ತಾಯಂದಿರ ದಿನದಂದು 'ರಾಜಕುಮಾರ' ಸಿನಿಮಾ ವೀಕ್ಷಿಸಿದ ವೃದ್ಧೆಯರು
ತಾಯಿ ಹಾಗೂ ಮಕ್ಕಳ ಸಂಬಂಧ ಬೆಸೆಯುವ ಅಪರೂಪದ ಚಿತ್ರ ರಾಜಕುಮಾರ ಸಿನಿಮಾವನ್ನು ನೋಡುವ ಭಾಗ್ಯವನ್ನ ಮೈಸೂರಿನ ವೃದ್ದಾಶ್ರಮದಲ್ಲಿದ್ದ ತಾಯಂದಿರಿಗೆ ಪರಿವರ್ತನ ಟ್ರಸ್ಟ್ ವಿಶ್ವ ತಾಯಂದಿರ ದಿನದಂದು ಕಲ್ಪಿಸಿಕೊಟ್ಟಿತು.
ಮೈಸೂರು, ಮೇ 14: ವಿಶ್ವ ತಾಯಂದಿರ ದಿನ ಹಿನ್ನೆಲೆಯಲ್ಲಿ ಪರಿವರ್ತನ ಟ್ರಸ್ಟ್ ವತಿಯಿಂದ ಮೈಸೂರಿನಲ್ಲಿ ವೃದ್ದಾಶ್ರಮದ ತಾಯಂದಿರಿಗೆ ರಾಜಕುಮಾರ ಚಿತ್ರ ವೀಕ್ಷಣೆಗೆ ವ್ಯವಸ್ಥೆ ಮಾಡಲಾಗಿತ್ತು. ಈ ಮೂಲಕ ತಾಯಿ ಹಾಗೂ ಮಕ್ಕಳ ಸಂಬಂಧ ಬೆಸೆಯುವ ಅಪರೂಪದ ಚಿತ್ರ ರಾಜಕುಮಾರ ಸಿನಿಮಾವನ್ನ ನೋಡುವ ಭಾಗ್ಯವನ್ನ ವೃದ್ದಾಶ್ರಮದಲ್ಲಿದ್ದ ತಾಯಂದಿರಿಗೆ ಪರಿವರ್ತನ ಟ್ರಸ್ಟ್ ಕಲ್ಪಿಸಿಕೊಟ್ಟಿತು.
ಮೈಸೂರಿನ ಗಾಯಿತ್ರಿ ಟಾಕೀಸ್ ನಲ್ಲಿ ಐವತ್ತು ತಾಯಂದಿರು ಚಿತ್ರವನ್ನ ವೀಕ್ಷಿಸಿ ಖುಷಿ ಪಟ್ಟರು. ಪರಿವರ್ತನಂ ಟ್ರಸ್ಟ್ ವತಿಯಿಂದ ಗುಲಾಬಿ ಹಾಗೂ ಹಣ್ಣು ಹಂಪಲು ವಿತರಣೆ ಮಾಡುವ ಮೂಲಕ ವೃದ್ದಾಶ್ರಮ ತಾಯಂದಿರಿಗೆ ವಿಶ್ವತಾಯಂದಿರ ದಿನದ ಶುಭಾಶಯ ಕೋರಲಾಯಿತು.
ನಗರ ಪಾಲಿಕೆ ಸದಸ್ಯ ಮಾ ವಿ ರಾಮ್ ಪ್ರಸಾದ್ ಹಾಗೂ ಉಮಾ ಮಣಿ ಸೇರಿ ಮೈಸೂರಿನ ಯುವಕರು ಈ ವಿನೂತನ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು.
ಮೈಸೂರಿಗೆ ಪುನೀತ್ ರಾಜ್ ಕುಮಾರ್ ಭೇಟಿ
ಸಾಂಸ್ಕೃತಿಕ ನಗರಿಗೆ ದಿಢೀರ್ ಭೇಟಿ ನೀಡಿದ ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ರಾಜಕುಮಾರ ಸಿನಿಮಾ ನಡೆಯುತ್ತಿರುವ ಥಿಯೇಟರ್ಗಳಿಗೆ ತೆರಳಿ ಅಭಿಮಾನಿಗಳ ಕೈ ಕುಲುಕಿದರು. ನಿನ್ನೆ ಸಂಜೆ ಲೀಡೋ, ಸರಸ್ವತಿ ಹಾಗೂ ಲಕ್ಷ್ಮೀ ಥಿಯೇಟರ್ಗಳಿಗೆ ಭೇಟಿ ನೀಡಿದ ಪುನೀತ್ ರಾಜ್ಕುಮಾರ್, ಕೆಲವು ಹೊತ್ತು ಅಭಿಮಾನಿಗಳೊಂದಿಗೆ ಕುಳಿತು ಸಿನಿಮಾ ನೋಡಿ, ಅಭಿಪ್ರಾಯ ಕೇಳಿ ಖುಷಿಪಟ್ಟರು.
ಅಪ್ಪುವಿನ ಅನಿರೀಕ್ಷಿತ ಭೇಟಿಯಿಂದ ಖುಷ್ ಅದ ಅಭಿಮಾನಿಗಳು ಸೆಲ್ಫಿ ತೆಗೆಯಲು ತಾ ಮುಂದು ನಾ ಮುಂದು ಎಂದು ಮುಗಿಬಿದ್ದು ಫೋಟೋ ಕ್ಲಿಕ್ಕಿಸಿಕೊಂಡರು.
Click it and Unblock the Notifications
Sign in with Google