಿದ್ದಾರೆ. ಆದರೆ, ಅಧ್ಯಕ್ಷ ಬೋಲ್ಸೊನಾರೊ ಅವರ ವಾದಕ್ಕೆ ರಾಜ್ಯಗಳ ಗರ್ವನರ್ಗಳು ವಿರೋಧ ವ್ಯಕ್ತಪಡಿಸಿದ್ದಾರೆ.
ಯುಎಸ್ ಬಳಿಕ ರಷ್ಯಾ
ಜಗತ್ತಿನಲ್ಲಿ ಅತಿ ಹೆಚ್ಚು ಸೋಂಕು ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ರಷ್ಯಾ ಮೂರನೇ ಸ್ಥಾನ ಪಡೆದುಕೊಂಡಿದೆ. ಅಮೆರಿಕ, ಸ್ಪೇನ್ ನಂತರ ರಷ್ಯಾದಲ್ಲಿ ಹೆಚ್ಚು ಕೇಸ್ ದಾಖಲಾಗಿದೆ. ಕಳೆದ 24 ಗಂಟೆಯಲ್ಲಿ 10 ಸಾವಿರಕ್ಕೂ ಹೆಚ್ಚು ಕೇಸ್ ಇಲ್ಲಿ ವರದಿಯಾಗಿದೆ. ಈವರೆಗೂ 232,243 ಜನರಿಗೆ ಕೊರೊನಾ ದೃಢಪಟ್ಟಿದೆ. ಆದರೆ, ಸಾವಿನ ಸಂಖ್ಯೆಯಲ್ಲಿ ರಷ್ಯಾ ನಿಯಂತ್ರಣದಲ್ಲಿದೆ. ಇದುವರೆಗೂ 2,116 ಜನರು ಸೋಂಕಿನಿಂದ ಸಾವನ್ನಪ್ಪಿದ್ದಾರೆ.
Click it and Unblock the Notifications
Sign in with Google